Tempotimor (Dili) - Relasiona deklarasaun pesoál saúde hodi ejize ba Ministériu Saúde (MS) kona-ba subsídiu renumeratóriu ne'ebé sira simu ba loron 38, maibé la diskonta loron 22 la selu. Ne'e duni, Ministra Saúde (MS), Odete Maria Freitas Belo, husu atu aprezenta karta formál.

Tempotimor (Dili) - Tuir Ministra Saúde (MS), Odete Maria Freitas Belo hateten, pagamentu ba otél sira ne'ebé durante iha periodu Estadu Emerjénsia sai kuarentena.

Tempotimor (Dili)- Ministra Saúde (MS) Odete Maria Freitas Belo preokupa ho komportamnetu timoroan sira nian, relasiona ho prevensaun surtu Corona Virus (COVID-19), tanba tuir nia haree katak, timoroan sira la tauk ho virus ne’e, liuliu la kumpri regras prevensaun nian hanesan kaer liman, rei malu no la uza maskra.

Tempotimor (Dili)-Tuir dadus husi Ministériu Saúde (MS) daudauk ne’e kazu dengue iha Timor-Leste sa’e ona ba rihun 1 resin.

Ministra Saude Odete Maria Freitas Belo hatete, durante ne’e governu hotu-hotu, inklui Timor-Leste preokupa maka’as liu ba pandemia Virus Corona Deasses 2019 (Covid-19) no haluha moras dengue ne’ebé fó mós ameasa maka’as.

"Surtu dengue ne'ebé mak iha, ita hanoin tanba de’it ho Covid-19 haluha tiha moras seluk ne'ebé akontese, la'os surtu dengue de’it, iha mos moras seluk kontasiozu ne'ebé akontese ema mate. Dadus ema mate ba surtu dengue na’in 10 nafatin, kazu mak 1000 ital," dehan nia  ba jornalista sira iha palsiu governu, Segunda (22/06).

Atu prevene no kombate moras dengue, nia dehan, pessoal saude sira kontinua halo asaun, liu husi fahe informasaun ba familia sira atu hamoos uma laran no bee ne'ebé nalihun.

“Ne'e imformasaun simples ida ne'ebé familia sira tenke halo, iha fatin seluk sira mós tau aimoruk abate ba bee laran hodi hamate larva iha bee laran.”

Kona-ba informasaun katak aimoruk stok aimoruk ba dengue iha SAMES laiha ona, Ministra ne’e hatete, aimoruk abate iha SAMES laiha ona tanba distribui hotu ona ba munisipiu sira.

.