Tempotimor (Dili) - Konselleiru Másimu  Partidu Kmanek Haburas Unidade Nasionál Timor-Oan (KHUNTO),  José dos Santos Naimori Bucar, orienta deputadu sira husi KHUNTO labele provoka ka krítika hasoru Igreja Katólika.

Tempotimor (Dili)-Xefe Estadu Maiór FALINTIL Forsa Defeza Timor-Leste (F-FDTL) Maijór Jenerál Lere Anan Timur konsidera Konselleru Másimu Partidu Kmanek Haburas Unidade Nasionál Timor Oan (Khunto) José dos Santos 'Naimori Bucar' hanoin sala ona tanba halo debate ho Amu Lulik sira.

Tempotimor (Dili)-Xefe Estadu Maior FALINTIL Forsa Defeza Timor-Leste (F-FDTL) Maijor Jeneral Lere Anan Timur dehan, atributu ne'ebé Konselleru Partidu KHUNTO Naimori Bucar uza hodi fó juramentu ba ema la kontra lei.

Tempotimor(Dili)-Arcebispu Dom Virgilio do Carmo da Silva hatete, igreja bandu Partidu politiku sira atu uza ritual uma kreda nian hodi destroi fali sarani sira-nia fiar.

KHUNTO sei La Husik CNRT

February 21, 2020

Tempotimor (Dili)-Partidu KHUNTO ne'ebé lidera husi Naimori iha posibilidade boot atu hamutuk nafatin ho partidu CNRT hodi forma governu foun, maske durante ne'e deputadu bankada KHUNTO deklara arrepende ho koligasaun Aliansa Mudansa ba Progresu (AMP) ne'ebé forma hamutuk ho CNRT no PLP.

Maske seidauk iha desizaun ofisial husi partidu KHUNTO, maibé deputadu Bankada KHUNTO Luis Roberto fiar katak KHUNTO sei halo koligasaun ho CNRT hodi forma governu foun.

"Sim, ha'u fiar katak desizaun ne'ebé sei mosu hanesan ne'e (koliga ho CNRT), maske desizaun koletivu intermus partidu politiku, maibé ha'u fiar katak ninia intensaun sei halai ba ne'ebá (koliga ho CNRT)", dehan Roberto bainhira hataan pergunta jornalista sira kona-ba pozisaun KHUNTO atu hamutuk ho CNRT forma governu foun, iha PN, Sesta (21/02).

Deputadu ne'e afirma, KHUNTO nia intensaun sei ba partidu CNRT, tanba hotu-hotu akompaña Konsileiru KHUNTO Jose Naimori Bucar ninia estetmentu ne'ebé fó sai iha media.

Membru Konsellu Politika Nasionál KHUNTO ne'e dehan, nia parte halo ona movimentu no kontaktu ona partidu politiku sira ne'ebé asentu iha PN.

"Partidu ne'ebé hetan ona kontaktu mak PD, PLP, CNRT, FRETILIN no UDT/FM no hasoru malu tiha ona ho partidu hirak ne'e, kolia ba malu hodi kria situasaun ne'ebé di'ak par hakotu impase politika."

Maske PLP deklara ona lakohi koliga ho CNRT, maibé KHUNTO nafatin iha opsaun atu mantein ezistensia Aliansa Mudansa ba Progresu.

"Ami iha opsaun rua se bele mantein nafatin AMP hodi halo re-estrutura i ida fali mak kria fali governu foun hodi hadia estrutura iha laran, maibé inklui hotu partidu sira seluk iha laran," dehan nia.

Tempotimor (Dili) - Akademista Universidade Nasionál Timor Lorosa'e (UNTL), Camilo Ximenes, konsidera lider koligasaun bloku Aliansa Mudansa ba Progresu (AMP) la onestu, sira taka infomasaun ba malu hodi nonook de'it no lakon komunikasaun hodi fiar liu lai anin ne'ebe hamosu deskonfiansa .

Tempotimor (Dili) - Prezidente Repúblika, Francisco Guterres Lú Olo, reafirma katak, konvite ne'ebé haruka ba lider nasionál sira ne'e ho intensaun ko'alia kona-ba vida nasaun nian.

Tempotimor (Dili) - Partidu Klibur Haburas Unidade Nasionál Timor Oan (KHUNTO) entrrga destinu koligasaun Aliansa Maioria Parlamentár (AMP) ba ba lider másimu AMP nian hodi bele deside.

Tempotimor (Dili) – Vise Prezidente Bankada CNRT iha Parlamentu Nasionál (PN), Partrocino dos Reis klarifika katak planu remodelasaun nia fukun mak membru VIII Governu inkompletu.

"Konferénsia remodelasaun ne'e hanesan rezolusaun ida ne'ebé tau iha konferénsia AMP nian. Maibé, seidauk deskute kle'an," dehan Patrocino, Tersa (19/11/19) iha resintu PN.

Nia afirma, remodelasaun sei la haree ba tempu. Maibé, remodelasaun mós parte ida husi avaliasaun ba servisu membru Governu nian.

"Remodelasaun ne'e la depende ba tempu. Maibé, haree ba rezultadu servisu. Atinje ka lae, buat sira ne'ebé ita halo. Remodelasaun ne'e, parte ida husi avaliasaun ba servisu Governu nian," Patrocino afirma.

Remodelasaun, nia dehan, foka liu ba postura Governu ne'ebé to'o ohin loron sei nafatin mamuk. Ida ne'e, tuir Patrocino, sei implika maka'as ba iha ezekusaun orsamentu. Liu-liu metas ne'ebé Governu define tuir nia programa ne'ebé atu lori povu ba moris di'ak nian," Partrocino salienta.

Tempotimor (Dili) – Ideia remodelasaun ba Governu Aliansa Mudansa ba Progresu (AMP) ne’ebé lidera husi Primeiru Ministru Taur Matan Ruak, hahú mosu iha tempu hirak ba kotuk no ideia ne’e hetan afirmasaun mós husi partidu tolu: CNRT, PLP no KHUNTO ne’ebé forma AMP, liu husi rezolusaun númeru 2/2019.

Iha rezolusaun pontu 7 hatete “AMP konsidera nosaun atu halo remodelasaun ba Governu Konstitusional daualuk hodi responde ba nesesidade dezenvolvimentu pais nian, liuliu kontribui ba hadi’a dezempeñu Governu nian.”

Maibé, kompetensia atu halo remodelasaun ne’e AMP la intrega kompletamente ba Taur Matan Ruak nu’udar Xefe Governu ne’ebé hatene no koñese didi’ak ninia membru Governu sira ne’ebé bele halo serbisu no ida ne’ebé labele.

AMP deside hodi fahe ‘poder’ ba remodelasaun ne’e ba lider na’in tolu: Kay Rala Xanana Gusmão, José dos Santos Naimori Bucar no Taur Matan Ruak.

Prezidente Bankada CNRT iha Parlamentu Nasionál (PN) Duarte Nunes rekoñese katak presiza duni halo avaliasaun ba dezempeñu membru Governu sira nian.

Maibé, atu halo remodelasaun ka lae ne’e depende ba desizaun husi lider AMP na’in tolu.

"Ne'e normál. Tinan rua ona klaru presiza, se deskute dehan presiza (remodelasaun) okay. Se la presiza, sira na'in tolu (Xanana, Naimori, Taur) mak sei deside hamutuk par AMP ne'e la'o ba oin," deklara Duarte iha PN, Segunda (18/11).

Iha fatin hanesan, Vise Prezidente dahuluk partidu KHUNTO, António Verdial de Sousa dehan, KHUNTO prontu atu ba remodelasaun, maibé desizaun ne’e fila fali ba lider masimu partidu nian.

"Atu dehan de'it katak partidu Khunto preparadu (ba remodelasaun), maibé atu foti desizaun fila fali ba Konseleiru Másimu Khunto nian mak maun boot José dos Santos Naimori Bucar, maibé partidu Khunto preparadu tiha ona," dehan deputadu António.

Entretantu, deputadu husi Bankada PLP Sabino Soares "Guntur" dehan, bainhira remodelasaun akontese la'os de’it ba membru governu, maibé bele mós ba sistema sira.

"Remodelasaun ne'e buat rua. Ida ko'alia kona-ba hadia ka kompleta estrutura (governu) no ida seluk mak ita bele halo mudansa iha sistema. Ne'ebé remodelasaun ba sistema no membru governu mós iha," dehan Guntur.

.