Tempotimor (Metinaro) – Sekretariu Estadu Formasaun Profisionál no Empregu (SEFOPE), Segunda (09/09/19) haree direta ba fatin ne'ebé atu harii Sentru Formasaun Profisionál ho estandar internasionál iha Metinaro ne'ebé  sei fó formasaun ba joven Timoran iha tinan tuir mai.

"Tuir estudu ne'ebé halo bazeia ba dadus ita haree númeru dezempregu ba ema ne'ebé kontinua aas, inklui joven barak mak la kontinua estudu ba universidade," informa SEFOPE, Julião da Silva iha Postu Administrativu Metinaro, Segunda (09/09/19).

Governante ne'e informa, konstrusaun ba sentru formasaun ne'e sei harii iha fulan Setembru tinan 2020, ho totál orsamentu estadu nian hamutuk miloens US$ 15," dehan Julião.

Governante ne'e subliña katak, rai ne'ebé atu harii sentru formasaun ne'e, husi komunidade Timoroan ne'ebé hela iha fatin refere.

"Rai ne'e fó husi komunidade Timoroan ne'ebé hela iha fatin ne'e, hodi halo dezenvolvimentu ba área ne'e rasik liuliu ba jerasaun foun sira atu kapasita sira nia abilidade hodi partisipa iha dezenvolvimentu pais ne'e," nia tenik.

Tempotimor (Dili) – Sekretáriu Estadu Formasaun Profisionál no Empregu (SEFOPE), Julião da Silva husu sentru formasaun hirak ne'ebé hetan subsidiu husi Governu, atu apoiu Governu liuhosi prepara juventude ho kualidade.

"Sentru formasaun hirak ne'ebé hetan ona subsidiu husi  Governu kada tinan, atu ajuda Governu hodi prepara ita nia joven sira ne'e ho kualifikadu, para bele kompete iha merkadu indústria," afirma SEFOPE, Julião da Silva iha Sentru Formasaun SDVJ Camea, Dili, Segunda (23/09/19).

Governante ne'e dehan, prezensa sentru formasaun ninian importante tebes. Tanba ne'e, husu ba formadór sira atu hanorin joven sira ho matenek no valór ba moris nian.

Iha fatin hanesan, jestór estratéjiku ba programa WDPTL, Geraldo Sarmento Ximenes katak, sentru formasaun sira ne'e atu haforsa formasaun sira.

"Programa ida ne'e, atu haforsa formasaun sira hadia sira nia jestaun no planu oinsá atu sujere ba sentru formasaun sira, para bele responde ba kampu indústria," hatete Geraldo.

Tempotimor (Dili) – Maioria emprezariu Timor oan sira konkorda katak seidauk to’o nia tempu atu aumenta (hasa’e) tan salariu ba Traballador Timor oan sira ho rajaun durante tinan hirak ikus nia laran grafika hatudu progresu ekonómia rai laran hetan valor mean barak.

Tempotimor (Dili) Polítika oitavu governu konstituisional nia ne’ebé implementa liuhusi Sekretáriu Estadu Formasaun Profesionál no Empregu (SEFOPE) atu halo asegurasaun ba saláriu traballadór timor oan iha rai liur mak, SEFOPE konsege halo ona akordu ho Banku Nasional Komésiu Timor Leste (BNCTL) hodi assegura saláriu nian ne’ebé kada fulan traballadór hetan iha rai liur.

IHA GOVERNASAUN anterior, atu hetan osan hodi finansia atividade grupu nian ne’ebé tama ba kategoria auto-empregu bele konsidera fasil uitoan. Hakerek de’it karta, haruka ba Sua Exelensia Sekretariu Estadu Formasaun Profesional no Empregu, hetan aprovasaun, no hein simu de’it osan.

Tempotimor (Díli) – Estajiariu nain neen (6), Sesta (16/08/19) desloka ba Austrália hodi tuir formasaun iha Perth, Austrália durante semana rua. Sira sei tuir programa rekoñesementu aprendizajen anterior (recognition of prior learning), hodi aprende kona-ba prosesu aplikasaun ba visa.

Tempotimor (Covalima) – Sekretáriu Estadu Formasaun Profesional no Empregu (SEFOPE), liuhusi Diresaun Jerál Jestaun no Planeamentu, Segunda (16/09/19) fó teste fíziku ba Covalimaoan hamutuk 1.315. Teste ne'e, nu'udar preparasaun ba tuir Seasonal Worker Program (SWP).

"Ohin ita halo teste fíziku  ba Munisípiu Covalima nian, ho totál partisipante hamutuk 1.315.  Husi númeru ne'e, ita haree se mak liu, sira bele partisipa iha Seasonal Worker Program (SWP)," dehan Diretór Jerál Jestaun no Planeamentu SEFOPE, Aniceito Leto Soro iha Covalima.

Aniceito esklarese, polítika Governu nian mak atu kria kampu servisu ba joven sira ne'ebé persiza servisu. Tanba ne'e, tuir Aniceto SEFOPE loke oportunidade ba joven iha munisípiu sira. Signifika Governu lori servisu mai iha munisípiu," Aniceito afirma.

Nia mós deklara, programa teste fíziku iha munisípiu hirak ne'e fó prioridade ba kbi'it laek sira. "Ita mai iha ne'e, fasilita liu ba familia kbi'it laek. Entaun Governo mak la'o to'o mai hodi fó oportunidade ba joven sira iha munisípiu hodi bele partisipa SWP," nia esplika.

Observasaun ne'ebé diretór Jerál SEFOPE ne'e halo, durante teste fíziku ne'e hatudu katak joven sira nia kondisaun fraku tebes. Nune'e, susar uitoan hodi bele prienxe rekezitu.

"Ohin ami haree katak teste ba joven sira nia estamina fraku tebes. Kuaze ita atu dehan katak susar tebes atu bele prienxe rekezitus," Aniceito hatete.

Tan ne'e, Aniceto husu ba joven sira atu kuidadu sira-nia an. Liuliu iha parte fíziku, inklui hamenus ransu livre, hemu tua no kalan tenke deskansa sedu. “Se lae, joven sira la konsege prienxe kriteria  ne'ebé Governu Austrália fó,” nia dehan tan.

DURANTE tinan 10 resin, Timor-oan lubuk ida mak sai ba rai li’ur hodi buka serbisu. Balun ba ho inisiativa no osan rasik, no seluk ba ho apoiu governu nian. Ho serbisu ne’ebé sira halo, balun konsege transforma sira-nia familia ninia vida moris, liu husi osan ne’ebé sira haruka mai kada fulan.

Tempotimor (Díli) – Sekretáriu Estadu Polítika Formasaun Profesional e Empregu (SEPFOPE) liuhosi Diresaun Jerál  Polítika de Formasaun Profesional e Empregu halo despedida ikus traballadór Timoroan na’in 25, ne'ebé atu ba servisu iha Austrália, iha programa dahuluk  Pacific Labour Scheme (PLS).

Tempotimor (Dili) – Sekretáriu Estadu Formasaun Profesionál no Empregu (SEFOPE), Julião da Silva katak atu redúz dezempregu iha Timor Leste, VIII Governu tenke dezenvolve setór turizmu.

"Papel ida atu hadi'a fatin turistiku iha rai laran, presiza servisu hamutuk ho ministériu hotu-hotu, hanesan Agrikultura inklui SEFOPE kontribui ba programa refere. Tanba ida ne'e mós importante ida husi SEFOPE nian," dehan SEFOPE Julião da Silva, Kinta (26/09/19).

Julião afirma, Planu Estratéjiku Dezenvolvimentu Nasional (PEDN) mensiona kada tinan Timor-Leste  tenke hetan vizita husi turista pelumenus ema na'in 200.

Tanba ne'e, bainhira fatin turizmu dezenvole ona, bele hamenus dezempregadu iha rai laran.  SEFOPE mós husu ba juventude sira atu hakbesik-an ba sentru treinamentu hodi bele kapasita an para bele hala'o servisu bainhira Governu dezenvolve ona setór turizmu.

Page 1 of 3

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com