Login to your account

Username *
Password *
Remember Me

Items filtered by date: Thursday, 05 August 2021

Tempotimor (Dili)-Autoridade Lokál liliu Xefe Suku Fatuhada, Marcelino Soares, konsidera atividade prostituisaun bele akontese iha Eis Merkadu Komoro.

Published in Seguransa Defesa

Tempotimor (Dili)-Primeiru Ministru (PM), Taur Matan Ruak, husu ba sidadaun sira atubele simu vasina hodi prevene-an husi moras Covid-19, tanba Governu aplika Serka Sanitária (SS) iha Munisípiu Ermera haree ba númeru kazu ne’ebé aumenta kada loron.

Published in Saude

Tempotimor (Dili)-Vise Ministru Interior (VMI), António Armindo informa, individual Timoroan Mahoka voluntáriu reabilita Postu Seguransa Polísia Nasionál Timor-Leste (PNTL) iha Munisípiu Dili.

Published in Seguransa Defesa

Tempotimor (Dili)-Prezidente Komisaun F ne’ebé trata asuntu Saúde, Seguransa Sosiál no Igualdade Jéneru, iha Parlamentu Nasional (PN), Deputadu Noe da Silva ‘Buka Tuir’ hatete, sidadaun timoroan presiza simu vasina tanba ne'e hanesan kilat hodi bele haforsa imudade hasoru covid-19.

“Mais liuhusi husi meiu sira hanesan ne'e, ami hakarak enkoraja de'it ema hothotu, oinsá mak bele asesu ba vasina ida ne'e. Tanba kilat ne'ebé hothotu ba ultima solusaun vasinasun”, hatete nia iha PN, kinta (05/08).

Tanba, situasaun covid-19 ne'ebé Timor-Leste enfrente, presiza sidadaun hotu hola partisipasaun, atu hadook-an husi situasaun ne’e liuhusi prevensaun no imetigasaun.

Maibé Komisaun F rasik to'o agora seidauk rona informasaun kona-ba ema simu Vasina dala-tolu ne'ebé akontese iha Munisípiu Dili.

“Ha’u-nia parte ba informasaun ida ne'e, ha’u seidauk rona, e seidauk mós ha’u haree kondisaun ema ne'e tanba ita seiduak rona informasaun”, dehan nia. (*)

Published in Politika

Tempotimor (Dili)-Vise Ministru Interior (MI), António Armindo klarifika, insindente ne'ebé mosu iha área Fatumea hodi rezulta sidadaun timoroan ida hetan kanek iha liman sorin karuk ne'e, la'ós Tentara Nasional Indonézia (TNI) mak tiru, maibé ema sivíl ida ho senapan (kilat-anin) mak tiru kanek.

“Tuir relatóriu ne'ebé informasaun foin dadauk sai dehan katak, TNI mak tiru ne'e, la’e. Ema sivíl ida mak tiru uza senapan (kilat-anin) ne'e tiru. La'ós TNI ka Polisi Repúblik Indonesia (POLRI) mak tiru”, esplika António Armindo, ba www.tempotimor.com liuhusi telefone, kinta (05/08).

Tanba sidadaun sivél ne’e husi viziñu Atambua-Indonézia ne'ebé la'o hamutuk ho milítar TNI ho POLRI, nian bainhira la'o tuir dalan mai área Timor-Leste (TL) nian hodi buka tuir sidadaun timoroan ne'ebé deskonfia lori-subar sira-nia karau.

“Tanba sira agora dadauk ne'e hanoin dehan TNI mak lori senapan ne'e tiru, mais ema joven, ema sivíl mak lori senapan ne'e tiru. Ema Atambua, ema ne'ebá mak tiru, mais nia la'ós militár, la'ós TNI, nia sivíl. Sivíl sira mai hamutuk ho tentara sira ne'e”, hatete nia.

Insidente ne'e mosu tanba deskonfia sidadaun timoroan lori subar ema nia karau mean husi rai viziñu Indonézia (Atambua) nian, lori tama área TL iha Aldeia Fatumea, Postu Administrativu Fohorem, Munisípiu Covalima.

“Sim, tuir informasaun hanesan (naok karau) ne'e mak hodi rezuta problema ne'e. Horikalan ha'u la husu nia kuantidade, tanba telatóriu mós ha'u seidauk haree, mais relatóriu Primeiru Ministru hanesan Ministru Interior ne'e ba tiha ona”, dehan nia.

Enkuantu prosesu ba suspeitu ne'ebé tiru ne'e, tuir lei TL ka Indonézia nian, maibé sei konfirma ho asesór sira hodi husu paresér jurídiku ruma kazu refere.

“Problema tanba akontese ne'e iha fronteira, mais agora ema ne'e Indonézia, ne'ebé ha'u tenke konfirma lai ho asesór sira, mais ne'e komandu mós halo prosesu ona depois halo nusá ba mak, komandu relata mai mak ita haree, parese ke sei kontatu mós ho embaixada Indonézia nian iha Dili atu haree asuntu ida”, hatete nia.

Maske nune'e, Komandante PNTL Komandu Munisípiu Covalima, rezolve ona kazu ne'e ho família rua nian, no promete sei fó fila karau ne'ebé lori subar iha Fatumea.

“Ha'u iha hela Suai, horikalan ko’alia hela ho Komandante Munisípiu Covalima, ne'ebé nia mós dehan rezolve ona, e ami hasoru ona parte rua, Indonézia ho ita-nia, ko’alia ona e depois entrega hikas e prosesu ne'ebé mak krime ne'e la'o nafatin”, haktuir nia.

Tuir planu, iha loron segunda (09/08), Komandu PNTL liuhusi nia Portavóz sei hamutuk ho adidu Militár Indonézia nian iha Dili hodi hala'o konferénsia imprénsa ida, atu relata informasaun ne'ebé loloos ba públiku hodi bele hatene. (*)

Published in Seguransa Defesa

Tempotimor (Dili)-Komisaun F ne’ebé trata asuntu Saúde, Seguransa Sosiál no Igualdade Jéneru, iha Parlamentu Nasional (PN) sei halo analiza ba opiniaun no pareser husi deputadu proppnente nomós entidade relavante hodi halo aprovasaun ba projetu lei númeru 29/V/(3ª) kona-ba Protesaun Labarik no Joven iha Perigu (PLJP).

Published in Politika

Tempotimor (Dili)-Konsellu Ministrus (KM) aprova ona projetu Dekretu-Lei, ne’ebé aprezenta husi Ministru Justisa, Manuel Cárceres da Costa, ne’ebé atu hahú alterasaun daruak ba Kódigu Prosesu Sivil (KPS) nian, ne’ebé aprova ona husi Dekretu-Lei nu. 1/2006, loron 21 fulan-fevereiru no altera ona husi Lei nu. 6/2021, loron 31 fulan-marsu.

Published in Justisa

Tempotimor (Dili)-Vise Xefe Estadu Maior Jenerál Falintil-Forsa Defeza Timor-Leste (F-FDTL), Major Jenerál Domingos Raul ‘Falur Rate Laek’ informa, data anunsiu rezultadu teste ba membru foun F-FDTL hetan alterasaun, tanba fardamentu ba mmebru foun seidauk prontu.

Published in Seguransa Defesa
Page 2 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter