Login to your account

Username *
Password *
Remember Me

Items filtered by date: Wednesday, 27 October 2021

Tempotimor (Baukau)-Sentru Treinamentu Ingtegral Dezenvolvimentu (CTID) Baukau hamutuk ho Autóridade Munisípal Baukau no reprezentante Sentretariu Estadu Formasaun Prófesionál no Empregu (SEFOPE) halo ona inaugurasaun ba aula prátika ba restaurante.

Prátika ne’e, atu kapasita formadór sira halo atendimentu públiku iha restaurante no bár ho di’ak.

Aula prátika restorante Haus Keping ne’e, konstrui husi SEFOPE ne’ebé ho orsamentu rihun US$31-resin no ohin hetan ona inaugurasaun.

"Inaugura aula pratika ba restorante Haus Keping liu-liu ba ita nia formadu sira atu pratika", informa Diretóra Fillas Delas Caritas Canossiana, Maria Filomena da Costa Freitas iha Sentru Treinamentu, Ingtegrál do Dezenvolvimentu Kolejiu Kanosa Baukau (CTID-sigla portugues) Vila Antiga, kuarta (27/10).

Aula ne’e, formandu sira uza ba prátika, nune'e formadu sira ba to'o iha fatin industria uza ekipamentus no hasoru vizitante husi estranjeiru labele lahakfodak.

Tanba ne’e, formasaun iha CTID Baukau durante fulan 8 ho programa asesment no finál mak prátika ne'ebé mak sei hala’o iha aula restaurante.

Nia afirma, liu husi aula pratika bár no restorante ne'e formadu sira sei prátika di'ak liu tán, tanba formadór sira fó liu oportunidade atu aprende.

"Ohin halo inagurasaun, husi parte sefope, INDIMO, ita nia autoridade Munisípiu no belun sira ne'ebé mak ami konvida atu mai haree ita nia alin sira durante tuir formasaun iha fatin ne'e, sira atende ita oinsa, buat ne'ebé mak sira aprende, sei atende ita di'ak liu tán", nia esklarese

Sorin seluk, reprezentante Indimo Nasionál, Amandio Belo hatete, sentru formasaun ne'ebé iha Munisípiu Baukau akreditadu ona.

"Bazeia ba nesesidade, ita fó ba sentru akreditadu sentru ne'ebé mak la akreditadu la tama iha sistema Indimo sei la rekuiñese la fó pakote formasaun ne'ebé mak ita dezenvolve", katak Amandio

Nune'e mós, Diretór Ajénsia Fiskalizasaun Munisípal, Bernardo Ornai husu ba CTID kanosiana Baukau, nafatin fó formasaun ba foinsa'e atu bele kompete iha aréa Hospitalidade nian.

"Presiza tebes ita hotu ajuda malu, la'os estadu de'it, maibé ba mós komunidade ne'ebé iha kompetensia propria ne'ebé sefope fó apoiu formasaun ba ita nia alin sira", dehan nia

Entertantu, formadu ne’ebé dadaun iha CTID ba aréa Hospitalidade hamutuk ema na’in 27. (*)

 

Published in Ekonomia

Tempotimor (Dili)-Koordenadór Forsa-Tarefa Mitigasaun ba Prevensaun Surtu Covid-19 iha Timor-Leste, Rui Maria de Araújo informa, Sentru Integradu Jestaun ba Krize (SIJK) rejista kazu Covid-19 foun na'in-7 no pasiénte ativu iha izolamentu hanutuk 56.

Published in Saude

Tempotimor (Dili)-Polísia Nasionál Timor-Leste (PNTL) selebra akordu ho United Nations Population Fund (UNPF) hodi serbisu hamutuk atu halo prevensaun ba Moras Hada'et husi Relasaun Seksual (MHRS) no HIV/SIDA ba membru PNTL.

Published in Seguransa Defesa
Wednesday, 27 October 2021 15:01

Lú Olo: Seidauk Tempu Deklara Kandidatu ba PR

Tempotimor (Dili)-Prezidente Repúblika (PR), Francisco Guterres 'Lú Olo' hatete, nia parte seidauk deside atu deklara sai kandidatu Prezidente Repúblika (PR) ba períodu 2022-2027, tanba seidauk tempu.

Published in Politika

Tempotimor (Díli)-Diretora Saúde Munisípiu Dili, Agostinha Segurado hatete, eskola neen (6) prontu ona simu vasina Pfizer hodi autoriza estudante sira ho idade 12- menus husi 18 iha Munisípiu Dili tuir vasina.

Published in Saude

Tempotimor (Dili)-Komandante Polísia Nasionál Timor-Leste (PNTL) husi Departamentu Tránzitu Munisípiu Dili, inspetór Domingos Sarmento Gama informa, komandu polísia munisípiu Dili investiga ona suspeitu motorista ho inisial A ne'ebé lori karreta Estadu, ho xapa matrikula 05.930G soke kanek vítima Octavio Soares ho Ana L.Soares ho motorizada Honda Beat Street iha área Kolmera nia.

Published in Justisa

Tempotimor (Dili)-Prezidente Repúblika (PR), Francisco Guterres 'Lú Olo', deside públika loron eleisaun Prezidénsial iha tinan 2022.

Published in Politika

Tempotimor (Baukau)-Sekrétariu Estadu Protesaun Sivil (SEPS) liu husi Diresaun Nasionál Risku Dezastre Naturais hamutuk ho komisaun jestaun dezastre Munisípiu Baukau apoiu ona material ba uma kai’n 210 ne’ebé antes ne’e, uma hetan estragus husi anin sobu, rai halai no inundasaun.

Published in Ekonomia

Tempotimor (Dili)-Prezidente Repúblika (PR), Francisco Guterres 'Lú Olo', ofisialmente inaugura edifisiu gabinete Sentrál Prokurador Jerál Republika (PJR) iha Kolmera-Dili.

Published in Justisa

Tempotimor (Baukau)- Governu liu husi Ministériu Administrasaun Estatál (MAE) fó kompetensia ba Munisípiu atu jere rasik administrativa bazeia ba dekrétu lei Nu.3/2016 ne'ebé hatúr ona kona-ba estatutu Administrasoins Autóridade Munisípal.

Diretór Jerál Desentralizasaun Adminitrativa Administrasaun Estatál, Belarmino Felomeno Neves hatete, dadaun iha hela faze deskonsentrasaun Adminsitrativa triambulu dekrétu lei ne'ebé hatúr ona molok hakat ba kolektiva artigu 72 K-RDTL.

"Katak Kompetensia sira delega entrega mai iha Munisípiu sira, para sira jere organiza no regula rasik, maibé responsabilidade kontinua nafatin iha leten, katak sira nafatin hóla responsabilidade rona orientasaun rona ordem no instituisaun husi nasionál", nia dehan iha salaun sentru konvensaun Baukau, tersa (26/10).

Maibé, oitavu governu konstituisionál ba faze daruak komesa fó fiar ba kada Munisípiu sira, atu iha aspetu aprovizionamentu, nune'e bele hala'o rasik servisu la presiza rona tan órdem ruma husi parte nasionál.

Tanba, iha tinan 2020 orsamentu ne'ebé aloka ba Munisípiu 29 milloes, maibé iha tinan 2021 ne'e aumenta ba 57 Milloes, atufahe ba aréa oi-oin, tanba governu fó ona fiar ba atoridade sira atu jere rasik.

"Iha faze ida ne'e sira iha ona Autonomia Administrativa, Autonomia finanseira no mós autonomia patrimonia sira la hetan tán istrusaun husi nasionál, sira so hetan de'it akompanamentu supervizaun husi nasionál", nia esklarese

Plánu ne'e, sei hatudu intervensaun husi nasionál natoon de'it ba prosesu akompanamentu no mós supervizoriu, maibé dadaun iha Munisípiu seidauk iha aprezentasaun demokratika, tanba pesoál sira ne'ebé lidera administrasaun autoridade Munisípal seidauk eleze tuir plánu ne'ebé konstituisionál hatúr ona.

Iha faze datoluk bolu dezentralizasaun autonomu territoriál ne'e atu hatan ba artigu 72 KDRTL katak, Munisípiu sei dirize hosi pesóal kolektiva no sei eleitu hosi komunidade kada Munisípiu tantu orgaun ezekutivu no lejislativu banati tuir dekretu lei númeru 3/2021.

Parlamentu Nasionál rasik aprova ona lei poder lokál no eleisaun Munisípal, lei refere iha kriteria ema tenki sidadaun Timor-Leste, iha esperensia no propoint hosi komunidade no partidu polítiku.

"Maibé lei nee PN foin haruka ba Prezidente Repúblika para hetan nia promulgasaun", nia hakotu (*)

Published in Politika
Page 2 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter