Login to your account

Username *
Password *
Remember Me

Governu Dezloka Ona Fos Saka 480 ba Komunidade Fatumea

Kareta ne'ebe tula foos ba Suai Kareta ne'ebe tula foos ba Suai Foto Tempo Timor

Tempotimor (Covalima)-Relasiona ho Covid-19 ne’ebé afeta dadaun ba komunidade Covalima liu-liu postu administratibu Fatumea no Tilomar, mak governu liuhusi Ministériu Solidariedade Sosiál no Inkluzaun (MSSI) dezloka ona fos saka 480 ba postu Fatumea hodi distribui ba komunidade afetadu sira.

Tuir Administador munisípiu Covalima Afonso Nogueira Nahak katak, kareta ne'ebe tula fos husi postu administrativu Fohorem mak mai tula, depois kareta husi postu administrativu Fatumea simu iha postu Tilomar.

"Kareta husi suai labele lori fos sa’e ba, entaun kareta husi Fatumea tun mai iha postu Tilomar, tanba ne'e mak kareta husi postu Fohorem mak mai tula iha armajen Suai," Informa Administradór ba www.tempotimor.com iha nia knaar fatin, Kuarta (3/3).

Nia afirma, transporte ne’ebé transporta fos ba komunidade afetadu Covid-19 iha Fatumea hamutuk kareta haat.

"Komunidade aldeia tolu iha postu Fatumea ne'ebé araska tebes atu sai ba mai, tanba ne'e mak fos saka 480 hodi ajuda uluk mak sira ne'ebé ágora dadaun afeita hela, ita hatene postu neen ne’e iha Covalima afeta hotu, maibé ita ajuda etapa pór etapa, tamba iha tempu badak fos husi Sentru Nasionál Lojístika (SLN) mós atu mai ona munisípiu Covalima, maibé fos hirak ne'e la fahe gratuita ba komunidade sira, ne'ebé fa'an tuir estandar," Dehan nia.

Entertantu tuir observasaun www.tempotimor.com oras ne'e dadaun iha munisípiu lá iha movimentu ba mai iha suai laran no komunidade hotu-hotu hakmatek iha ida-idak nia uma.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter