Tuir imformasaun ne'ebé www.tempotimor.com hetan husi PNTL Munisipiu Covalima katak, PNTL kaptura sidadaun na'in sanulu joga karta iha merkadu, ne'ebé konsidera viola regras estadu emerjénsia nian depois la uza maskra inklui laiha distansiamentu sosiál.
Liga ho ne'e www.tempotimor.com koko komfirma ho komandate PNTL Munisipiu Covalima superintendente António Maria de Sá, maibe lá konsege tan ba okupadu ho servisu.
Entretantu, sidadaun sira ne'ebé PNTL Covalima kaptura detein ona iha sela Kuartel Jerál PNTL Covalima. Alende ne'e tuir dadua ne'ebé iha katak, durante semana ne'e PNTL Covalima detein ona ema na'in 22 inklui Diretór Sefope, Xefe suku Beco, xefe aldeia Maucola, prezidente klubu futebool suku Beco no sidadaun seluk tan.(*)