Items filtered by date: Saturday, 21 August 2021

Tempotimor (Dili)-Polísia Repúblika Indonézia (POLRI), deporta tan membru Grupu Arte Marsiál (GAM) husi Persaudaraan Setia Hati Terate (PSHT) hamutuk ema na'in-164, ne'ebé hakat ilegál husi fronteira terrestre ba sa'e sintu iha rai Indonézia, maibé iha na'in-3 deskonfia iha sintomas "Variante Delta".

Tempotimor (Dili)-Portavoz Reprezentante Grupu Arte Moris, Lena Caminha hatete, sira rejeita ho fatin ne'ebé Governu oferese iha armajen Bebora nian tanba fatin la sufisiente atu hala'o atividade arte moris nian.

Tempotimor (Dili)-Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, hamaus joven sira Aldeia Auhun, Suku Bekora, Postu Administrativu Cristu Rei, Munisípiu Dili, tenke hari’i undade ho armonia hodi labele fahe malu no estraga malu.

Tempotimor (Dili)-Ministru Edukasaun Juventude no Desportu (MEJD), Armindo Maia hatete, nia parte lakohi atu públika estudante sira ne'ebé afetadu covid-19 iha eskola tanba presiza respeita sira-nia privasidade.

Tempotimor (Dili)-Xefe Estadu Maior Falintil-Forsa Defeza Timor-Leste (F-FDTL), Tenente Jenerál Lere Anan Timur (LAT) hatete, seguransa iha lutu fronteira lolos iha F-FDTL nia misaun, no la'ós Polísia Nasionál Timor-Leste (PNTL).

Tempotimor (Dili)- Prezidente Parlamentu Nasionál (PN), Aniceto Longuinhos Guterres Lopes, preokupa ho númeru pozitivu covid-19 ne'ebé kontinua aumenta iha Timor-Leste, maibé Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, husu atu komunidade sira kumpri nafatin regra prevensaun.

"Ohin loron saúde públika sai preokupasaun boot tebes ba ita hotu no ba Estadu Timor-Leste, liliu tanba númeru kazus COVID-19 no ninia variante aumenta ba bei-beik”, dehan Aniceto Guterres, iha komemorasaun loron FALINTIL ba dala-46 iha Kuartel Jenerál, Fatuhada, sesta (20/08).

Tanba ne'e apela ba kompatriota sira, ba sidadaun timoroan no estranjeiru sira iha Timor-Leste, atu kumpre regra sanitárias prevensaun nian hanesan uza máskara, fase liman ho sabaun no distánsiamentu sosiál, atu nune'e salva ida-idak nia-an, nomós salva ema seluk.

Ba pasiénte Covid-19 iha Timor-Leste, tenke kolabora ho pesoál saúde no pesoál seluk iha liña frente hodi salva Timor-Leste husi moras Covid-19.

Maibé, Kay Rala Xanana Gusmão hatete, nia parte difísil atu dehan covid-19 ejiste iha Timor-Leste ka la'e, maibé husu nafatin ba komunidade atu uza máskara, atu-nune'e evita-an, husi Covid-19 ne'e mosu duni iha rai laran.

“Covid ita labele dehan katak laiha, iha Timor ha’u mós susar atu fiar katak iha, maibé maluk sira uza máskara ba, hanorin oan sira, imi joven sira malandru sira ne'e uza máskara ba, para evita, mosu karik”, dehan Xanana.

Tanba kazu covid-19 ne'e la'ós palodizmu, ne'ebé babain hetan, maibé ne'e mai husi liur, tanba tenke uza máskara, nune'e moras peste ne'e tama karik labele da’et ba ema.

“Covid nia problema mak ne'e, ohin ha’u hakoak tiha xefe aldeia, ha’u iha Covid, ko’alia tama husi ama nia inus, no nia pulmaun mós iha hotu, nia fila ba uma, nia hakoak nia laen, nia ko’alia buat ne'e pasa ba iha nia la’en, nia la’en ba ko’alia fali ho nia kolega sira, pasa ba kolega sira, ida ne'e mak problema boot Covid iha mundu”, esplika Xanana.

Ne'e duni atu fiar ka la fiar, hothotu tenke proteze-an nafatin hodi labele hetan, tanba ida ne'e nu’udar problema boot ne'ebé konsege hamate ona ema (tuju-juta orang) iha mundu, tanba lahatene prevene. (*)

Tempotimor (Dili)-Funsionáriu Gabinete Primeiru Ministru (GPM), Joanico Coreia da Silva, sai vítima ba despaixu Governu liuhusi Ministériu Saúde (MS) ne’ebé fó sai katak funsionáriu tenke simu vasina hafoin bele tama servisu.