Tuir Komandante Eskuadra Postu Administrativu Zumalai Antônio Soares katak, auto estrda iha Fatuk ahu taka, tanba difisil atu kontrola sidadaun sira halo movimentu ba mai iha Zumalai iha área Covalima nia laran.
"Husu ba sidadaun sira iha Covalima atu halo movimentu labele liu husi auto estrada, tenke liuhusi dalan tuan, nune'é fasíl kontrola, tanba eskuadra Zumalai menus membru polísia, tanba ami servisu iha eskudra Postu Zumalai hamutuk nain 10 de'it feto ida, mane na'in sia ne'ebé ami husu komandante se bele aumenta tan personil ida ba eskuadra Zumalai," dehan António ba www.tempotimor.com iha auto estrda, Kuarta (24/02)
Nia afirma, Postu Zumalai presiza tan membru hodi reforsa servisu, tanba powtu ne'e rasik iha suku ualu ne'ebé nia área luan tebes.
"Ami iha ne'e servisu oras 24, maibé problema ba ami mak ami na'in 10 de'it, entaun atu kontrola sidadaun sira halo movimento ba mai, dalaruma iha eskuadra ema na'in ida de'it mak servisu standby, tamba ami seluk sai ba Lepo baliza ho Bobonaru ba auto estrda ne'ebé baliza ho Ainaru," katak Nia.
Entretantu, molok ne'e parte komandu orienta ona ekuipa Batalaun Ordem Públiku (BOP) ba eskudra Zumalai, maibé nafatin la to'o hodi seguransa ba baliza Bobonaru no Ainaru. Tamba ne'e postu zumalai deside taka auto estrda iha area fatukahu, hodi hafasil servisu kontrolu movimentasaun sidadaun sira-nian.(*)