Items filtered by date: Monday, 28 March 2022

Tempotimor (Baukau)-Ema ho difisiensia preukupa Governu harii postu saúde no sentru saúde iha foho leten.

Tempotimor (Dili)-Adjunta Prokuradora-Jerál Repúblika, Remizia de Fátima hatete, Ministériu Públiku (MP) haruka ona kazu, Francisco Kalbuadi Lay ba Tribunál no hein dezignasaun ba julgamentu iha Tribunál Distritál Dili.

“Kona-ba kazu señor Kalbuadi nian, ne'ebé señor ne'e agora fila mai iha Timor e depois ami notifika ona, prosesu agora haruka ba Tribunál e hodi hein designazaun ba julgamentu karik husi tribunál ninian, tanba prosesu ami remete tiha hotu ona ba tribunál”, dehan nia hafoin hasoru malu ho Prezidente Repúblika, Francisco Guterres ‘Lú Olo’, iha Palasíu Prezidensiál Bairopite, segunda (28/03).

Nune'e Prezidente Repúblika Lú Olo hatete, prosesu kazu Kalbuadi entrega ba Tribunál hodi halo julgamentu, wainhira sala tenke asume responsabilidade ne'ebé iha.

“Ha'u hanoin hanesan baibain Prezidente ida ne'e prosesu ne'ebé mak la'o e depois entrega ba Tribunál wainhira julgamentu ita haree, karik nia sala tenke asume responsabilidade ne'ebé nia iha, se nia la sala entaun konforme deside tuir lei, ha'u hanoin ida ne'e mak nia fó hanoin”, haktuir nia.

Relasiona ho kazu ne'ebé Kalbuadi depois mak sei rona husi Tribunál Rekursu, maibé prosesu sira ne’e entrega hotu ona ba Tribubnál atu deside hodi halo julgamentu.

“Ha'u hanoin ida ne'e mak orsida rona husi tribunál tanba prosesu ne'e ami foin remeta ba iha Tribunál wainhira nia fila mai, ami notifika nia iha loron ne'ebá e ami remete kedas ba tribunál, tanba akuzasaun preparadu tiha ona, tanba nia ba liur depois nia mai ami notifika, ami notifika e haruka tiha ona ba tribunál, taun ita hein de'it desizaun Tribunál ninian wainhira mak atu deside julgamentu”, esplika nia.

Prezidente Tribunál Rekursu, Deolindo dos Santos hatutan, kazu ida ne'e seidauk bele dehan ba públiku tanba sei iha primeira instánsia seidauk to'o Tribunál Rekursu.

“Ida ne'e  ha'u seidauk hatete ba ita-boot sira, tanba buat ne'e iha primeira instánsia, see akuzasaun tama karik, nia iha primeira distánsia, ne’e so tribunál primeira instánsia sira mak hatene, juiz ida prosesu iha ne'e, presiza tama tribunál karik, juiz ida kaer prosesu ne'e depois nia mak marka loron julgamentu, depois bainhira to'o tempu mak nia bele ba to'o Tribunál Rekursu, mais primeiru ne'e sei iha tribunál Dili, se kazu tama ona karik, ne'ebé nein konsellu, nein Prezidente atu ba hatete ba juiz o marka loron hanesan ne'e ona ga?. Ne'e la bele, tanba ne'e independente kada juiz ida ninian ne'ebé mak kaer prosesu ne'e rasik”, informa Deolindo.

Maske ida ne'e preokupasaun ema hotu nian, maibé Prezidente Tribunál Rekursu, Deolindu dehan kazu ne’e husik ba la'o tuir nia forma rasik ne’ebé tuir lei hatete.

“Ha'u fiar katak ne'e preokupasaun públiku nian, mais depois ita husik buat ne'e la'o ho nia forma rasik ne'ebé ke tuir lei hatete, depois ita to'o iha ne'ebá ita sei hatene desizaun ne'e halo nusá”, deklara nia. (*)

Tempotimor (Dili)-Komandante Jerál Polísia Nasionál Timor-Leste (PNTL), Komisáriu Faustino da Costa inflorma, durante prosesu eleisaun prezidensiál komandu PNTL hasoru problema rua ne’ebé mosu hanesan kondisaun estrada, no rádiu komunikasaun.

Tempotimor (Dili)-Sekretáriu Estadu Formasaun Profesiónal no Empregu (SEFOPE) liuhusi Diresaun Nasionál Empregu Exterior (DNEE) halo abertura Preliminary Treaning ba kandidatu traballadór Timoroan hamutuk na'in-136 ne'ebé sei ba servisu iha nasaun Korea Súl.

Tempotimor (Díli)-Primeiru Ministru (PM), Taur Matan Ruak, deside sei demite membru Governu daualu liliu Sekretáriu Estadu Terras no Prioridade (SETP), Mário Ximenes, husi Partidu Kmanek Haburas Unidade Timor Oan (KHUNTO).

Tempotimor (Dili)-Ministériu Finansas (MF) liuhusi Sekretariadu Tékniku Fundu Covid-19 verifika hela dadus jornalista sira ne’ebé tama ba liña frete.

Tempotimor (Baukau)-Ékipa verifikasaun ba Uma Kbi'it La'ek (UKL) no Autóridade suku hateke komunidade Jacinta da Costa ho idade-60 resin la hetan, nune’e kontinua hela iha uma ho kondisaun aat.

Tempotimor (Lautein)-Komandante Polísia Nasionál Timor-Leste (PNTL) Munisípiu Lautein, selebra aniversáriu PNTL ba dala-22, halo atividade kariedade ba ema kbi’it la’ek iha Munisípiu Lautein.

Tempotimor (Baukau)‐Adminisitradór, Postu Adminisitrativu Kelikai, Mateus Soares Cabral, husu Governu fasilita transporte ba eleitóres estudante sira husi kapitál ba Munísipiu bainhira mosu eleisaun Prezidénsial segunda volta atu ezerse sira nia votus.

Tempotimor (Baukau)-Eletrisidade Timor-Leste empreza públiku (EDTL.ep) Baukau, presiza tán prepagu rihun 11 hodi konklui instalasaun ba kada uma ka'in iha Munísipiu Baukau.