Items filtered by date: Wednesday, 23 March 2022

Tempotimor (Díli)-Observadór Internasionál husi Nasaun Siera Leone, Larry Fangawa nu'udar mós membru organizasaun Internasionál G7+ ne’ebé observa Eleisaun Prezidensiál ba tinan 2022 identifika, ofisiál eleisaun sira ‘abandona’ inan isin-rua sira iha sentru votasaun, tanba husi sira forma iha liña.

Tempotimor (Dili)-Polisia Nasionál Timor-Leste (PNTL) liuhusi Departamentu Tránzitu husu ba Diresaun Nasionál Transporte Terrestre (DNTT) atu hadi'a Sumaflo (lampu merah) iha kapitál Dili hodi Evita asidente, tanba númeru transporte hahú aumenta.

Tempotimor (Dili)-Komisaun Nasionál ba Eleisaun sira (CNE) hala’o hela apuramentu Nasionál ba votu iha eleisaun prezidensiál durante loron tolu nia laran hafoin haruka rezultadu ba Tribunál Rekursu.

Tempotimor (Baukau)-Minisitéiru Agrikultura no Peskas (MAP) prepara ona fini forekeli tonelada-4 iha servisu Agrikultura Munísipiu Baukau atu distribui ba to'os na'in sira.

Tempotimor (Dili)-Xefe Estadu Maior Jenerál Forsa-Falintil Defeza Timor-Leste (F-FDTL), Tenente Jenerál Falur Rate Laek hatete, rekrutamentu ba membru foun F-FDTL tinan 2022 sei hein orsamentu anual implementa.

Tempotimor (Díli)-Governu liuhusi reuniaun Konsellu Ministru (KM) aprova ona alterasaun daruak Dekretu-Lei n. 6/2014, loron 26 fulan-fevereiru, atu hasa’e subsídiu ba líder komunitária sira. 

Tempotimor (Dili)-Bankada Frente Revolusionáriu Timor-Leste no Independente (FRETILIN) no Partidu Libertasaun Populár (PLP) inklui Kmanek Haburas Unidade Nasionál Timor Oan (KHUNTO) sei hadau malu ba kargu Prezidente Komisaun E trata asuntu Infraestrutura, Transporte no Komunikasun iha Parlamentu Nasionál (PN).

Tanba Prezidente sesante Abel Pires ne'ebé mak durante ne'e sai kompozisaun ba meza komisaun E, dadauk asume ona kargu Ministru Obras Públika (MOP) iha Governu daualu, nunne'e iha deliberasaun ida atubele hili fali deputadu ida sai Prezidente ba Komisaun E.

Vise Prezidente Komisaun E, Fabião de Oliveira hatete, kona-ba halo substituisaun ba eis-Prezidente Komisaun E, Abel Pires ne'e depende ba deliberasaun no eleisaun iha semana oin, bele FRETILIN mak lidera ou se la'e KHUNTO no PLP mak lidera.

“Depende ba eleisaun deliberasaun iha membru Komisaun E, bele maihusi FRETILIN nian, bele mai husi PLP nian. Sira ne'ebé agora ukun dadauk ne'e, iha Bankada de Plataforma de Intendimentu ba Governu ida ne'e”, hatete nia iha Parlamentu Nasionál, kuarta (23/03).

Tanba atu substitui ne'e, labele dehan Prezidente Abel Pires da Silva ba asume tiha kargu foun automatikamente vise-Prezidente mak atu sa'e ne'e laloos, tanba prosesu hotu sei hala'o tuir baze legal ne'ebé previstu ona iha rejimentu Parlamentu nian.

Nunne'e, iha semana oin Komisaun E sei tau ajenda ida ne'e atu halo eleisaun ka deliberasaun ida atu hili filafali kompozisaun ba meza komisaun E asuntu infraestrutura, transporte e komunikasaun.

"Lista ne'e iha tiha ona, imi horisehik haree substitui tiha ona Doutor Abel husi Bankada PLP nian, e depois aprezenta lista ne'e husi membru komisaun E, sé aprezenta lista dehan katal naran ida ne'e ami propoin se karik bele sai Prezidente ba Komisaun E, depois mak halo deliberasaun ba eleisaun para hetan legalodade husi membru komisaun”, informa nia. (*)

Tempotimor (Dili)-Membru Parlamentu Nasionál komisaun F ho Prezidente Konsellu Diretora Rede Feto Timor-Leste, Reprezentante Uniaun Europeia loke forúm Nasionál ho tema "esperiénsia pasadu, orienta ita ba estratéjia Asaun inovativu ba hapara violénsia hasoru feto no labarik feto”.

Tempotimor (Dili)-Deputadu Bankada Frente Revolusionáriu Timor-Leste no Independente (FRETILIN), Fabião de Oliveira, hakarak Komisaun E ne'ebé trata asuntu Infraestrutura, Transporte no Komunikasaun iha Parlamentu Nasionál (PN) kolabora ho Ministru Obras Públika (MOP), Abel Pires da Silva atubele rezolve problema infraestrutura báziku sira.