Koordenadór EBF I no II 2 síkulu Taroman, Jacinto Teles Mau hatete, liga ba estadu emerjénsia dala sanul- resin-ida iha Timor-Leste inklui aplikasaun serka sanitária iha munisípiu Covalima mak, ema deskoñesidu aproveita situasaun hodi na'ok lampu (ampola) tolu iha eskola filiál Taroman.
"Agora ami feriadu tanba moras Covid-19 ne'e, entaun ema balun mai aproveita na'ok fali lampu ne'on eskola nian ne'ebé monta iha eskola, lampu tolu iha eskola oin ne'e sira hasai hotu, sorte eskola laran ne'e ami save, lae sasán eskola laran sira ne'e mós ema hasai hotu”, dehan Koordenadór EBG Taroman ne'e ba www.tempotimor.com, iha Taroman, Kuarta (24/3).
Liga ba problema ne'e Koordenadór EBF Taroman informa ona ba Eskola Bázika Sentrál (EBC), maibé to'o agora seidauk iha rezultadu.
"Komesa loron tama eskola ne'e ha'u hato'o kedan ba diretór EBC Taroman, maibé desizaun halo nusa ne'e parte sentrál mak iha kompeténsia hodi hato'o ba seguransa hanesan PNTL sira iha postu Fatululik," katak nia.
Iha fatin hanesan estudante EBF Taroman, Gabriel da Cruz (8), ne'ebé tuur ona iha klase quarta ani a sente triste tebes tanba ema na'ok sasán eskola nian.
"Ha’u triste tebes, haree ami-nia eskola, lampu fatin sira komesa mamuk hotu," hatetelabarik ne'e.
Entertantu totál alunus iha EBF 1 no 2 síklu Taroman hamutuk 90 no mestre sira hamutuk na'in-hitu ne'ebé kompostu husi mestre permanente na'i- neen no kontradu nain ida. (*)