Login to your account

Username *
Password *
Remember Me

Tempotimor (Dili)-Xefe Aldeia Bela-Vista Suku Lahane Ocidentál, Romano Pereira hatete, Governu liuhusi Ministériu Obras Públika (MOP) tenke hadi'a lalais estrada iha Lahane Osidentál nian tanba kondisaun la di’ak.

Tempotimor (Dili)-Governu liuhusi Ministra Saúde (MS), Odete Maria Freitas Belo, lansa atividade Sistema Informasaun Rekursu Humanu Saúde (SIRUS) atu ajuda servisu saúde nian.

Tempotimor(Dili)-Prezidente Parlamentu Nasional (PN), Aniceto Longuinos Guteres Lopes hatete, Governu liuhusi Ministériu Saúde (MS) tenke asesgura protesaun ba pesoál saúde sira.

Tempotimor (Dili)-Komunidade Suku Lahane Osidentál, Postu Administrativu Vera Cruz, Munisípiu Dili, to'o agora seidauk simu apoiu umanitáriu husi governu.

Ho Implementasaun serka sanitáriu no dezastre naturál ne'ebé akontese iha loron 4 fulan-Abríl tinan 2021, halo komunidade iha Lahane Osidentál barak mak halerik ba hahán.

Apoiu ba vítima hirak ne'e foin mak oferese de'it husi organizasaun Noun Govermentál (ONG), igreja, partidu balun no Plan Internasionál, maibé prátikamente apoiu direta husi governu seidauk.

Reprezentante Xefe Suku Lahane Osidentál no Atuál Xefe aldeia Bela-Vista Romano Pereira informa, apoiu ne'ebé parte sira fó ne'e atubele tulun vítima sira tuir sira-nia kbi'it.

"Apoiu ba Vítima hirak ne'e foin hetan husi parte NGO-Jica, mak konsege fó tulun aihán, no iha parte igreja mós konsege fó, no Plan Internasionál inklui organizasaun seluk. Maibé Atu fó diretamente hodi temi dehan ne'e parte governu nian, até agora seidauk”, dehan nia iha Sede Suku Lahane Osidentál, kinta (13/05).

Maibé, apoiu umanitáriu ne'ebé ONG, Plan Internasionál, JICA, igreja, lider Partidu sira fó ba vítima sira ne'e ho jeralmente de'it, tuir kbi'it ne'ebé sira iha.

Apoi ne’e, la signifika katak fó enjerál ba komunidade sira maibé haree ba sira ne'ebé mak afeta teb-tebes.

Maske, iha situasaun ne'e, parte líder partidu politiku balun mós fó apoiu, nu’udar autoridade lakohi atu fó sai partidu ne'e nia naran.

Vítima sira ne'ebé afetadu inundasun iha Suku Osidentál hamutuk uma-kain 30-resin ne'ebé mak submete ona ba Sekretariu Estadu Protesaun Sivil (SEPS).

Enkuantu totál populasaun iha suku Lahane Osidentál hamutuk 1.436 ne'ebé kompostu husi aldeia 11. (*)

 

Tempotimor (Dili)-Front Mahasiswa Timor-Leste (FMTL) ezije governu atu asegura povu husi fatin risku hodi husik interese grupu no partidaria ne’ebé defende interse politiku.

Portavoz FMTL, Efifania da Silva hatete, sira sente triste tebes ba intervensaun governu Timor-Leste ne'ebé mak la estrateziku no lalais hodi kombate sofrimento povu nian.

Iha situasaun agora la'ós de’it inserteza politika maibé inserteza moris povu nian ne'ebé nakonu ho pergunta tanba prátika polítika obskurantizmu ne'ebé polítiku sira explora durante tinan hirak ne'e nia laran.

"FMTL tenke husu nafatin responsabilidade Governu no Politiku sira, tanba hahalok politika obskurantizmu no kapasidade atu asegura nia povu husi risku hamlaha la define ho klaru, maibé asegura de'it mak interese grupu no partidaria”, afirma Efifania ba Jornalista sira iha Kampus Faspol UNTL, Kaikoli, sábadu (01/05)

Tanba, kompaña barak hapara Traballadór laiha kondisaun, halo sira labele hetan rendimentu hodi bele susntenta família,,

Nune’e mós, kondutór mikrolete, taksista barak patraun labele selu tanba movimentu trasportasaun ne'ebé labele halo sirkulasaun hodi buka pasajeiru.

Ho problema sira ne’e, prezensa inserteza politika, Covid-19, inundasaun no hamlaha lolos la'ós situasaun ida ne'ebé difísil atu rezolve, maibé politiku ho arogansia halimar povu nia moris.

“Egoízmuno arogánsia politika halo govenu no politiku sira halimar de'it povu nia vida no tenke husik nafatin povu ida ne'e vítima ba bei-beik”, afirma nia. (*)

Tempotimor(Dili)- Akademista Universidade Nasionál Timor Lorosa'e (UNTL), Júlio Aparicio hatete, Governu nia esforsu ba kombate covid-19 ne'e di'ak, maibé presiza kria kondisaun di'ak ba sidadaun hotu iha situasaun serka sanitária (SS).

Tanba, Serka Sanitaria ne'ebé fulan kotuk Timor-Leste implementa ne'e halo povu terus, liuliu povu ai-leba sira ne'ebé buka moris iha Dili inklui estudante sira.

“Maneira hotu-hotu ne'ebé governu halo ne'e di'ak ona, maibé sira presiza kria sistema ida ne'ebé bele fo garante ba ema hotu no labele halakon povu nia konfiansa ba kombate pandemia covid-19”, dehan Júlio iha kna’ar fatin kampus Lama UNTL, kaikoli, kinta,(29/04).

Tamba durante ne’e, governu seidauk hatudu evidensia ne'ebé forte kona-ba ezistensia covid-19 iha TL.

"Ita Timor realidade, ema mear, isin manas, inus metin ne'e la'ós buat foun ida, tan ne'e governu tenke hatudu kronolojia klaru kona-ba ema moras covid-19, selae povu sei hatoman-an ho informasaun katak covid-19 ne'e bosok”, afirma Júlio.

Governu presiza seriedade intermu buka maneira ida ne'ebé di'ak liu no labele fó impaktu ba ekonomia povu, liliu estudante.(*)

Tempotimor (Díli)- Ministru Asuntu Parlamentár no Komunikasaun Sosiál (MAPKOMS), Francisco Jerónimo deklara, normalmente governu rekoñese, iha funsionáriu balun to'o oras ne'e, seidauk simu sira-nia saláriu, tanba falla iha sistema.

Tempotimor (Dili)-Maski estrutura membru VIII Governu kompleta ona, maibé servisu governu nian la tuir espetativa ema barak nian. Hanesan mós subsídiu ba servisu liña frente no uma kain ne’ebé sai problema seidauk rezolve.

Tempotimor (Dili) - Governu liuhusi reuniaun Konsellu Ministru (KM) estraordinária deside estende tan Estadu Emerjénsia (EE) dahaat ba loron 30, ne'ebé ho objetivu foka liu ba sirkulasaun internasionál, fiksasaun rezidénsia no direitu ba rezisténsia.

Tempotimor (Dili)-Durante impelementasaun estadu emerjensia ba prevensaun Covid-19, governu iha poder tomak atu foti ema-nia propriedade privadu ba interese komun.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter