“Iha segunda diretiva ne'e iha matadalan ida ami husu atu organizasaun ida-idak atu hahú sira-nia prosedimentu resensiamentu membru sira nian”, hatete Octavio liuhusi Konferénsia Imprensa iha salaun KRAM-SEJD, Lesidere, kuarta (27/04).
Alende ne'e komisaun mós hanoin ona atu, kria baze dadus ba membru organizasaun arte marisiál, tanba ne'e husu ba líder arte marisiál sira iha inisiativa halo resensiamentu ba membru sira.
“Ninia treinadór na'in hira ninia atleta na'in hira, nia sentru treinamentu ne'e hira iha territóriu Timór laran tomak, tanba ita tempu organizasaun desportu, ita tenke mai hi estrutura kompletu ba insitituisaun sira ne’ebé ba prátika realidade iha terrenu”, esplika nia.
Dadaun ne'e KRAM mós iha planu atu halo reintegra arte marisiál ba sosiedade nu'udar elementu ida ne'ebé importante ba prosesu dezenvolvimentu iha rai laran, liliu iha área desportu nian.
“Ita enkuandra ba modalidade desportu para eleva talentu sira mak membru sira husi organizasaun arte marisiál sira iha modalidade silat nia bele eleva sira-nia kapasidade ka talentu iha sira-nia modalidade”, akresenta nia.
Organizasaun sira ne'ebé mak presiza halo resensiamentu hanesan, Persaudaraan Setia Hati Terate (PSHT), Ikatan Kera Sakti Timor-Leste (IKS-TL), no Kmanek Oan Rai Klaran (KORK). (*)
