Login to your account

Username *
Password *
Remember Me

Prizaun Suai Fó Ona Liberdade ba Prizoneiru Na'in 5

Eis prizoneiru na'in lima foto hamutuk ho pesoál MSS Munisípiu Manufahi ne'ebé atu lori no re-integra sira ba familia hafoin hetan liberdade husi prizaun Suai. Tersa (16/3 Eis prizoneiru na'in lima foto hamutuk ho pesoál MSS Munisípiu Manufahi ne'ebé atu lori no re-integra sira ba familia hafoin hetan liberdade husi prizaun Suai. Tersa (16/3 Foto Tempo Timor

Tempotimor (Suai)-Durante periodu serka sanitária ne'ebé governu aplika ba munisípiu Covalima, mak iha oportunidade hanesan prizoneiru na'in lima hetan mós liberdade, maibé tanba pandemia maka hafoin remata serka sanitária mak eis prizoneiru sira ne'e sai husi prizaun Suai.

Diretór prizaun Suai Julio Ximenes ba www.tempotimor.com iha nia knaar fatin katak, eis prizoneiru na'in lima mak hetan ona liberdade iha periodu serka sanitária, entaun bainhira governu deside hodi hakotu serka sanitária ne'e, sira mós fila ona ba sira-nia munisípiu.

"Eis prizoneiru sira ne'ebé hetan ona liberdade ne'e loloos sira sai ona iha semana kotuk, maibé Covalima sei iha serka sanitária, entaun sira sai ladi'ak, sira hela iha prizaun kuaze semana tolu hanesan ne'e no agora mak foin lori ba sira-nia fatin," dehan Diretór Julio ba www.tempotimor.com, Tersa (16/3).

Nia akresenta, eis prizoneiru na'in lima ne'e re-integra ona ba ida-idak nia família hafoin servisu solidariedade sosiál husi munisipiu Manufahi mak mai tula eis prizoneiru sira husi munisípiu Manufahi no Ainaru.

"Ita halo termu entrega ba Ministériu Solidariedade Sosiál munisípiu Manufahi nian, entaun husi sira mak mai tula iha ne'e lori ba sira nia hela fatin," katak Nia.

Entertantu molok ne'e, prizoneiru iha prisaun Suai hamutuk 96, maibé na'in lima mak kumpri ona sira-nia pena, nune'e hela nain 91 ida mak kontinua hela iha prizaun ne'ebé kompostu husi prozoneiru kondenadu no prizaun preventiva.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter