PA Kovalima husu Membru PSHT Aprejenta An

Prezidenti Autoridade Munisípiu Covalima Afonso Nogera Nahak intervista ho Jornalista Tempo Timor iha Tiliomar Covalima, Kinta (17/9). Prezidenti Autoridade Munisípiu Covalima Afonso Nogera Nahak intervista ho Jornalista Tempo Timor iha Tiliomar Covalima, Kinta (17/9). Foto Tempo Timor

Tempotimor (Tiliomar)-Movimentu illegal iha area fronteira rai-maran, liu-liu husi membru organizasaun Persaudaraan Setia Hati Terate (PSHT), ne’ebé kontinua akontese hamosu preokupasaun boot, tan ne’e parte Autoridade Munisipiu Kovalima husu ba membru PSHT sira atu aprezenta an.

Prezidente Autoridade Kovalima Afonso Nogera Nahak hatete, nia parte alerta ona ba autoridade suku atu ajuda UPF no Falintil-FDTL hodi asegura lina fronteira nune'e populasaun iha Suai nafatin livre husi Covid-19.

"Ita alerta ba iha ita-nia xefe suku sira atu ajuda tau-matan ba iha lina fronteira," dehan PA Kovalima ne’e ba www.tempotimor.com iha Tiliomar, Kinta (17/9).

Afonso hatutan, parte autoridade lokal kontinua halo koordenasaun ho parte seguransa no konsege kaptura membru PSHT ne'ebé sa’e sintu iha Atambua, Indonezia.

Maske nune’e, Afonso rekoñese, movimentu tama no sai ilegalmente sei iha nafatin tanba lina fronteira Suai nian mós luan.

"Mai iha ne'e, balun aprejenta an, balun polisia mak jemput (kaptura) lori mai tama hotu iha kuarentena," dehan Afonso.

Entertantu, tuir dadus, dadaun ne'e membru PSHT na’in 63 mak tama kuarentena iha Kovalima.

"Sira ne'e mai husi organizasaun artemarsiais hafoin ba sa’e sabuk fila mai mak kaer," dehan Afonso.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.