Login to your account

Username *
Password *
Remember Me

Komunidade Suku Dato-Tolu Konsege Sai Husi Izolamentu

Xefe Suku Dato-Tolu, João Agostinho Resi. Xefe Suku Dato-Tolu, João Agostinho Resi. Foto Tempo Timor

Tempotimor (Covalima)-Komúnidade iha Suku Dato-Tolu, Postu Administrativu Fohorem, Munisípiu Covalima konsege sai husi izolamentu, tanba iha mandate Governu daualu nia bele resolve ona problema estrada ne’ebé aat husi tempu okupasaun Indonézia.

“Tanba suku ida ne'e uluk okupasaun Indonézia to’o mai ukun-an ema temi hanesan suku mais izoladu iha Munisípiu Covalima, maibé ohin loron Oitavu Governu konstitusionál nia mandatu suku Dato-Tolu la'ós ona  suku izoladu maibé nia mós tama ona ba iha suku dezenvolvidu”, deklara Xefe Suku Dato-Tolu, João Agostinho Resi, kinta (06/08).

Maske mandatu Governu hoasoru situasaun ne'ebé grava tebes no situasaun krize polítika, krize mundiál no hasoru dezastre ne'ebé mak boot tebes maibé suku ida ne'e konsege hasai-an duni, tanba hetan programa asesuasaun ba estrada nomós programa seluk.

Tanba ne’e, agradese ba Governu liuhusi Misnitru Obras Publika (MOP) liliu ba Prezidente Ekipa Jestaun (IJE) tanba sira rezolve ona suku Dato-Tolu nia problema kona-ba Estrada.

“MOP ajuda ona ami hodi loke dalan mai ami-nia suku, la’e karik suku Dato-Tolu la sai hanesan ne'e ida, tanba ami-nia suku ne'e ema mai baruk la halimar tanba mai tenke la'o ain, motorizada ho karreta mós tama labele tanba dalan ne'e aat los”, hatete nia.

Maibé hahú mandantu Governu daualu suku Dato-Tolu mós sente ona tama iha era ukun-an, maske seidauk asesu dezenvolvimentu ho pursentu 100, maibé konsege sai husi izoladu.

“Estrada ami asesu ona, maske la di'ak liu maibé tanba governo rezolve duni ona no karreta komesa tama ona, tanba antes ne'e ami kee dalan ho liman hodi halo motorizada nia dalan, maibé ohin loron di'ak ona maske la'ós ho aspal kedas”, dehan nia.

Komunidade Suku Dato-Tolu, Manuel de Jesus, mós apresia ho Governu tanba sira-nia suku uluk izoladu komesa atu muda-an ba suku naroman.

“Ami-nia dalan aat tebes, ema hotu lakohi mai, tanba mai la'o de'it, maibé ohin loron dalan di'ak ona, no boot sira balun mai komesa ona implementa programa iha ami-nia suku, ida ne'e ami apresia tebes no espera katak ami-nia suku ne'e sei naroman liu iha future”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter