Print this page

Covid-19: Tranzitu Covalima Kontinua Halo Pasa Revista ba Popupalsaun Sira

By February 26, 2021 1336
PNTL husi Unidade Tranzitu Munisípiu Covalima kontinua halo atividade pasa revista ba komunidade no transporte públiku iha ámbitu Serka Sanitária. PNTL husi Unidade Tranzitu Munisípiu Covalima kontinua halo atividade pasa revista ba komunidade no transporte públiku iha ámbitu Serka Sanitária. Foto Tempo Timor

Tempotimor (Covalima)-relasiona ho moras surtu covid-19 ne'ebé da'et ona ba komunidade lokál mak Polísia Nasionál Timor-Leste (PNTL) liuhusi unidade transitu Munisípiu Covalima nian, kontinua halo pasa revista ba komunidade ne'ebé halo movimentasaun ba mai iha Covalima.

Tuir Komandante tránzitu sarjentu xefe Patricio de Jesus, katak atividade pasa revista ne'e kontinua iha, tanba orienta nafatin ba komunidade sira katak, atu halo movimentasaun tenki lori kartaun identidade nomós mortorista sira tenke iha karta kondusaun no dokumentu seluk tan.

"Loro-loron ami halo check point ba transporte públiku nomós ba ema sira ne'ebé la'o ba mai, tenke lori kartaun identidade hanesan eleitorál, bilhete identidade (BI). Nune'e, ami bele hatene tuir, ema ne'e mai husi ne'ebe no atu ba ne'ebe, karik nia ba postu administrativu, ami haruka fila ba nia uma, tanba agora serka Sanitária hela, ne'ebé sira mós tenke kompriende situasaun agora," dehan Sarjentu Patricio ba www.tempotimor.com iha suai, Sesta (26/2).

Komandante ne'e afirma, komunidade ne'ebé hela iha Suai vila bele ba merkadu, maibé husi postu seluk parte PNTL la autoriza.

"Ba sira ne'ebé hela iha Suai Vila ami bele tolera sira ba merkadu, agora sira ne'ebé hela iha postu ne'en seluk hanesan Fatululik, Maucatar, Tilomar, Zumalai, Fatumea no Fohorem, ne'e labele tam iha Suai Vila, sira tenke hakmatek iha sira-nia fatin," katak Nia.

Komandante ne'e akresenta, parte sira ne'ebé dadaun ne'e husi tranzitu halo check point ba movimentasaun komunidade no transporte públiku nian mak Suai Vila liu-liu parte auto estrada, suku Ogues postu Maucatar, suku Kasabauk, ponte Tafara postu Tilomar no parte Zumalai.

Entertantu observasaun www.tempotimor.com nota katak komunidade iha postu Suai labele viajem ba postu neen seluk no husi postu neen seluk labele mai merkadu suai, nune'e movimentu populasaun iha munisipiu Covalima komesa redúz.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items