Foos Menus iha Fatululik, Leonel Husu Governu Distribuí Urjenti

Foos ne'ebe fa'an iha Suai, Segunda 91/3) Foos ne'ebe fa'an iha Suai, Segunda 91/3) Foto Tempo Timor

Tempotimor (Covalima)-Trasmisaun lokál husi Covid-19 ne’ebé invade dadaun Munisípiu Covalima, postu adminsitrativu Fatumea no Tilomar, afeta mós ba nesesidade báziku hanesan foos no sasan seluk, komesa menus iha kioeske no folin hahú sa’e maka’as.

Tuir xefe suku Taroman Leonel Asa katak, foos iha postu Fatululik suku Taroman hahú menus iha kioske, ne’ebé la to'o semana, foos sei hotu entaun komunidade bele mate hamlaha.

“Agora dadaun foos iha kios sira komesa menus no foos folin sa’e, tanba husi merkadu Suai labele fa'an lori ba postu sira no saku ida kilograma 25, folin sae ba dolár $17.00 to’o $18.00, tanba ne'e husu ba governu relevante atu tau matan mós ba postu administrativu Fatululik, nune'e povu labele mate ba hamlaha,” dehan Leonel liuhusi via telefone ba www.tempotimor.com, Segunda (1/3).

Nia afirma, governu liu-liu ministériu relevante tau matan ba povu sira iha fronteira, tanba ba merkadu Suai mós labele, entaun se laiha apoiu urjente, mak ema bele mate hamlaha.

Autoriedade lokál ne’e akresenta, governu labele halo diskriminasaun iha distribuisaun foos ba munisipiu Covalima, ne’ebé ajuda de’it mak postu administrativu Fatumea no postu seluk, tanba postu seluk mós sai vítima ba lockdown refere.

"Ami husu governu labele halo diskriminasaun ba iha munisipiu Covalima, tanba Ami mak iha fronteira iha Fatululik no Maucatar sira ne'e mós la’o sai ba mai ladi’ak no foos stock komesa laiha ona, tanba ne'e ami husu distribuisaun urjente ba ami,” Nia afirma.
Iha Sorin seluk Loja na’in Yarius Alves dos Santos Ferreira, husi suku Taroman katak, rajaun hasa’e folin foos, tamba husi merkadu Suai ba postu laiha, entau foos folin sa’e.

"Ami hasa’e foos nia folin, tanba ami atu ba sosa iha merkadu Suai, polísia taka dalan hotu, laiha fatin hotu, entaun oinsá ami bele hatún foos folin?, Ami tenke aumenta folin foos to’o $18.00 no agora foos iha fatin seluk laiha ona, depois iha ne’e mós la to’o loron ida ka rua ne’e ona," Nia hateten.

Entertantu observasaun www.tempotimor.com iha terrenu katak, iha merkadu Suai mós foos kilograma 25 kada saku ne’e folin sa’e $14.50 sentavus, tanba liga ba moras ne’ebé iha ne’e, kareta sira ne’ebé bai-bain fa’as foos iha postu Fatululik, Fohorem, Maucatar, Zumalai no Tilomar, la halo movimentu tanba situasaun munisípiu Covalima iha ona transmisaun lokál liu-liu iha postu Tilomar no Fatumea.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter