Tuir Nia, kritéria ne’ebé governu fó sai katak, hahú husi aplikasaun estadu emerejénsia ba dahuluk, prosesu aprendisajem hotu nafatin kumpri regras estadu emerjénsia nian, hanesan uza mascara, distasiamentu sosiál iha aula laran, tantu iha areadores eskola, maibé situasaun ne’e aperta liután mais eskola kontinua ativu.
, maibe ágora situasaun komesa aperta liu tan, no komesa agora lokdown total iha Covalima no Bobonaro ne'e oinsa, liliu ami ne'ebe mak Professores Sira, tanba ami hamutuk ho alunos barak, alunus sira ne'e mai eskola bele hadaet ami Proffesores
"Ami husu ba governu atu taka ne'e taka totál. Labele atende ona komersiante sira husi munisípiu seluk mai Covalima, Tanba ami eskola iha ne’e alunus mós barak, ami mestre no mestra sira mós trauma, tanba alunus barak mak mai eskola bele hada’et kuandu virus ne’e da’et ona mai lokál," dehan diretór Jeremias www.tempotimor.com iha nia servisu fatin, Tersa (16/2).
Nia mós husu ba edukasaun munisipál atu informa lalais ba públiku, para situasaun la’o oinsa ne'e manorin no estudante sira bele hatene, tamba situasaun apertadu liu iha Covalima no labele viajem ba Dili inklui husi Dili mós labele mai munisípiu Covalima, liga ho atividade eskola.
"Agora ami iha ne'e atividade eskola kontinua la’o, depois horikalan iha média fó sai katak, atu serka sanitáriu iha Covalima ho Bobonaro, entaun liga ba eskola ne’e oinsa, karik ami-nia estudante sira hetan da’et husi virus ne’e, ami labele halo ona atividade aprendisajem," Katak nia
Alende ne’e, estudante São Luiz Gonzaga Suai, Zelia dos Reis klase nonu-ano senti triste tanba Covid-19 ne'e mou komesa eskola hotu-hotu la’o ladun di’ak no falla.
"Ami senti triste tebes no trauma, horikalan hare husi televisaun katak, Covalima ho Bobonaro komesa ohin lockdown, Entaun ami atu mai eskola ne'e halo nusa, ne'ebé husu Ministériu Edukasaun Juventukade no Desportu (MEJD) bele loke eskola online, nune’e ami bele eskola iha uma," Dehan Nia.
Alende ne’e, Eskola Bázika Sentrál São Luís Gonzaga Suai iha estudante hamutuk 59, maibé hamutuk ho eskola filiál sira seluk hanesan Santa Maria Debus, Santa Madalena Quiar, Santo Antônio Ailok-laran, São Paulo Sukabilalaran hamutuk 613.
Entertantu observasaun www.tempotimor.com iha terenu nota katak, iha munisípiu Covalima, eskola no atividade hotu hotu lao hanesan bai-bain mezmu aplika ona serka sanitáriu totál ba komunidade iha munisípiu Covalima.(*)
