Tempotimor (Díli)- Kooperativa Kréditu Union Negosiasaun Emprésta Ekonómia Komunidade (NEHEK), iha ona planu ba futuru hakarak harii tan kooperativa produsaun iha postu administrativu Hatubuiliku no Maubise, tanba sira nia grupu seidauk instala to'o postu rua ne’e.

Tempotimor (Covalima)- Sekretáriu Estadu Kooperativa (SEKoop), Elizário Ferreira, hatete edukasaun mak sai ran ba kooperativa, tanbá edukasaun mak xave ba kooperativa no liu hosi edukasaun mak transforma koñesimentu sira, hodi hahú implementa kooperativa.

Tempotimor (Ainaru)- Sekretáriu Estadu Kooperativas (SEKoop), Elizário Ferreira prontu fó apoiu ba kooperativa Kreditu Union Negosiasaun Empresta Ekonómia Komunidade (NEHEK), iha Suku Maununo, Postu Administrativu Ainaru Villa, Munisípiu Ainaro.

Tempotimor (Baukau)- Iha tinan 2008, organizasaun internasionál Caritas liuhosi programa rai no foti osan, hala’o nia atividade iha postu administrativu Baguia, munisípiu Baukau konsege forma mós komunidade oinsá mak rai no foti osan hodi asegura ba nia sustenbilidade ekonomia familiar.

Tempotimor (Lautém)- Xefi Fuat, postu administrativu Iliomár, munisípiu Lautém, iha mehi hakarak atu hari’i kooperativa kréditu iha suku laran, nune’e bele atende nesesidade komunidade bainhira hetan susar liuhusi empresta osan.

Tempotimor (Baukau)- Kooperativa Haburas Baguia (KHB) hahú nia ezisténsia iha loron 03 fulan Fevereiru tinan 2018 to’o ohin loron, halibur ona nia membru hamutuk na’in 128 no dadaun akomoda ona sira nia kapitál finanseira ho montante orsamentu rihun $35.

Tempotimor (Díli)-Sekretáriu Estadu Kooperativa (SEKoop), Elizário Ferreira husu ba autoridade lokál no komunidade sira atu forma grupu hodi hari'i kooperativa produsaun iha ida-idak nia suku, nune'e bele dezenvolve liu tan ekonómia lokál iha nível baze liuhosi kooperativa.

Tempotimor (Díli)- Atu eleva kapasidade membru kooperativa sira nian, iha nível baze, Sekretaria Estadu Kooperativa (SEKoop), liuhosi nia ekipa formadór sira apoiu tan formasaun, durante loron tolu, hahú loron 19 to'o 21 fulan outubru ne'e, ba membru Kooperativa Kréditu Uniaun Naunil, hamutuk ema 116, hodi haforsa servisu kooperativa bele hakat ba oin.

Tempotimor (Díli)- Durante Kooperativa Kréditu Uniaun (KKU) Naunil eziste, hahú iha tinan 2011 too 2020, dadaun ne'e, kompleta ona ba tinan sia (9), konsege akomoda ona kapitál finanseira ho montante Dollar Amerikanu Rihun Atus-ida (U$.100 mil) nune'e mos ho nia membru hamutuk ema 116.

Prezidente Kooperativa Kréditu Uniaun (KKU) Naunil, Luis Fernandes informa, ezisténsia kooperativa Naunil, iha tinan 2011 no dadaun ne'e, iha ona membru hamutuk 116 ne'ebé fó ona kréditu lubuk ida, ba nia membru sira no hetan kréditu ne'ebé ho susesu.

"Durante eziste, ami-nia kooperativa ne'e ninia área ne'e ida de'it, ba rai osan no fó osan ba ema foti ka deve i fó fila. Ida ne'e de'it, maibé kada ema ida besik ona $.800 kada membru", hatete Prezidente Kooperativa Kréditu Uniaun (KKU) Naunil, Luis Fernandes ba jornalísta sira, iha Salaun Administrasaun Postu-Administrativu Iliomar, munsípiu Lautem, kinta (22/10).

Nia esplika, sira hanaran Kooperativa Kréditu Uniaun Naunil, tanbá iha Iliomar foho ne'ebé aas liu mak, foho Naunil, tanbá ne'e mak sira iha esperansa boot, hakarak lori sira-nia kooperativa ne'e sai boot no aas, hanesan foho Naunil.

"Ida ne'e mak ami iha filozofia ida katak, iha Iliomar ne'e, foho Naunil ne'e mak aas liu i ami nia mehi mos loron ida kooperativa ninia dezenvolvimentu ne'e sei aas hanesan foho Naunil", nia argumenta.

Tempotimor (Díli)- Prezidente Kooperativa Kréditu Uniaun (KKU) Naunil, Luis Fernandes informa, Governu liuhosi Sekretaria Estadu Kooperativa (SEKoop), fó ona konfiansa ba Kooperativa Kréditu Uniaun (KKU) Naunil, atu bele sai hanesan sentru ida, ba kooperativa hotu-hotu ne'ebé eziste, iha Postu-Administrativu Iliomar, munisípiu Lautem.

"Kooperativa Naunil nia hanoin ba futuru mak, agora dadaun sua-exelénsia Sekretáriu Estadu Kooperativa fó ona fiar atu sai sentru ba kooperativa hotu-hotu, iha postu administrativu Iliomar", hatete Prezidente Kooperativa Kréditu Uniaun (KKU) Naunil, Luis Fernandes ba jornalísta sira, iha Salaun Administrasaun Postu-Administrativu Iliomar, munsípiu Lautem, kinta (22/10).

Nia hatutan, Naunil prontu ona no hein de'it, atu lori ba rejista iha notariadu, atu bele hetan legalidade no dadaun ne'e, sira prontu ona, atu sai sentru ba kooperativa, karik iha kooperativa hosi suku sira, hakarak atu afilia ba sira, iha Kooperativa Naunil.

“Ami hein katak ho ajudus ou kapasitasaun ne'ebé sua-exelénsia Sekretáriu Estadu fó ona, ida ne'e bele haforsa ami, atu nune'e ami-nia atividade kooperativas ne'e bele ba oin", dehan nia.

Tanba ho problema kapasitasaun, SEKoop mos haruka tan ekipa ida, hodi ba fó formasaun ba sira-nia membru nomos ba grupu kooperativa sira ne'ebé eziste, iha Postu-Administrativu Iliomar, bele hasa'e no hadi'a sira-nia jestaun, iha sira-nia kooperativa.

Page 1 of 3

.