Tuir Diretór Servisu Saúde Munisípiu Covalima Filipe Pereira Lemos (56) katak, preokupasaun ba virus Covid-19, la'ós Ministériu Saúde (MS), ajénsia sira de'it, maibé mundu tomak mak preokupa.

"Sasan hirak ne'ebé OMS apoiu ba DHS Suai mak hanesan Máskara, sasan dezingfekta no Kareta ida ho marka Hilux (A 15-279) ba Diresaun Saúde Munisipio Covalima hodi atende ba Covid19," dehan Filipe ba www.tempotimor.com iha nia knaar fatin, Segunda (8/2).

Nia afirma, kareta ne'ebé Oferece husi Organizasaun Mundiál ba Saúde ne'e atu halo servisu espesífiku ba Covid19 iha Munisípiu Covalima.

" Kareta ne'ebé oferece husi OMS mai ita ne'e atu halo servisu ligasaun ho Covid-19, atu fahe Imformasaun ka avizu no fó treinamentu ba komunidade sira iha suku to'o aldeia sira ne'ebé iha ligasaun ho Covid-19," katak Nia.

Entertantu kareta ho Marka Hilux Numeru Matrikula A,15.279 ajuda halo servisu ba Pessoal saúde sira, liu-liu iha Fronteira liga ho Covid-19 iha Munisipio Covalima.(*)