Udan Sobu Ponte Baulela Atu Kotu

Ponte ne'ebé liga entre Suai vila ba postu administrativu Maucatar no Fatululik besik atu kotu. Tersa (13/4) Ponte ne'ebé liga entre Suai vila ba postu administrativu Maucatar no Fatululik besik atu kotu. Tersa (13/4) Foto Tempo Timor

Tempotimor (Covalima)-Relasiona ho udan boot ne’ebé akontese iha semana kotuk, mak halo ameasa ba ponte diresaun Suai Vila ba postu Maucatar no Fatululik kotu, nune’e difilkulta ba movimentu transporte públiku no privadu.

Situasaun klimátika ne’ebé mosu iha semana kotuk ne’e, halo mota ne’ebé lokaliza iha suku Ogues nia korente maka’as nune’e fó amesa hodi hakotu ponte refere.

Tuir reprezentante komunidade aldeia Baulela Domingos Cardoso sente trsite ho ponte ne'e, tanba tinan barak mak ponte refere ho kondisaun amesa ba movimentu transporte públiku maibé to’o agora governu seidauk fó atensaun.

"Ponte ne'e aat husi tinan 2016 mai to'o agora no iha semana kotuk ne'e udan boot loron haat nia laran estraga totál no fó amesa boot ba komunidade husi postu Fatululik no Maucatar labele asesu ba merkadu, tanba ponte ne'e diresaun ba postu Suai no komunidade postu rua araska atu asesu merkadu suai nomós postu seluk," dehan Domingos ba jornalista www.tempotimor.com iha aldeia Baulela, Tersa (13/4).

Iha fatin hanesan, xefe aldeia Baulela Alberto Mendonça mós ejize ba governu liu-liu ministériu relevante atu hadi’a ponte ne'e ho lalais, tanba difikulta ba transporte públiku atu halo movimentu inklui difikulta ba komunidade postu Maucatar no Fatululik.

"Ami husu ba Ministériu Obras Públiku (MOP), atu hadi’a ponte refere iha tempu badak atu nune’e komunidade sira husi postu rua ne’e bele lori sira-nia produtu sira ba merkadu inklui bele asesu mós ba sentru saúde nomós ba servisu lor-loron,” dehan Nia.

Entertantu observasaun www.tempotimor.com iha teritóriu nasionál liga ba udan boot ne’ebé akontese iha Timor-Leste konsege rezulta timoroan na’in 42 mak lakon vida inklui ema rihun ida resin mak tenke refúziu ba familia, rezidénsia igreja nian inklui rezidénsia estadu sira, nomós komunidade barak mak tenke lakon sasan inklui uma ne’ebé hetan estragus.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter