Login to your account

Username *
Password *
Remember Me

Kuran Transporte Difikulta Kna'ar PNTL Covalima

Membru Polísia Nasionál Timor-Leste (PNTL) dudu hela kareta tanba kareta mate iha dalan. Membru Polísia Nasionál Timor-Leste (PNTL) dudu hela kareta tanba kareta mate iha dalan. Foto Facebook

Tempotimor (Covalima)-Maske papél Polísia Nasionál Timor-Leste (PNTL) importante hodi fó seguransa ba nia povu, maibé kuitadu ba komandu PNTL Munisípiu Covalima, tanba to'o oras ne'e iha de'it kareta rua ne'ebé membru sira uza hodi halo patrollamentu no fó seguransa ba abitante sira ne'ebé tama sai ilegál iha fronteira rai.

Tuir Komandante PNTL Munisípiu Covalima, Superentendente xefe Antônio Maria de Sá katak, molok ne'e PNTL Covalima iha kareta 16, maibé kareta 9 mak aat ona, hela hitu mak sei di'ak maibé laiha hotu forsa.

"Kareta barak mak aat no laiha forsa inklui laiha trasaun hodi halo movimentu iha postu sira, entaun kareta rua de'it mak multifunsaun hodi halo movimentu ba mai iha Munisípiu Covalima tomak. Ne'ebé kareta rua ne'e aktividade saida de'it kareta rua ne'e mak tenke kobre, hanesan halo servisu ba Covid-19 iha fronteira, halo sosializasaun ba populasaun sira, halo patrolamentu no seluk tan," dehan Antônio ba www.tempotimor.com iha nia knaar fatin Suai, Kinta (25/2).

Nia afirma, liga ba situasaun Covid nian, kareta rua ne'e drop membru PNTL sira hodi halo patrulhamentu iha Suai villa, Fatumea, Fohorem, FatuLulik, Tilomar no Zumalai hodi seguransa no kontrola sidadaun sira liu-liu iha fronteira nomós baliza entre Covalima ho Ainaru no Bobonaro.

"Covalima área luan no kondisaun estrada aat iha parte postu sira, entaun kareta ne'ebé laiha forsa labele ba foho, só kareta rua ne'e mak multifunsaun, dalabarak ami kontaktu liuhusi via telefone ho ita-nia autoridade lokál sira iha postu hitu, kona-ba relasaun servisu PNTL Munisipiu Covalima nian," Nia informa.

Entertantu observasaun www.tempotimor.com iha terenu nota katak, dalabarak liu membru PNTL Covalima tenke hasai forsa hodi dudu moris kareta molok ba halo patrolamentu iha Suai vila inklui postu administrativu sira seluk.(*)

Rate this item
(0 votes)
Last modified on Thursday, 25 February 2021 14:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter