Tempotimor (Dili) - Deputada Bankada opozisaun Congresso Nacional Reconstrução de Timor (CNRT), Carmelita Moniz, duun katak Estadu Emerjénsia ne’ebé governu kria kontein ho polítika ‘fo’er’ hodi atinji sira-nia objetivu.

TempoTimor (Batugade) - Hafoin Primeiru Ministru no Ministru Interior, Taur Matan Ruak anunsiu ba publiku katak Timor Leste deteta pozitivu Covid-19 ida maka tama husi Indonezia via Mota ain maibe ohin iha ema liu atus ida maka tama tama mai Timor Leste.

Vise Ministru Interior, Antonio Armindo ho Ministra Saude, Odete Maria Freitas Belo halo vizita ida ba Batu Gade hodi hare besik situasaun ema tama husi Indonezia mai.

"Ohin hau ho ministra saúde mai vizita para haree direita ema tama mai Timor-Leste kada kuarta oras rua hahu tuku 10 too 12", dehan Vise Ministru Interior, Antonio Armindo.

Nia esplika, "Ema sira ne'ebé ohin tama husi fronteira ne'e, Timor oan ho indonesia sira ne'ebé servisu iha dili no balun mai fa'an sasan. Preparasaun atu simu ema hirak ne'ebé ohin tama na'in 113 maibé, ita nia kapasidade atu halo kuarentina iha mota-ain ne'e uma sira prontu ona maibé, instalasaun ki'ik sira hanesan bee no fatin atu fase ropa mak sidauk iha".

"Tanba ne'e ohin ministra saúde mai lori Bus 3, mini Bus 4 no Truk ida hodi tula tiha ema sira ne'e ba tama hotu kuarentina iha dili de'it," nia Haktuir.

Antonio hateten, "Sira labele tama kuarentina iha mota ain tanba, fasilidade sidauk kompletu maibé, karik semana oin tan bele ona maibé, kuandu atu kuarentina iha mota-ain, ita nia kapasidade ne'ebé atu halo kuarentina ne'e iha ne'eba kurtu 30 liu-liu kada kuartu toba fatin rua de'it, entaun ita so akomoda de'it ema 70 labele liu maibé, ohin ema tama mai ne'e barak liu fali",

"Tanba ne'e mak ohin ministra saúde hatete, sei propoin mai iha interior par haree tok loke fronteira ne'e dalaruma hanoin hela atu semana to'o loron 17 mak loke dala ida ne'e par loron 14 sira kuarentina tuir mai loron 15 sira sai iha loron 16 saúde sira halo desinfektan depois loron 17 mak foun tama fali mai tanba kuantidade ema iha dili mos barak hela se kada kurta balun iha kuarentina sidauk sai foun mai tan ona entaun, ita nia kapasidade la to'o sira atu ba ne'ebé", Antonio realsa.

Kada loron kuarta odamatan rai ketan Batufade loke nune'e ohin Kareta merkadoria tama hamutuk 61 balun lori bahan sembako, semente no aftur.

 

Tempotimor (Dili)- Sidadaun Timor-Leste na’in 149 ne’ebé foin fila husi rai li’ur iha Kuarta (05/08) sei koloka ba otel Novu Horizonte, SK Otel no Luz Clarita hodi kumpre kuarentena durante loron 14 molok fila ba idaidak nia hela fatin.

Tempotimor (Dili)- Konsellu Superiór Defeza no Seguransa (KSDS) no Konsellu Estadu (KE) hfó votus unanimidade ba pedidu husi governu atu Prezidente Repúblika Francisco Guterres Lu Olo deklara tan estadu emerjensia (EE) ba dala haat.

Tempotimor (Dili)-Hafoin loron 50, Timor-Leste deklara livre husi Covid-19, ikus mai mosu tan kazu pozitivu Covid-19. Kazu ne’e nu’udar kazu importadu, ne’ebé lori husi Timor-oan ida ne’ebé foin fila husi Indonezia.

Tempotimor (Dili)-Primeiru Ministru Taur Matan Ruak informa, ohin (04/08), Timor-Leste rejista fila fali kazu pozitivu Corona Virus Disease 2019 (Covid-19) ida.

Tempotimor (Dili)-Ministra Saúde Odete Maria Freitas Belo informa katak, governu sosa ona ventiladór 5 hodi monta iha Vera Kruz, maibé ventiladór hirak ne’e sei haruka iha faze daruak.

Tempotimor (Dili)-Maske Prezidente Repúblika Francisco Guterres Lu Olo veta dekretu lei kona-ba rejime juridiku vizilansia epidemiolojika no vizilansia sanitariu, maibé parte saúde sei kontinua uza vizilansia sanitariu hodi halo prvensaun ba moras hadaet sira.

Tempotimor (Dili) - Estadus Unidus Amérika (EUA) liuhusi UNICEF fó apoiu ekipamentu saúde, liuliu kona-ba prevensaun Coronavirus Disease 2019 (Covid-19) iha Timor Leste.

Tempotimor (Dili)-Tuir rejimentu Parlamentu Nasionál (PN) hahú husi 30 Jullu oin mai, deputadu sira sei tama ba periodu resesu. Tan ne’e, molok tama ba periodu refere, PN hakarak atu bolu governu hodi aprezenta relatoriu kona-ba Estadu Emerjensia.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter