Login to your account

Username *
Password *
Remember Me

Tempotimor (Dili)-Ministériu Saúde liuhusi Sentru Integradu Jestaun ba Krize (SIJK) informa, posibilidade variante delta sirkula ona iha Munisípiu Dili no Ermera ne'ebé númeru kazu insidénsia sa'e maka'as.

Tempotimor (Covalima)- Loron segunda (19/4), estudante na'in rua ne'ebé komfirmadu ona ba positivu moras Covid-19 iha kuarentina área Polo, Suku Debus, Postu-Administrativu Suai, Munisípiu Covalima, hakanek pesoal saúde ida, tanba lakohi simu rezultadu teste.

Tuir Komandante Polísia Nasionál Timor-Leste (PNTL), Munisípiu Covalima Superintendente, Antônio Maria de Sá, katak, aktu ne'e krimi, nune'e sei prosesu tuir lei.

"Ohin nain rua mak pozitivu iha kurantina Polo suai ne'e, entaun saúde sira atu mai foti, sira hatudu sira nia asaun ne'ebé la merese, tanba ne'e dezobedensia tuir lei kodigu penal artigu 244, komete ona krime, ita sei hein kazu pozitivu ne'e normál ona maka, ita sei ordena ba investigasaun foti sira presta deklrasaun, depois ita deside bolu naran hatan iha Ministériu Públiku," imforma Nia ba jornalista www.tempotimor.com, iha kuarentina Polo, segunda (19/4).

Nune'e mós, Administradór Munisípiu Covalima, Francisco de Andrade, afirma, estudante na'in rua pozitivu Covid-19 iha kurantina, maibé lakohi kopera ho ekipa saúde sira, no hamosu tán problema hodi hakanek mediku ida.

"Estudante sira lakohi kopera ho saúde sira, hau ho Komandante (PNTL) Munisípiu mai iha ne'e, sira hakilar taka odamatan tama kurtu laran hakilar dehan, Corona bosok, Corona bosok, entaun pesoal saúde sira mai hamriik iha janela para oinsa pozitivu na'in rua ne'e sai ba izolamentu, entaun estudante sira halo reasaun tuku vidru ne'e katik kona mediku jerál Juvelino D.C. de Jesus nia matan fukun ran hotu", Nia konta.

Nia konsidera atetude estudante nian ne'e hanesan kriminozu, tanba tuku vidru hakanek fali pesoal saúde ida, lolos sira tenke komprende no hatudu izemplu, tanba sira hirak ne'e mai husi Dili mak hodi númeru pozitivu Covid-19 aumenta ba 33, no agora sa'e to'o 36.

Nia mós husu ba parte PNTL Munisípiu Covalima atu prosesu asaun ne'ebé estudante sira hatudu ne'e tuir lei.

"Asaun husi estudante halo ne'e, tenke prosesu tuir lei ne'ebé mak iha, nia tenke kumpri aktus ne'e, labele husik", Nia husu

Ho situasaun ne'ebé akontese iha kuarentina Polo, Suai ne'e, parte PNTL ho Administradór Munisípiu Covalima to'o kedas iha fatin hodi halo atuasaun. (*)

Tempotimor (Covalima) - Ekipa Vijilansia Sentru Integradu Jestaun ba Krize (SIJK) Munisípiu Covalima Sei kontinua buka tuir sidadaun ne’ebé sa’e karreta hamutuk ho estudante finalista ba mai Suai-Fatumea.

Tempotimor (Covalima)-relasiona ho moras surtu covid-19 ne'ebé da'et ona ba komunidade lokál mak Polísia Nasionál Timor-Leste (PNTL) liuhusi unidade transitu Munisípiu Covalima nian, kontinua halo pasa revista ba komunidade ne'ebé halo movimentasaun ba mai iha Covalima.

Tempotimor (Covalima)-Prevene numeru transmisaun lokal moras pandemia Covid-19 sa'e liu tan, mak servisu Ospital Referál Suai, husu familia ne'ebé mai hein pasiente iha ospitál labele liu na'in ida.

Tempotimor (Covalima)-Relasiona ho pasiente pozitivu Covid-19 ne'ebé hahú mosu iha Munisípiu Covalima, hamosu mos trauma no tauk, nune'e tékniku laboratóriu na'in 7 tama iha karantina Ótel Elivan, tanba sampel ne'ebé sira responsavél mak hetan pozitivu Covid-19.

Tempotimor (Dili)-Ministériu Saúde relata ona ba públiku katak, hafoin sampel ne'ebé ekipa viizilánsia sentinela iha Covalima rekolla kona-ba sidadaun mane ida ho inisiál NA ne'ebé deskonfia pozitivu Covid-19, maka laboratóriu nasionál konfirma no pozitivu duni, nune'e iha tempu badak MS sei transfere pasiente refere ba sala Izolamentu Vera Cruz.

Tempotimor (Dili) - Atualizasaun Coronavirus Disease 2019 (Covid-19) iha Timor-Leste, suspeitu iha Munisípiu Dili zero ona, maibé iha munísipiu sira seluk sa'e ba 56.

Portavós Sentru Integradu Jestaun Krize (SIJK), Odete da Silva Viegas hateten,  suspeitu ba Covid-19 iha Dili zero, maibé iha munisípiu sa'e ba 56.

"Husi Munisípiu Covalima na'in 6, Munisípiu Ermera na'in 6 no Lautem 42," dehan nia, iha Sentru Konvensaun Dili (CCD), Sesta (8/5).

VIDEO PUBLISIDADE APELU HUSI PM TAUR APLAUS BA FRONT LINE

 


Entretantu, sidadaun sira ne'ebé sei iha vizilánsia sentinela hamutuk 130.

"Sidadaun sira ne'ebé sei iha vizilánsia sentinela hamutuk 130, husi Munisípiu Bobonaru hamutuk 13, Munisípiu Covalima 13, Ermera 10, Lautem 18, Likisá 56 no Manatutu na'in 20," dehan portavós SIJK.

Entretantu, totál amostra sei iha na'in 186, sira ne'ebé rezultadu teste negativu iha munisípiu na'in 46.

PUBLISIDADE

 



Alende ne'e, suspeitu no sidadaun sira ne'ebé iha vizilánsia sentinela iha Ospital Nasionál Giudo Valadares (HNGV) no Ospitál Referál sira laiha, maibé iha Herox Baukau mak na'in 24, Ospitál Referál Maliana 13, Ospitál Referál Suai 17, Ospitál Referál Oekusse no Maubisse mak laiha. Nunee, amostra sei iha 54, rezultadu negativu zero.

Entretantu, atualizasaun dadus ba loron ohin nian teste laboratóriu komulativu hamutuk 830. Husi númeru ne'e na'in 114 mak sei hein rezultadu, pozitivu mantein 24, kazu konfirmadu foun laiha, rezultadu laboratóriu negativu hamutuk 692, kazu rekuperadu na'in 21, na'in 7 kontinua iha izolamentu, entretantu pesoál saúde ne'ebé sei iha kuarentena hamutuk 44, ema ne'ebé sei iha kuarentena hamutuk 167, entretantu sidadaun sira ne'ebé liu ona kuarentena ka loron 14  hamutuk 2. 080. (*)

 

PUBLISIDADE

 

PUBLISIDADE

 

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter