Login to your account

Username *
Password *
Remember Me

ESJ Suai Tolera Estudante Iha Fatumea Falta

Diretór ESJP Nú. 01 Suai, Francelino Freitas ko'alia hela ho jornalista www.tempotimor.com iha nia knaar fatin. Tersa (16/3 Diretór ESJP Nú. 01 Suai, Francelino Freitas ko'alia hela ho jornalista www.tempotimor.com iha nia knaar fatin. Tersa (16/3 Foto Tempo Timor

Tempotimor (Covalima) - Governu liuhusi Konsellu Ministru deside hodi hakotu serka sanitária no konfinamentu domisiliáriu obrigatóriu ne'ebé aplika iha munisípiu Covalima, Eskola Sekundária Jerál (ESJ) Númeru 01 deside hodi hala'o prosesu aprendizajen normál, maibé eskola tolera estudante sira ne'ebé sei iha postu administrativu Fatumea.

Diretór Eskola Eskola Sekundária Jerál númeru 01 Suai, Francelino Freitas hatete, prosesu aprendizajen hahú fali ona, maibé estudante balun ne'ebé sei iha postu administrativu Fatumea sei iha toleránsia tanba postu refere sei iha serka sanitária.

"Aula presensiál ne'e hahú ona eceptu estudante ne'ebé iha Fatumea mak sei tolera tanba sei iha serka sanitária entaun eskola la tau falta mezmu la tama eskola," dehan nia ba www.tempotimor.com iha nia kna'ar fatin, tersa (16/03).

Iha prosesu aprendizajen hahú ona, tanba ne'e profesór no estudante sira tenke kumpri protokolu husi Ministériu Saúde (MS) no Organizasaun Mundiál ba Saúde (OMS).

"Ami profesór no estudante sira hotu nafatin kumpri OMS no MS nian, nune'e bele prevene moras aat ida ne'e. Agora totál estudante ne'ebé sei iha foho ami seidauk iha dadus, tanba eskola horseik no ohin mak foin hahú”, informa nia.

Tuir observasaun jornalista www.tempotimor.com iha terenu nota katak, hafoin remata serka sanitária ba munisípiu Covalima estudante ba loron dahuluk semana ne'e hahú normál, maibé vólume sei naton.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter