Items filtered by date: Sunday, 22 August 2021

Tempotimor (Kelika)-Primeiru Ministru (PM), Taur Matan Ruak, deklara Sosiedade Sivíl sira sai pareseiru dezenvolvimentu ne'ebé di'ak no garante estabilidade iha rai laran.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo deklara, Timoroan na'in-2 mane idade 76, feto ho idade 61 mate tanba Covid-19 iha izolamentu Lahane no ida iha Óspital    Referénsia Oekussi, nune'e kazu pozitivu Covid-19 foun iha loron domingu (22/08) 235.

Tempotimor (Kelikai)-Lia-Na’in husi Uaibitai, Aldeia Laumana, Suku Letemumu, Postu Administrativu Kelikai husu ba Governu atu hadi’a Bee Tuda Salaira iha área Uaibitai-Matebian.

"Iha ne'e atu Bee di'ak maibé oinsá mak atu sai di'ak ne'e ami husu ba Governu no ulun boot sira mak hatene”, hateten Lia-Na’in Uaibitai, Agostino Freitas iha Bee Tudak Salaira hafoin la'o hamutuk ho Primeiru Ministru, Taur Matan Ruak vizita Bee refere, domingu (22/08).

Komunidade sira husu atu hafasil komunidade no vizitante sira ne'ebé hakarak vizita Bee Tuda Salaira.

"Ami husu atu hadi’a estrada sira iha besik ne'e para kuandu ulun-boot sira mai karik labele la'o kolen no karik mak di'ak ona ami sei kria regra ruma aban bairua kuandu di'ak ona bele hadi’a tiha buat ne'e ami husu ba komunidade sira labele soe foer”, hatete nia.

Ministru Turizmu Komérsiu no Industria (MTKI), José Lucas do Carmo hatete, iha tempu badak MTKI sei realiza programa dalan rezisténsia ba kada suku inklui mós Letemumu.

"Oras ne'e dadaun Governu prepara ona programa ida naran dalan ba rezisténsia iha Kada Suku no tempu badak ekipa Tékniku sira mai hodi esplika ba Komunidade iha suku sira liliu iha Postu Pdministrativu Kelikai,” dehan nia.

Bee Tuda Salaira mosu iha Foho Matebian Feto no Mane nia leet ne'ebé lokaliza iha Aldeia Laumana, Suku Letemumu Postu Administrativu Kelikai, Munisípiu Baukau. (*)

Tempotimor (Dili)-Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, lansa monumentu 4 setembru, iha Aldeia Auhun, Suku Bekora, Postu Administrativu Cristo Rei, Munisipiu Dili.

Tempotimor (Fatulilik)-Xefe Suku Belulik-Leten, Postu Administrativu Fatululik, Munisípiu Covalima, Quintino José Amaral, sente la seguru iha fronteira durante ne’e, tanba deskonfia prezensa sidadaun Indonézia iha área Timor-Leste hodi naok rikusoin.

Tempotimor (Kelika)-Autoridade Lokál liliu Xefe Suku Haekoni, Oan Fuik husu ba Governu ne'ebé lidera husi Primeiru Ministru (PM), Taur Matan Ruak, atu loke estrada husi Suku Letemumo, Postu Administrativu Kelikai ba Suku Haekoni, Postu Administrativu Bagia, Munisípiu Baukau.

Tempotimor (Kelikai)-Primeiru Ministru (PM), Taur Matan Ruak hatete, Governu deside hari’i uma rihun-rua (2.000) ba sidadaun sira ne’ebé okupa rai Estadu ina Kapitál nasaun, Munisípiu Díli.

Tempotimor (Kelikai)-Prezidente Konsellu Administrasaun, Eletrisidade de Timor Leste, empreza p'ublika (EDTL,ep), Paulo da Silva promete, iha tempu badak sei dada eletrisidade ba komunidade iha Bairu Uaibitai, Aldeia Laumana, Suku Letemumu, Postu Administrativu Kelikai, Munisípiu Baukau.

Tempotimor (Kelikai)-Forum Organizasaun non Governamental Timor-Leste (FONGTIL) realiza Dialogu Nasionál Sosiedade Sivíl ho Governu no Komunidade iha Uaibitai, Aldeia Laumana, Suku Letemumu, Postu Administrativu Kelikai, Munisípiu Baukau ho tema Hamutuk Hametin Parseiru Krítiku Hodi Define Progressu Ba Dezenvolvimentu Nasionál.

Tempotimor (Batugade)-Polísia Nasionál Timor-Leste (PNTL), liuhusi Unidade Patrullamentu Fronteira (UPF) hamutuk ho Tentara Nasionál Indonézia (TNI) fó ona ultimatu ba sidadaun timoroan sira ne'ebé ilegál iha territóriu Indonézia nian, atu entrega-an ona iha loron kinta (26/08) semana oin.