Relasiona ho apoiu solidariedade husi povu Ainaru ba povu Covalima ne'e, adminitradór munisípiu Covalima Afonso Nogueira Nahak, agradese ba komunidade no veteranu munisípiu Ainaru, tanba apoiu ona komunidade no autoriedade seguransa.
"Agradese no obrigadu wa'in ba konsellu veteranu munisípiu Ainaru nian nomós komunidade Ainaru tomak, tanba iha tempu difisíl ida hanesan ne'e sira mós hanoin ita Covalima hodi oferese ai-han ba ita”, informa administradór ba www.tempotimor.com, kuarta (17/03).
Prezidente Konsellu veteranu munisípiu Ainaru, Loro Mesak dehan, apoiu hirak ne'e mai husi povu Ainaru, igreja no parte sosiedade sivíl sira.
"Apoiu ne'e husi veteranu munisípiu Ainaru, komunidade, sosiedade sivíl, igreja, juventude, kompaña lokál no loja sira hotu tau hamutuk sasán oituan-oituan hodi ajuda ba ita-nia povu Covalima no seguransa hanesan PNTL no F-FDTL sira ne'ebé destaka iha ne'e," dehan nia.
Nesesidade bázika ne'e mak hanesan fós saka 100, modo no bee aqua ne'ebé mai hatún iha armajen Aeroportu Suai nian.(*)