Membru Governu Na’in 7 Fahe Sesta Bázika iha Zumalai

Hafoin serimónia lansamentu Programa Sesta Bázika,Foto hamutuk  Ministru Asuntu Parlamentár no Komunikasaun Sosial (MAPKOMS),  MKAE, MAE, MTKI, no sekretaria estadu SEKoop, SEAK no SEMA iha suku Tazhilin, postu administrativu Zumalai, munisípiu Kovalima, Sábadu (07/11). Hafoin serimónia lansamentu Programa Sesta Bázika,Foto hamutuk Ministru Asuntu Parlamentár no Komunikasaun Sosial (MAPKOMS), MKAE, MAE, MTKI, no sekretaria estadu SEKoop, SEAK no SEMA iha suku Tazhilin, postu administrativu Zumalai, munisípiu Kovalima, Sábadu (07/11). Foto Tempo Timor

Tempotimor (Covalima)- Maski bankada CNRT iha Parlamentu Nasional halo ona akuzasaun hasoru membru Governu sira buka perdiem iha sesta Bazika maibe Membru VIII governu Konstitusional hamutuk na’in hitu tuun direta hodi fahe Sesta báizka ba komunidade suku Tazhilin, postu administrativu Zumalai, munisípiu Kovalima, iha fim de semana ne’e.

Ministru Koordenadór Asuntu Ekonòmiku (MKAE) hateten, membru governu sira barak mak partisipa atu hatudu governu sentrál nia solidariedade, no apoiu ba programa planu rekoperasaun ekonomiku liu-liu programa sesta báziku.

"Ita-boot sira lalika hakfodak, ami mai iha ne'e atu bele fó apoiu ba programa ida ne'e, atu bele susesu", Joaquim dos Santos hateten lia hirak ne’e iha lansamentu sosa no distribuisaun produtu iha programa Sesta bázika ba komunidade suku Tazhilin, sábadu (07/11).

Governante ne’e mós husu apoiu komunidade atu bele halo proragama ne’e susesu liu tan.

Entretantu membru governu na’in hitu ne’e mak hanesan Ministru Koordenadór Asuntu Ekonómiku (MKAE), Joaquim Amaral, Ministru Administrasaun Estatál (MAE), Miguel Pereira de Carvalho, Ministru Asuntu

Parlamentár no Komunikasaun Sosiál (MAPKOMS), Francisco Pereira Martins Jerónimo, Sekretária Estadu Kooperativa (SEKoop), Elizário Ferreira, Sekretáriu Estadu Arte no Kultura (SEAK), Teófilo Caldas, no Sekretáriu Estadu Meiu Ambiente (SEMA), Demétrio Amarál.

Antes ne’e bankada partidu Congressu Nasionál Rekonstrusaun Timorense iha Parlamentu Nasionál (PN) ‘duun’ membru governu na’in hitu “buka perdiem” Balibo.

Rate this item
(0 votes)
Last modified on Sunday, 08 November 2020 21:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks