Login to your account

Username *
Password *
Remember Me

Funsionáriu EMC Tauk Joven Foin Fila Husi Fatumea

Joven feto JMDT ne'ebé iha hela odamatan ambulánsia nian atu akat sa'e ba ambulánsia laran, tanba viola regra serka sanitária iha Fatumea, Covalima. Tersa (16/3) Joven feto JMDT ne'ebé iha hela odamatan ambulánsia nian atu akat sa'e ba ambulánsia laran, tanba viola regra serka sanitária iha Fatumea, Covalima. Tersa (16/3) Foto Tempo Timor

Tempotimor (Covalima) - Relasiona ho moras Covid-19 ne'ebé afeta ona ema balun iha Timor-Leste, mak funsionáriu sira husi Edukasaun Munisípiu Covalima tauk joven feto ida husi Postu Administrativu Fattumea hodi trata dokumentu eskola nian.

Situasaun ne’e akontese iha loron 17 fulan-marsu tinan 2021, tanba funsionáriu sira husi Edukasaun Munisípiu Covalima (EMC) nian halai namkari bainhira haree joven ne’e.

Superintendente Edukasaun Munisípiu Covalima, Fransisco Cardoso hatete, funsionáriu públiku inklui vizitante balun halai namkari tanba joven feto ne'e foin fila husi Postu Administrativu Fatumea atu mai trata dokumentu eskola nian.

"Funsionáriu sira halai, tanba ta'uk eis estudante ne'ebé mai atu trata nia dokumentu eskola nian, entaun kolega funsionáriu ne'e husu ba alin ne'e husi ne'ebé, bainhira nia dehan mai husi postu Fatumea. Entaun ho ida ne'e nia ta'uk labele atende, tanba Fatumea sei serka sanitária hela, ne'ebé ita iha ne'e telefone kedan parte saúde no ekipa ambulánsia mai lori kedan nia ba kuarentina”, dehan nia ba www.tempotimor.com, tersa (16/3).

Joven ho naran inisial JMDT ne'e ba postu Fatumea iha loron domingu (14/03) no fila iha loron segunda (15/03) liuhusi mota ulun ho karreta anguna ida.

Liga ho situasaun ne'e komandante PNTL Munisípiu Covalima Superintendente, António Maria de Sá konsidera joven ne'e hakat sai ilegál husi postu Fatumea ne'ebé sei iha hela serka sanitária.

"Ita konsidera joven ne'e ilegál tanba, postu administrativu Fatumea sei serka sanitária hela ka seidauk livre, tanba ne'e tenke tuir kumpri regra ba kuarentina iha Suai hodi kumpri loron 14”, hateten komandante ne'e.

Entertantu observasaun www.tempotimor.com nota katak, funsionáriu balun halai namkari, maibé funsionáriu balun hobur fali joven ne'e. Maibé liu minutu balun parte saúde desloka kedan joven feto ho idade 21 ba kuarentina hodi kumpri desizaun governu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter