Vise-koordenadór Eskola Filial Kasabauk, Ernestu Amarál informa, kondisaun eskola agora grave liu ona, maske hetan reablitasaun dala ida iha tinan 2020.
"Kondisaun eskola, agora grave liután, ita-boot sira mós haree rasik ho matan, ami didin uza piku komesa dodok no kuak nakloke hotu, eskola laran, semente nahe sira ne'e komesa nakloke no kuak tun sa’e, plafon sira kuak, dodok hotu, kondisaun kadeira mós aat mak barak, bainhira loron matan sai, ami taka didin eskola sasán”, dehan nia ba jornalista www.tempotimo.com iha nia kna'ar fatin, sesta (19/03)
Maske, parte eakola hato'o ona ba sentru eskola no parte edukasaun Munisípiu Covalima, maibé to'o agora bele responde, tanba seidauk iha osan.
"Ami hato'o ona ba eskola sentru iha Suai Santa maria debus EBFSM no adjuntu mós mai haree ona kondisaun eskola, dehan tenke didin ba eskola ne'e labele uza sasán, imi tenke uza hena ruma hodi taka netik salva loromatan, maibé ami hatan osan laiha ne'e, atu hola hena”, afirma nia.
Entertantu totál estudante iha eskola refere hamutuk atus-ida-neennulu-resin-rua (162), iha professora na’in-tolu, profesor na’in-lima. (*)