Médiku iha Kuarentina Suai, Zevelio Leograte de Jesus hatete, hafoin simu finalista estudante JMT iha kuarentina Suai, loron kuarta (17/03), simu mós informasaun katak sidadaun hanutuk 20-resin ne’ebé sa’e karreta hamutuk.
"Imformasaun ne'ebé mak ami hetan husi estudante finalista ne'e, sa’e karreta iha anguna ho naran Kedas ema ruanulu-resin liuhusi Fohorem mota ulun ba mai suai”, informa nia iha kuarante Suai, sesta (19/03).
Tanba ne’e, persiza buka tuir ema sira ne'ebé sa’e karreta hamutuk ho estudante finalista ne’e ,atu bele halo teste swab nune'é bele identifika karik, ema hirak ne'e iha sintomas ka lae ba moras covid19.
"Ami kontinua buka karreta ne'ebé mak tula estudante husi Suai ba Fatumea, husi Fatumea mai Suai, nune'e bele halo teste SWAB, ita bele hatene nia iha sintomas ka lae?”, informa nia.
Estudante finalista ne'e halo ona viajen ba Postu Administrativu Fatumea iha loron domingu (14/03) no fila husi Fatumea iha loron segunda (15/03), maske Postu refere sei iha serka sanitária, maibé estudante kontinua vijita, edifísiu edukasaun Covalima ikus mai servisu ambulánsia obrigadu transporte ba kuarentina hodi kumpri kuarentina obrigatóriu durante loron 14. (*)