Login to your account

Username *
Password *
Remember Me

Tempotimor (Dili)-Ministru Defeza (MF), Filomeno da Paixão de Jesus hatete, Governu sei estabelese autoridade seguransa konjunta husi Falintil-Forsa Defeza Timor-Leste (F-FDTL) no Polísia Nasionál Timor-Leste (PNTL) hodi servisu iha liña Fronteira.

Tempotimor (Dili)-Ministériu Públiku (MP) foti desizaun entrega hikas karreta sukata hamutuk 138 ba kompaña Timoroan hamutuk 13 servisu hamutuk sosa husi nasaun Austrália hatama mai Timor-Leste iha fulan-Maiu.

Tempotimor (Dili)-Deputadu Bankada Partidu Demokrátiku (PD), Mariano ‘Asanami’ Sabino, kritika servisu Alfándega ne’ebé halo apreensaun ba sasán sira ne’ebé timoroan iha nasaun Inglaterra haruka mia família sira iha Timor-Leste.

Tempotimor (Dili)-Peskizadór Prinsipál, Organizasaun Naun Governamentál Fundasaun Mahein (FM), Abel Amaral konsidera servisu alfándega no Servisu Migrasaun inklui mós servisu investigasaun durante ne'e menus rekursu umanu no koñesimentu.

Tempotimor (Dili)-Polísia Nasionál Timor-Leste (PNTL) liuhusi Servisu Investigasaun Kriminál Nasionál (SIKN) blokea karreta importasaun sira hamutuk 200-resin iha Alfándega, Portu Dili.

Tempotimor (Dili)-Polísia Nasionál Timor-Leste (PNTL) liuhusi Servísu Investigasaun Kriminál Nasionál (SIKN) hamutuk ho Alfándega konsege deteta Suspeitu ho naran inisiál ADCA ho idade 43 ne’ebé simu droga “Marjuana musan” husi nia família rasik ne’ebé haruka husi nasaun Irlándia.

Tempotimor (Díli)-Prezidente Kámara Komersiu Industria Timor Leste (CCI-TL), Oscar Lima, sujere ba Governu Timor-Leste atu funsionáriu alfándega hala'o servisu iha loron Fim da Semana (sábadu no domingu) hodi fasilita tula sai kontainer sira iha Portu Díli.

Tempitimor (Dili) - Ministériu Públiku deteta iha Ministériu Finansas, Diresaun Alfándega sai primeiru fatin ba risku krime.

Tempotimor (Dili) – Xefe Depertementu Toxicology Laboratóriu Nasionál, Hospitál Nasionál Guido Valadares (HNGV), Gaspar Pinto dehan, produtu importasaun hirak ne'ebé tama iha Timor-Leste, tékniku sira tenke teste uluk nia sample mak bele hatán hodi importa mai rai-laran.

"Fulan tolu, molok sasán tama mai Timor-Leste, tenke haruka uluk sasán ne'e nia sample mai, para tékniku labóratoriu sira halo teste. Rezultadu husi teste ne'e mak bele deside, sasán hirak ne'e bele ou labele, tama mai rai-laran,” Gaspar Pinto informa ba jornalista iha edifísiu AIFAESA, Kinta (07/11/19).  

Gaspar mós sente laran kraik ho sistema ne'ebé agora iha. Nia dehan, sistema agora ne'e perigozu uitoan. Tanba, tuir Gaspar, bainhira sasán tama tiha rai-laran mak AIFAESA duni fali. Nia dehan, sistema hanesan ne'e la justu.

“Agora ne'e, sasán tama tiha Timor-Leste mak ami foin duni fali. Ida ne'e la justu ba Timor," Gaspar dehan.

Tuir Gaspar hatene, tempu agora rede negósiu mundiál mak servisu hanesan ne'e. “Sira-nia jogu mak nune'e. Tanba, ema ruma halo negósiu, ema barak mak iha laran. Tantu, husi manajementu ka protokolu ne'e planu iha hotu ona," nia esplika.

Nia komenta, tempu agora mak Governu la fó importánsia ba sistema kontrolu produtu importasaun sira ne'e, sei fó impaktu ba jerasaun sira ne'ebé sei tuir mai.

"Hanesan baze ka fundasi kariik la metin. Tanba, ema sira halo negósiu ne'e kontinua halo explorasaun ba ita nia jerasaun maka'as. Sasan falsu sei tama barak, tanba ita la firme," dehan Gaspar.

Tempotimor (Dili) – Komandante Operasaun Nasionál PNTL, Superintendente Xefe Pedro Belo katak iha tempu besik Komandu Unidade Polísia Fronteira (UPF) hamutuk ho Komandante PNTL Munisípiu Bobonaro, sei aprezenta kazu atribuitu eis organizasaun PSHT nian ne'ebé rekolla iha Alfandega, Kinta (17/10/19) horseik.

"Oras ne'e dadaun investigasaun la'o hela, la kleur tan Komandu UPF hamutuk ho Komandu PNTL Munisípiu Bobonaro, sei aprezenta kazu ne'e ba Ministériu Públiku (MP). Tanba sasán  sira ne'e mai, no kartaun sira ne'e hotu iha naran no fotográfia kompleitu. Entaun fasil para ita buka tuir ema," afirma Pedro Belo iha Kuartél Jerál PNTL, Kaikoli, Dili, Sesta (18/10/19).

Nia afirma, membru eis organizasaun PSHT ne'ebé naran iha no fotográfia ne'e balun iha Dili no balun iha munisípiu.

Alende ne'e, nia mós esplika ba kestaun ne'ebé hetan prende ne'e hatudu katak, joven sira hahú uza ona bandeira nasaun seluk.

"Modus sira ne'e, agora sira uza ona bandeira nasaun seluk nian. Entaun iha interpretasaun ida ne'ebé ladi'ak. Tanba ne'e, presiza parte hotu-hotu haree ida ne'e. Servisu hamutuk para oinsá ita hamutuk kombate krime organizadu sira ne'e," dehan Pedro.

Komandante ne'e akresenta, bainhira husik grupu organizadu sira ne'e, mak tinan ba tinan sira sei halo buat ne'ebé ladi'ak no bele hanoin aat ba estabilidade nasionál.

Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter