Tempotimor (Dili) – Timor-Leste, ohin, Sesta (20/09/19) komemora tinan ruanulu prezensa misaun INTERFET iha Timor-Leste, hodi fó seguransa no liberdade ba povu Timor-Leste depois Konsulta Populár iha 1999 liubá. Maibé, iha komemorasaun tinan 20 ne'e, laiha prezensa husi povu kiik sira.

Iha serimónia komemorasaun tinan 20 prezensa misaun INTERFET ne'e, povu balun ne'ebé iha fuan boot hodi partisipa iha Timor-Leste nia gratidaun ba misaun INTERFET ne'e. Maibé, povu balun tenke hela iha moru liur, hanesan momentu sei iha torturasaun nia laran ne'ebé hateke de'it husi besi nia leet.  

Observasaun husi tempotimor.com katak, povu barak la partisipa maske prezensa misaun INTERFET iha Timor-Leste ba povu nia sofrimentu ne'ebé hetan torturasaun maka'as husi militar indonézia iha tinan 1999.

Tempotimor (Dili)-Ministru Reforma Lejislativa Asuntu Parlamemtar Fidelis Manuel Leite Magalhães deklara nia matabeen sei la turuk bainhira lakon oportunidade ida ba previléjiu individuál ka pesoál ne’ebé durante ne’e nia hetan.

Deklarasaun Ministru ne’e relasiona ho kritika husi deputada KHUNTO Olinda Guterres ne’ebé konsidera PLP hetan benefisiu liu iha VIII Governu duke CNRT no KHUNTO.

Notisia Revelante: KHUNTO Duun VIII Governu Benefisiu de’it PLP

"Husi ha'u nian, ha'u presiza halo defeza de onra ida, tanba ohin halo insuniasaun, hanesan ami ne'ebé mak ezerse hela funsaun interina mak iha intensaun atu kaer hotu funsaun sira ne’e. Katak ba ha'u pesoalmente, ida ne'e ami asume knaar tanba orientasaun altu nivel nian," dehan Ministru Fidelis iha plenária PN, Segunda (21/10/2019).

Nia dehan, orientasaun husi nivel altu katak atu situasaun saida de’it mak mosu dezenvolvimentu ba rai ida ne’e labele para.

"Tanba orientasaun, tanba ne'e mak ami hala'o knaar ne'e, maibé ho dever la'os oportunidade atu haknaok ka atu hakriku-aan, hodi hetan previléjiu pesoál. Ami halo esforsu hotu iha kontextu dever par independetemente husi kontestu polítika impase, inkompleitu ka saida de'it dezenvolvimentu ba ita-nia sidadaun kontinua la'o, ida ne'e mak ami halo," dehan Fidelis ne’ebé assume mós kargu nu’udar Ministru Koordenadór ba Asuntu Ekonomicos no Ministru Interino Turizmu, Komersiu no Industria.

Tan ne’e, nia husu ba deputadu sira atu bainhira halo intervensaun no interpretasaun presiza halo ho kuidadu no labele hatete katak sira ne’ebé assume knar hirak ne’e aproveita situasaun.

"Ba ha'u pesoalmente mak ne'e, bele sujere ba ita-nia lider másimu sira hasai knaar interinu sira ne'ebé ami ezerse, no se bele karik hasai mós kargu ne'ebé hanesan membru governu ha'u asume to'o ohin loron (MRLAP), se ida ne'e akontese, sei triste tanba lakon oportunidade hodi kontribui ba dezenvolvimentu liu husi ezekutivu ba ita-nia povu."

"(Maibé) Mata-been sei la turuk tanba lakon ba oportunidade ida ba previléjiu individuál ka pesoál, ne’ebé obrigadu barak ba distintu deputadu no deputada sira-nia intervensaun," dehan Fidelis.

Tempotimor (Dili) - Governu Nova Zelándia ne'ebé fó apoiu evakua estudante na'in 17 husi Sidade Wuhan-Xina, tanba impaktu Virus Corona, Governu Timor-Leste prepara atu forma ekipa hodi fó agradesimentu ba Governu no Povu Nova Zelándia.

Tempotimor (Metinaro) – Sekretáriu Estadu Formasaun Profisionál no Empregu (SEFOPE) Julião da Silva hamutuk ho Vise Ministru Obras Públika, Nicolau Lino Freitas no Sekretáriu Estadu Terras e Propriedades Mario Ximenes, Segunda (09/09/19) hala’o sosializasaun ba rai ne’ebé atu harii sentru Exelénsia iha Metinaru. 

Tempotimor (Dili) – Pedidu Prezidente Repúblika atu desloka ba Novaiorke, fulan liubá, hetan blokeia husi bankada Governu iha Parlamentu Nasionál (PN). Iha semana liubá, Prezidente Repúblika hatama tan pedidu foun atu desloka ba estranjeiru.

Vise II Prezidente Parlamentu Nasionál (VPPN), Luis Roberto rekoñese kona-ba pedidu ne'e. Nia dehan, pedidu ne'e tama tiha ona iha PN atu husu autorizasaun ba exelénsia Prezidente Repúblika desloka ba Indonézia no Japaun.     

"Sim, pedidu husi exelénsia Prezidente Repúblika nian mai iha Parlamentu Nasionál para fó autorizasaun ba señor Prezidente Repúblika ba iha nasaun Indonézia no Japaun. Ida ne'e, orsida plenária mak sei deside," dehan Vise Prezidente Parlamentu Nasionál, Luis Roberto iha PN, Segunda (23/09/19).

Tuir deputadu bankada KHUNTO ne'e, pedidu foun ne'e sei ajenda. Plenária mak sei deside. Tanba plenária mak aas liu. Tan ne'e, nia dehan, atu autoriza ka lae so plenária mak foti desizaun.

"Maske iha orgaun balun no ema hotu fó hanoin ba Parlamentu Nasionál para fó autorizasaun ba ita nia nai Prezidente Repúblika para halo nia viajen ba estranjeiru, maibé filafali ba plenária. Kuandu bazeia ba Artigu 80 Konstituisaun RDTL, plenária maioria la autoriza, entaun ida ne'e mós Konstituisaun mak haruka. Maibé, karta PR nia sei lori ba iha plenária para hanoin lisuk," dehan Luis Roberto.

Alende ne'e, Parlamentu Nasional (PN) halo ona kanselamentu ba viajem PR nian ne'e hamutuk dala lima tuituir malu. Nune'e, pedidu viajen PR nian to'o de'it PN.

Tempotimor (Dili) - Servisu profisionál sira hanesa forsa armada no polisia, inkluzivamente funsaun públika nu'udar pilar fundamentál nasaun, tanba ne'e ema hirak ne'e labele hola parte iha vida polítiku.

Aban, KM Aprova OJE 2020

December 18, 2019
Tempotimor (Dili) – Ministru Prezidensia Konsellu Ministru (MPKM), Agio Pereira informa, Kinta (19/12/19) aban maizumenus tuku 10.00 dadeersan, Konsellu Ministru (KM) sei aprova tan OJE 2020, ne'ebé nia dehan, governu halo ona redusaun.
Tempotimor (Dili) - Ministériu Transporte no Komunikasaun (MTK) obrigadu tenke hapara kontratu funsionáriu kontratadu na'in 23 tanba laiha orsamentu.

Tempotimor (Dili) - Meiu diskusaun ne'ebé Prezidente Republika, Francisco Guterres Lú Olo, hakarak halo hodi hetan konsensu nasional ida, hasoru ona dalan kloot. 

Opsaun rua ne'ebé, Prezidente Partidu Congresso Nacional Reconstrução Timor-Leste (CNRT), Kay Rala Xanana Gusmão, sujere ba Prezidente Repúblika, Francisco Guterres Lú Olo, atu foti maka fó responsabilidade ba Xefe Estadu hodi toma desizaun tuir dalan Konstitusionál. 

Xanana dehan, CNRT lakohi atu halo koligasaun hodi forma governu. Tanba ne'e, bainhira laiha konsensu, solusaun justu no demokrátika maka hakat fali ba Eleisaun Antesipada (EA). 

Nune'e, Xanana Gusmão abertamente rekoñese ho 'intensionál hakarak sobu' duni VIII Governu Konstitusional, tanba konsidera ema sira ne'ebé tuur iha governu laiha kapasidade. 

Tuir mai www.tempotimor.com halo rezumu kona-ba deklara Xanana Gusmão nian liuhusi entrevista iha GMN-TV, Sabadu (8/2) hanesan tuir mai ne'e:

1. PR mak hún ba problema. 

2. CNRT sei la halo parte governu foun tanba nia ema sira sei la hetan tomada-de-pose, beik-teen de'it, partidu kiik, bele estraga kredibilidade nasaun nian. 

3. Apresia Deputadu CNRT nia-pozisaun iha PN (hodi la afavór ba Orsamentu Jerál Estadu (OJE) tinan fiskál 2020. 

4. Atu forma governu foun Primeiru Ministru tenke rezigna-aan. 

5. Prezidente Repúblika tenke disolve Parlamentu Nasionál iha loron 60. 

6. CNRT la halo parte integrál VIII Governu. 

7. VIII Governu laiha kapasidade atu ukun no Primeiru Ministru entrega ona ba Prezidente Repúblika fó solusaun. 

8. La hatene lei, eskola 5°Ano de'it iha Liceu, la hatene Portugés, etc. (So'e piada ba Prezidente Repúblika, Francisco Guterres Lú Olo no repete fila fila). 

9. CNRT labele halimar ho diálogu. 

10. La aseita bainhira CNRT nia-ema la toma pose. 

11. Prezidente Repúblika rekuza fó pose ba ema CNRT. 

12. CNRT iha nia dignidade no tenke fó valór ba (partidu). 

13. Deputadu CNRT la oho bloku koligasaun Aliansa Mudansa ba Progresu (AMP). 

14. g7+ nia papél iha mundu sai observadór iha Organizasaun Nasoins Unidas (ONU). 

15. CNRT lakohi fó todan ba FRETILIN. 

16. CNRT nia beik-teen mak to'o impase polítika. 

17. CNRT sunu ona kareta AMP no lakohi sunu tan kareta FRETILIN. 

18. CNRT no FRETILIN iha diferensa kona-ba soberania nasionál. FRETILIN vota kontra Fronteira Marítima iha Parlamentu Nasionál  (PN) ne'e problema boot tanba ne'e soberania. 

19. La adora FRETILIN maibé hakruuk ba FRETILIN (nu'udar partidu hakerek Konstituisaun RDTL). 

20. CNRT lakohi fó ai-tonka ba partidu sé de'it. 

21. Kredibilidade nasaun la'ós diálogu. 

22. Prezidente Repúblika no Primeiru Ministru mak iha responsabilidade ba Estadu atu rezolve problema nasaun. 

23. La konsege tau matan ba nia-oan rasik oinsa mak bele tau matan ba nasaun. 

24. La rejista-aan hanesan veteranu tanba kestaun lei no partisipasaun kiik tebes. 

25. Prezidente Repúblika rona ona husi parte hotu-hotu no fiar katak Prezidente Repúblika sei fó sai solusaun ne'ebé justa no demokrátika. 

26. Podér informál la klaru. 

27. Impase polítika husu ba Governu. 

28. Koligasaun AMP laiha ona

29. Menus CNRT, Prezidente Repúblika bele bolu partidu sira seluk forma governu.

30. Solusaun justu no demokratika maka ba Eleisaun Antesipada (EA). (*)

Tempotimor (Dili) – Ministru Interiór (MI) Interinu, Filomeno da Paixão de Jesus hamutuk ho komandu Polísia Nasionál Timor-Leste (PNTL) deskute kona-ba kondisaun no prioridade PNTL nian iha Governu daualu.

"Enkontru ne'e, atu fó hanoin ba malu atu hadi'a disiplina, hirarkia no prosedimentu seluk tan atu haforsa servisu Polísia ba oin di'ak liután. Ko'alia mós kona-ba polítika Governu primária ba iha Polísia Komunitária,” tenik Ministru Interiór Interino ne'e iha Quartel Jerál PNTL, Kaikoli, Kinta (26/09/19).

Governante ne'e afirma,  liuhosi diskusaun ne'e, ba futuru mak iha fallansu no ema seluk kestiona entaun presiza hadi'a.

MI afirma, ba futuru presiza halo revizaun ba estratéjiku ne'ebé mak PNTL iha, hodi bele kontrolu di'ak liután ba kazu sira.

"Ba futuru polítika Governu nian atu revé estratéjia PNTL nian para oinsá bele halo di'ak liután no bele iha dezibilidade ka kontrola di'ak liután, ba kazu sira ne'ebé akontese iha rai laran," nia afirma.

Page 1 of 52

Anunsiu

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com