Login to your account

Username *
Password *
Remember Me

Estudante EBC Fatumea Nain tolu konfirmadu Covid-19

Koordenadór Forsa Tarefa ba Prevensaun no Mitigasaun Surtu Covid-19 (SS-CIGC, sigla portugés), Rui Maria de Araújo Koordenadór Forsa Tarefa ba Prevensaun no Mitigasaun Surtu Covid-19 (SS-CIGC, sigla portugés), Rui Maria de Araújo Foto Arkivu

Tempotimor (Díli) - Koordenadór Forsa Tarefa ba Prevensaun no Mitigasaun Surtu Covid-19 (SS-CIGC, sigla portugés), Rui Maria de Araújo hateten, husi "cluster" Klauhalek, iha loron 3 no loron 4 fulan marsu 2021, deteta tan kazu konfirmadu nain lima, nain tolu husi aldeia Baleo Ki'ik, nain rua iha aldeia Maneki'ik no entre nain lima ne'e, na'in tolu estudante Eskola Bázika Sentrál (EBC, sigla portugés) Fatumea.

Rui informa, aldeia rua ne'e, viziñu ho aldeia Klauhalek ne'ebé pertense hotu ba suku Belulik Leten no hamutuk "cluster" Klauhalek, iha kazu konfirmadu nain 12

"Kazu konfirmadu hirak ne'e, oras ne'e evakua ona mai Díli no ekipa konjunta saúde munisípiu Covalima hamutuk ho Sentru Saúde Fatumea, nafatin buka tuir kontaktu sira hotu, inklui estudante sira iha Eskola Bázika Sentrál Fatumea", dehan Rui de Araújo, iha Konferénsia Imprensa, Sentru Konvensoens Díli (CCD, sigla portugés), Merkadu Lama, sesta (05/03).

Nia relata, progresu husi atividade buka tuir kontaktu besik husi "cluster" Klauhalek no "Cluster" Onu-Laran, iha munisípiu Covalima to'o ohin, seidauk deteta tan kazu foun.

"Apela ba populasaun iha Covalima nomos iha Díli, atu kalma lalika pániku, lalika rona rumor oi-oin. nafatin tuur hakamtek iha ida-idak nia fatin, hodi fó tempu atu ekipa saúde buka tuir kontaktu besik sira hotu, hodi bele halo ezame iha laboratóriu", tenik Rui.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter