Tuir relasaun públika EKSES-20 Covalima Almeiro de Sena katak, EKSES COVID-20 distribuisaun fos saka 17, supermi kaixa neen, bimoli kaixa ida ba UPF iha postu Tilomar munisipiu Covalima.
"Ohin ami kontribui fos saka 17, supermi nomós bimoli ba UPF kompañia bravu iha Salele relasiona ho serka sanitária iha munisipiu Covalima," dehan Almeiro ba www.tempotimor.com iha Salele, (9/3).
Nia afirma, distribuisaun hahan báziku ne'e la'ós ohin de'it, maibé horseik mós EKSES distribui uluk ona máskra 1000 ba Polísia tranzitu sira hodi uza ba iha terenu.
"Horseik mós EKSES-20 Covalima ajuda mós parte tranzitu sira ne'ebé hala'o seguransa iha baliza entre postu sira, liu-liu iha suku Ogues postu Maukatar parte auto estrada nian," tenik Nia.
Entertantu EKSES-20 Covalima hetan ajuda husi kompañia lokál no internasionál no komunidade sira iha Dili, hodi ajuda ba munisípiu Covalima, alende ne'e EKSES mós sei kontribui ba postu sira seluk hanesan Fatululik, Maukatar ne'ebé halerik hela ba fós liu-liu liga ba serka sanitária.(*)