MS Observa Direta Konstrusaun Sala Izolamentu no Laboratóriu iha Ospital Covalima

Kuadru ne'ebe tau iha Ospital Referal nia oin hodi deskreve projetu ne'ebe MS Odete Belo ba observa, Segunda (22/2) Kuadru ne'ebe tau iha Ospital Referal nia oin hodi deskreve projetu ne'ebe MS Odete Belo ba observa, Segunda (22/2) Foto Tempo Timor

Tempotimor (Covalima)-Ministra Saúde (MS) Odete Maria Freitas Belo halo vizita trabaillu ba Ospital Referál Covalima hodi haree direta prosesu konstrusaun sala izolamentu inklui laboratóriu ba moras Covid-19.

Ministra Odete ba www.tempotimor.com dehan, vizita ba Ospital Referál Suai ne’e atu haree projetu konstrusaun sala izolamentu nomós laboratóriu ba moras pandemia Covid-19.

"Objetivu loloos ha’u mai iha Covalima ne’e, mai haree direta prosesu konstrusaun sala izolamentu ne’ebé konstroi iha Suai vila, laboratóriu inklui ICU Room inklui haree mós fasilidade ba moras Covid-19," informa MS ba www.tempotimor.com iha Ospital Suai, Horseik (21/02).

Governantes ne’e esplika, vizita ne’e haree mós kondisaun ORS nian hodi nune’e, oinsa kontinua halo manutensaun inklui atu kompleta tan fasilidade iha ospital ne'e rasik,

"Ha’u vizita ba dala rua ona, dala uluk ha’u vizita iha tinan kotuk, ne’ebé mai haree katak, Ospital Suai buat balu falta, maibé agora ita haree mudansa buat balu ona, ne'ebé ita espera katak nei-neik ita bele responde buat hotu," nia informa.

Sala izolamentu ne’ebé konstroi husi kompañia lokál Roman Junior Unipesoál Lda ho totál orsamentu $262.452.00 ne'e konsege atinje ona pursentu 35%, ne’ebé kompostu husi sala haat no haris fatin ualu. Alende ne’e, laboratóriu ne’ebé konstroi husi kompañia Manu-Bey Unipesoál Lda ho totál orsamentu $70.747.68, ne’e atinje ona pursentu 13% kompostu husi sala tolu no haris fatin ida. Entretantu, seluk husi projeitu rua ne’e iha mós konstrusaun ba ICU Room ne’ebé responsabiliza husi komapñia Giovanio Unipesoál Lda ho valór orsamentu $189.959.69.

Entertantu, governante ne’e mos vizita uluk ba postu Administrativu Fatumea, munisípiu Covalima hodi haree ekipa saúde ne'ebé halo hela teste masál ba komunidade suku tolu iha postu refere ne'ebe jeografikamente baliza ho nasaun viziñu Indonézia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks