Login to your account

Username *
Password *
Remember Me

UPF Pasa Revísta, Administradór Covalima Husu Povu Hakmatek

Administradór Munisípiu Kovalima, Afonso Nogueira Nahak koalia hela ba jornalísta www.tempotimor.com iha kna'ar fatin, iha administrasaun munisípiu Kovalima, tersa (02/09) Administradór Munisípiu Kovalima, Afonso Nogueira Nahak koalia hela ba jornalísta www.tempotimor.com iha kna'ar fatin, iha administrasaun munisípiu Kovalima, tersa (02/09) Foto Tempo Timor

Tempotimor (Covalima)-Liga ba deklarasaun Komandante Jerál PNTL Komisáriu Faustino da Costa kona-ba estadu emerjénsia nian katak, sidadaun ne'ebé hakat liu ilegál iha fronteira rai, Polísia Nasionál Timor-Leste (PNTL) sei kriminaliza, maka Unidade Patrollamentu Fronteira (UPF) hahú ona pasa revista iha fronteira.

Asaun UPF nian hodi halo atividade pasa revista kona-ba kartaun identidade sidadaun sira nian, nune'e prevene ema tama ho ilegalmente.

Relasiona ho atividade ne'e, Administradór Munisípiu Covalima, Afonso Nogueira Nahak husu ba komunidade sira ne'ebé hela besik iha liña fronteira, atu lalika hakfodak ho servisu polísia nian, tanba ne'e nu'udár meiu ida atu prevene Surtu Covid-19 labele da'et mai Timor-Leste.

"Husu ba komunidade sira labele hakfodak, labele pániku, hotu-hotu kalma, ita nia forsa ho polísia sira halo passa revísta iha ita nia estrada ne'e, buat ida normal, atu hodi asegura buat ida katak atu hametin ita-nia unidade hodi halo prevensaun Covid-19 iha ita nia munisípiu Covalima ida ne'e," hatete Afonso ba www.tempotimor.com iha nia knaar fatin, Administrasaun Munisípiu Covalima, Horseik (9/2).

Nia mós husu ba komudade sira atu labele tama-sai bei-beik iha fronteira ho ilegál, liu-liu iha situasaun ne'ebé mundu infrenta hela surtu Covid-19, maibé hotu-hotu hakmatek iha ida-idak nia fatin.

"Husu ba família sira iha rai liur, iha rai Atambua no Nusa Tengara Timur (NTT), la presíja mai, agora la presilíja mai. Ita iha ne'e mós la presíja atu ba, hotu-hotu tenke hakmatek iha fatin atu, nune'e ita bele trava Covid-19 iha Ita-nia rain, sé lae, ita maka sei susar. Tanba ida ne'e maka horseik mós ami fò hanoin ba komunidade sira ne'ebé besik liu liña fronteira, katak imi labele ba sorin, i sira sorin mós labele mai," dehan nian.

Administradór ne'e mós alerta ba komunidade sira atu labele halo to'os besik liu ba liña fronteira nian, maibé tenke fó distánsia liu kilomentru ida mai laran, mak foin bele halo to'os tanba, iha poténsia boot teb-tebes ba ema atu tama ilegál.

Nia apela ba komunidade tomak iha munisìpiu Covalima tenke hamutuk, neon ida, hanoin ida hodi halo prevensaun Covid-19 iha sira-nia munisípiu Covalima.

"Ita moris iha liña fronteira, ema barak dehan ita rísku boot ba Covid-19 ida ne'e. Tanba ida ne'e maka ema hotu- hotu husi nasionál mai to'o iha baze, katak tenke hamutuk hodi kombate Covid-19," Nia hakotu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter