Tempotimor (Dili)-Deputadu Bankada CNRT iha Parlamentu Nasionál sadik Sekretariu Jeral Partidu FRETILIN atu lori kazu hasoru Oceanic Exploration ba tribunal.

Deklarasaun deputadu CNRT Gabriel Soares ne’e estatutu facebook Alkatiri ne’ebé ameasa atu lori Konsellu Politika Nasionál (CPN) partidu CNRT tanba konsidera halo akuzasaun falsu hasoru nia.

Tuir Gabriel, di’ak liu Alkatiri lori kazu hasoru Oceanic Exploration tanba Oceanic Exploration mak fó sai akuzasaun hasoru Alkatiri.

"Mari Alkatiri, iha ninia facebook, ameasa atu bolu ninia advogadu hodi hatama kazu ne’e ba Ministériu Públiku (MP). Husu boot ba Mari Alkatiri lori kazu ne’e ba Tribunal hasoru Oceanic Exploration, tanba Oceanic Exploration mak fó sai hotu númeru konta bankária, hanesan 01649*** no mós 0159***," dehan Gabriel liu husi konferénsia imprensa iha sala bankada CNRT, Kuarta (24/06).

Lee mós: La Simu Akuzasaun MC CNRT, Alkatiri sei Lori CPN-CNRT ba MP

Entretantu, molok ne’e,Sekretariu Jeral Partidu FRETILIN Mari Alkatiri sei lori Konsellu Politika Nasionál partidu CNRT ba tribunal tanba públikasaun iha pajina facebook media centre CNRT ne’ebé akuza Sekretariu Jeral FRETILIN ne’e simu suborno husi kompaña ConocoPhillips iha tinan 2000.

Alkatiri liu husi ninia pajina facebook informa katak nia advogadu prepara ona atu lori CPN partidu CNRT ba tribunal tanba iha públikasaun media centre CNRT hatete katak CPN partidu nian mak fó sai deklarasaun suborno ne’e.

"Relasiona ho informasaun falsu ne'ebé públika hanesan iha foto ne’e, ha'u-nia advogadu sira prepara hela no iha tempu badak ha'u sei hatama keisa krime ba Ministériu Públiku. Sira ne'ebé assina desizaun CPN/CNRT sei ba Ministériu Publiku atu hatán ba akuzasaun ida ne'e,” deklara Alkatiri iha ninia estatutu facebook ne’ebé www.tempotimor.com asesu, Tersa (23/06).

Tempotimor (Dili)-Sekretariu Jeral Partidu FRETILIN Mari Alkatiri sei lori Konsellu Politika Nasionál partidu CNRT ba tribunal tanba públikasaun iha pajina facebook media centre CNRT ne’ebé akuza Sekretariu Jeral FRETILIN ne’e simu suborno husi kompaña ConocoPhillips iha tinan 2000.

Tempotimor (Dili)- Prezidente Administrasaun Konsellu Kombatente Libertasaun Nasionál (KKLN) Vidál de Jesus ‘Riak Leman’ hateten, konsellu iha planu no esforsu atu atu lori maun boot sira (líder nasionál sira) atu tuur hamutuk, maibé la fásil tanba presija tempu.

Tempotimor (Dili)-Prezidente Autoriedade Rejiaun Administrativa Espesiál Oekusse-Ambeno (RAEOA) no Zona Espesiál Ekonomika Sosiál Merkadu (ZEESM) Arsenio Paixão Bano deklara sei ajuda Primeiru Ministru Taur Matan Ruak hodi resolve problema ro haksolok.

TempoTimor (Dili)-Maior Jeneral FALINTIL Forsa Defeza Timor-Leste (F-FDTL) Maijor Jeneral Lere Anan Timur husu ba grupu veteranu sira ne’ebé mosu hodi defende lider balun atu lalika hamata sira-nia kanuru tohar ba problema entre lider sira.

Tempotimor (Dili)-Relasiona ho polítika atuál mak Asosiasaun Kombatentes Brigada Negra (ACBN) deklara katak, Taur Matan Ruak sai Primeiru Ministru ba Governu daualu ne'e, hili husi Aliansa Mudansa ba Progresu (AMP) ka Xanana Gusmão la'ós Marí Alkatiri, tanba ne'e bankada Fretilin, PLP no Khunto keta obriga-aan iha Parlamentu Nasionál.

Tempotimor (Dili) - Hafoin deside retira husi koligasaun Aliansa Mudansa ba Progresu (AMP) foun, Partidu Kmanek Haburas Unidade Nasionál Timor Oan (KHUNTO) ho diplomatikamente deklara laiha intensaun atu hamutuk ho Partidu FRETILIN.

Tempotimor (Dili)-Partidu politiku FRETILIN fó resposta seriu ba informasaun balun ne'ebé espalla iha media sosial ne'ebé hatete katak iha tempu badak nia laran Sekretariu Jeral FRETILIN, Mari Alkatiri, ho Prezidente CNRT Kay Rala Xanana Gusmão sei hasoru-malu.

Tempotimor (Dili)-Deputadu husi bankada PD Adriano do Nacimento hamosu ideia ida atu Prezidente Repúblika Francisco Guterres Lu Olo no Primeiru Ministru Taur Matan Ruak forma ekipa nasionál ida ne'ebé kompostu husi lider nasionál sira hodi hamutuk buka solusaun ba problema ne'ebé Timor-Leste hasoru daudauk.

Tempotimor (Dili)-Primeiru Ministru Taur Matan Ruak husu Timor-oan hotu atu apoiu hodi luta hasoru Corona Virus Deasses 2019 (Covid-19) iha Timor-Leste.

.