Ministru Prezidensiá Konsellu Ministru, Fidélis Leite Magalhães hatete, Primeiru Ministru, Taur Matan Ruak hato'o proposta ida kona-bá situasaun epidimolojia iha Munisípiu Covalima, no hafoin rona informasaun ne'e, Konsellu Ministru desidi delibera atu levanta ona inpózisaun serka sánitaria iha Munisípiu Kovalima, maibé Postu-administrativu Fatumea mantein.
"Serka sánitaria hakotu ona, bele para ona iha Munisípiu Covalima, exeptu menus ba postu Fatumea", dehan nia liuhusi konferensia Impresnsa hafoin reuniaun Konsellu Ministru iha edifísiu Ministériu Finansas aitarak-laran, kurta (10/03).
Postu-administratitu Fatumea mantein serka sánitaria, tanba situasaun epidimolojika, moras Covid-19 kontinua nafatin, no esforsu atu buka tuir moras ne'e nia hun ne'ebé hada'et ba komunidade.
"Buka tuir moras ne'e nia hun, no sé mak lori moras ne'e da'et ba Postu Fatumea, sei presiza intensifika tan maka, Konsellu Ministru desidi atu mantein hela Fatumea, maibé levanta ona serka sánitaria iha Covalima", afirma nia.
Nune'e, serka sánitaria bá Postu-administrativu Fatumea mantein to'o loron 13 fulan-marsu tinan 2021, hafoin bele deside filafali.
"Bá postu Fatumea sei mantein to'o dia 21 fulan-Marsu, no serbísu sira hotu ne'ebé maka relasiona ho atividade administrasaun públiku nian, no atividade ensinu, eskola sira-nian, iha Munisípiu Covalima sei tuir nafatin despaixu ne'ebé maka Ministru Estátál, no Ministru Edukasaun hatur tiha ona katak, sei suspende to'o dia 13 fulan-marsu agora", informa Fidélis.
Ho razaun loke hikas serka sánitaria iha Munisípiu Kovalima ne'e, la signifika komúnidade livre totál, maibé tenki kumpri nafatin regra prevensaun.
"Ho presipostu ida dehan iha Munisípiu laran sira bele, serka sánitaria loke ona, maibé medida sira saúde nian ne'e, tenke implementa nafatin", apela. (*)