Items filtered by date: Friday, 06 August 2021

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopez hatete, tentativa iha loron 16 fulan-agostu sei fó pose ba Prezidente Komisaun Nasionál Eleisaun (CNE), José Augostinho da Costa Belo ho komisiáriu hamutuk na'in-hitu (7) iha.

Sekretária Meza Komisaun Permanente, Deputada Domingas dos Santos hatete, dadaun prezidente PN anunsia ona liuhusi reuniaun lider bankada katak, meza nafatin tenta atu fó pose ba prezidente CNE nomós estrutura.

“Ne'e mós ohin (06/08), ko’alia iha dia 16 segunda-feira, sei fó pose ba Komisiáriu no Prezidente CNE ninian, Señor Prezidente ohin anunsia de'it katak iha ona tentativa iha dia 16 agusto, mai sei iha pose ba Komisiáriu no Prezidente CNE nian”, hatuta nia iha PN, sesta (06/08).

Entretantu, kandidatu ne'ebé eleitu ba Prezidente Komisaun Nasionál Eleisaun, José Augostinho da Costa Belo. Ne'ebe PN hili liuhusi eleisaun iha loron kuarta (14/7), ho votu 35.

Husi prosesu ba elisaun prezidente Komisaun Nasionál Eleisaun ho kandidatu na’in-rua, hetan votasaun eskrutiniu husi deputada Maria Terezinha Viegas no Deputadu Francisco David Carlos.

Liuhusi votasaun eskrutíniu sekretu, José Pedro Mariano Neves de Camões hetan votu 39 nune’e sai suplente dahuluk, Fernanda de Fátima Sarmento Ximenes, hetan votu 35 sai nu’udar suplente daruak no Querubin Jong Ferreira, hetan votu 33 nune’e sai suplentu datoluk.

Bazeia ba dekretu Prezidente Repúblika númeru 41/2021, 1 jullu, membru ne'ebé dezigna ba órgaun kompetente CNE, Prezidénsia Repúblika mós nomeia nia membru na’in-rua.

Tanba ne'e, Prezidente Repúblika nomea, Olávio da Costa Monteiro de Almeida nu’udar membru efetivu ba CNE no Detaviana Madalena Guterres Freitas, nu’udar membru suplente.

Iha loron 9 fulan-jullu, parte governu mós nomeia Carlito Martins nu’udar membru efetivu no Elvino Bonaparte do Rêgo, nu’udar membru suplente.

Aleinde Tribunál Rekursu (TR) iha loron 30 juñu, nomeia ona membru deziganadu sira hanesan Majistradu judisiál Antonino Gonçalves hodi sai membru efetivu no João Ribeiro nu’udar suplemente.

Entretantu, Ministériu Públiku (MP), nomeia Domingos Barreto nu’udar membru efetivu no Napolião Soares da Silva nu’udar membru suplente iha loron 5 jullu 2021.

Maibé kona-ba membru suplemente sira Bankada Partidu Demokrátiku (PD) propoin José Pedro Camões (advogadu), Bankada KHUNTO propoin Querubin Jong Ferreira, Bankada Frente-Mudança (FM) propoin Fátima Sarmento Ximenes, nu’udar membru Konsellu Pegagójiku no Sientífiku iha DLP, no Bankada Uniaun Demkorátika Timorense (UDT) propoin Octavio Manuel da Costa Amaral (advogadu). (*)

Tempotimor (Covalima)-Xefe Suku Dato-Tolu, João Agostinho Resi, husu ba Sekretáriu Estadu Kooperativa (SEKoop) atu loke programa kooperativa iha suku Dato-Tolu, Postu Administrativu Fohorem, Munisípiu Covalima.

Tempotimor (Dili)-Ministra Negósiu Estranjeiru Kooperasaun (MNEK), Adaljiza Albertina Xavier Reis Magno hatete, sira prepara hela rekezitu tolu (3) atu aprezenta Timor-Leste (TL) nia adezaun ba Assosiasaun Nasaun Sudeste Aziátiku (ASEAN) nian.

Tempotimor (Dili)-Polísia Nasionál Timor-Leste (PNTL) liuhusi Komandu Munisípiu Dili kaptura ona suspeitu na'in-tolu (3) ne'ebé asalta no halo agresaun fízika hasoru Vitima Leandro Xena to'o hetan kanek iha ibun, hirus matan no liman sikun parte sorin loos.

Tempotimor (Covalima)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, nia parte prontu fó asisténsia iha Programa Naroman ba Suku atubele sai buras nafatin iha suku sira.

Tempotimor (Dili)-Ministériu Obras Públika liuhusi Institutu Jestaun Ekipamentu (IJE) hahú hadi’a estrada iha Munisípiu Baukau, Postu Administrativu Kelikai, Suku Letemumu, Aldeia Laumana, atu asesu ba Uaibitai Matebian hodi halo selebrasaun loron FALINTIL dala-46.

Tempotimor (Covalima)-Komúnidade iha Suku Dato-Tolu, Postu Administrativu Fohorem, Munisípiu Covalima konsege sai husi izolamentu, tanba iha mandate Governu daualu nia bele resolve ona problema estrada ne’ebé aat husi tempu okupasaun Indonézia.

Tempotimor (Dili)-Movimentu Juventude Timor-Leste (MJTL) hatudu pozisaun firme hodi fó apoiu ba Prezidente Repúblika (PR), Francisco Guterres ‘Lú Olo’, atu rekandidata-an iha Eleisaun Prezidénsial tinan 2022.

Tempotimor (Covalima)-Adjuntu Administradór Munisípiu Covalima, Afonso Nugueira husu, ba Ministériu Asuntu Parlamentár no Komunikasaun Sosiál (MAPKomS) atu loke sentru informasaun Naroma ba Suku iha Munisípiu Covalima.

Tempotimor (Díli)-Diretór Jerál Sekretáriu Estadu Formasuan Profesionál no Empregu (SEFOPE), Paulo Alves hatete, Governu Austrália deside sidadaun Timoroan ne'ebé kompete ba programa Seasonal Worker atu ba servisu iha nasaun Austrália simu AstraZeneca hotu.