Autoridade Covalima Hahú Sensibiliza Populasaun Kona-ba Vasina

Sorumutuk Autoriedade Munisípiu Covalima hahu husi Administradór Munisípiu to'o xefe suku hodi prepara halo divulgasaun informasaun kona-ba vasina iha munisípiu Covalima. Sesta (19/3) Sorumutuk Autoriedade Munisípiu Covalima hahu husi Administradór Munisípiu to'o xefe suku hodi prepara halo divulgasaun informasaun kona-ba vasina iha munisípiu Covalima. Sesta (19/3) Foto Tempo Timor

Tempotimor (Covalima)-Bazeia ba desizaun governu ne'ebé aprova ona iha Konsellu Ministru kona-ba prevensaun virus korona liuhusi vasina AstraZeneca, maka autoriedade munisípiu Covalima hahú divulga informasaun hodi prepara sira nia komunidade kona-ba vasina ba povu Covalima.

Tuir Administradór Munisípiu Covalima, Afonso Nogueira Nahak katak, autoridade lokál sira iha munisípiu Covalima, iha responsabilidade boot oinsa atu mobiliza populasaun hodi hola parte iha programa vasinasaun atu bele proteze ka hasa'e imunizasaun povu nian hodi hasoru moras Covid-19.

"Iha tempu badak programa ne'e sei realiza, tanba ne'e ita bolu autoridade lokál sira iha postu sira liu-liu xefe suku sira hodi mai rona informasaun direta husi ekipa nasionál sira atu nune'e mobiliza povu Covalima iha parte vasinasaun nian," dehan Administratór Afonso ba www.tempotimor.com, Sesta (19/3).

Iha biban hanesan xefe sub-komisaun ba program vasina Covid-19 nian, Mislisa Vital dehan, programa vasinasaun sei prioridade dahuluk ba iha munisipiu sira ne'ebé risku ba moras Covid-19 inklui Covalima.

"Programa vasina ne'e ita haree ba munisípiu ne'ebé mak afeitadu ba moras covid-19 hanesan iha munisípiu Covalima, Bobonaru no Baucau, entaun ita-nia transmite uluk informasaun ba xefe suku sira, depois mak xefe suku sira ba hatutan ba povu sira iha ida-idak nia suku," nia informa.

Entertantu iha divulgasaun informasaun ne'e partisipa husi Administradór Munisípiu Covalima, adminiatradór husi postu administrativu hitu hanesan Fatumea, Fohorem, Fatululik, Zumalai, Maukatar, Suai Vila, no Tilomar, inklui xefe suku 30 ne'ebé hola parte iha munisipiu Covalima.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter