Items filtered by date: Tuesday, 22 June 2021

Tempotimor (Dili)-Governu liuhusi Sekretáriu Estadu Komunikasaun Sosiál (SEKomS) husu ba Crus Vermeilha de Timor-Leste (CVTL) atu ajuda halo kampaña vasina ba sidadaun.

Published in Politika

Tempotimor (Dili)-Fundasaun Mahein (FM) Organizasaun Sosiedade sivil durante halo observasaun kona-ba servisu instituisaun Polísia Nasional Timor-Leste (PNTL) ho Falintil-Forsa  Defeza Timor-Leste (F-FDTL) husu atu governu halo uluk avaliasaun ba servisu instituisaun PNTL hafoin halo revizaun ba planu estratéjia seguransa interna 2030.

Published in Seguransa Defesa

Tempotimor (Dili)- Diretór HAK, Sisto dos Santos husu ba Primeiru Ministru (PM), Taur Matan Ruak, atu halo investigasaun ba ekipa ne'ebé vota abstensaun ba rezolusaun Organizasaun Nasaun Unida ba sosa kilat hodi embargo iha Mianmar.

Tanba Timor-Leste kontra rezolusaun Asembleia Jerál ONU nian ne’ebé alerta embargo ba kilat (embargo da arma)  ba nasaun sira iha Ázia no Pasífiku no kondena maka’as aktu autoritáriu militár iha fevereiru liubá.

“Ami husu ba Primeiru Ministru atu halo reviu no investigasaun ekipa ida ne'ebé mak halo abstensaun ne'e dada filafali mai halo julgamentu ba sira ne'e pazisaun FONGTIL nian formalmente”, deklara Sisto iha salaun FONGTIL, Kaikoli, segunda (22/06).

Nune'e Ministériu Negósius Estranjeiru no Kooperasaun ne’ebé onra hodi esklarese katak nia parte vota Abstein tanba ninia votu abstain ba rezolusaun refere laiha pozisaun komún ho nasaun membru ASEAN sira, ne’ebé iha papél fundamentál oinsá rezolve situasaun iha Míanmar.

“Pozisaun ne’e reflete ona iha deklarasaun Timor-Leste iha 12 marsu 2021, durante sesaun Konsellu Direitu Úmanu ba dala-46, iha ne’ebé Timor-Leste espresa ona ninia preokupasaun kona-ba situasaun direitu umanu iha Míanmar no husu atu liberta arbitráriu detidu, inklui mós prezu polítiku. Alende ne’e, espresa mós apoiu tranzisaun demokrátika Míanmar nomós apela ba parte hothotu atu mantein diálogu no rezolve diferénsia sira ho meius pasífiku”, Ministra Negósiu Estranjeiru no Kooperasaun, Adalzija Magno liuhusi Komunikadu imprensa, segunda (22/06).

Tanba hanesan país demokrátika ida, Timor-Leste la apoia deklarasaun Estadu Emerjénsia hosi Forsas Armadas Míanmar iha loron 1 fulan-fevereiru tinan 2021 no asaun sira tuir mai relasiona ho governu sivíl eleitu.

Tuir informasaun ne’ebé fó sai husi mídia internasionál sira katak, rezultadu votasaun ba ezbosu rezolusaun ba situasaun iha nasaun Mianmar hatudu Timor-Leste hamutuk ho nasaun 35 vota abstensaun.

Estadu Timor-Leste reprezenta hosi Ministériu Negósiu Estranjeiru no Kooperasaun (MNEK), iha loron sesta liubá, partisipa iha diskusaun no negosiasaun iha Asembleia Jerál Nasoins Unidas (ONU) iha Nova Iorke, hodi organiza votu ba ezbosu rezolusaun kona-bá situasaun iha Mianmar.

Iha reuniaun no negosiasaun ne’e realiza tanba nasaun sira iha Uniaun Europeia (UE), ASEAN no nasaun sira seluk aprezenta ezbosu rezolusaun atu halo votasaun.

Iha votasaun ba testu ezbosu rezolusaun iha nasaun hamutuk 119 mak vota afavor, nasaun ida (Belarus) vota kontra no nasaun 35 hamutuk ho Timor-Leste (36) vota abstensaun. (*)

Published in Politika

Tempotimor (Dili)-Xefe Bankada Kmanek Haburas Unidade Nasionál Timor Oan (KHUNTO), Olinda Guteres, ejize ba Sekretáriu Estadu Teras Propriedade (SETP) no Prokuradór Jerál Repúblika (PJR) atu loke matan ba disputa rai ne'ebé sai problema ba komunidade iha Suku Hera, Postu Administrativu Cristo Rei, Munisípiu Dili.

“Sekretariu Teras Propriedade, karreta hun-ha iha kotuk, mais to'o agora seidauk halo buat ida. Povu agora iha Hera ne'eba hán malu mate, kona-ba rai ne'ebe, balun okupa rai estadu nian, balun hadau malu nia avo ninian, balun dehan ida ne'e tiun ninian, eransa buat hotu iha ne'eba”, dehan nia iha plenária Parlamentu Nasionál (PN), tersa (22/06).

KHUNTO mós fó ona orientasaun ba pesoál balun hodi halo keixa ba Prokuradór Jerál Repúblika (PJR) kona-ba komunidade balun ne'ebé faan rai estadu ninian.

Tanba iha komunidade balun laiha konsiénsia hodi fa'an rai estadu nian ne'ebé baliza ho deputadu ninia rezidénsia.

"Nia fa’an rai estadu ninian, ha’u haruka ona ema hatama karta ba Prokuradór Jerál maibé tau di'ak tiha fali”, afirma nia.

Loloos, estadu tenke agradese, ba povu ki’ik ida, ai-leba ida hatama keixa kontra sidadaun ne'ebé fa'an ilegalmente rai estadu nia

"Ba mak hanesan ne'e, ha’u hanoin la dun loos ona, hela besik tinan ida ho balun tenke halo netik buat ruma, teras propriedade so foti de'it naran dehan teras propriedade, Ministru Justisa foti de'it Ministru Justisa, seidauk halo buat ida, dexpaisu señor Primeiru Ministru nian tun mai, sira tau tiha gaveta la intrese”, deklara Olinda. (*)

Published in Politika
Tuesday, 22 June 2021 16:19

MAPKomS Hahú Auditóriu ba Servisu RTTL

Tempotimor (Dili)-Ministériu Asuntu Parlamentár no Komunikasaun Sosiál (MAPKomS) liuhusi Gabinete inspensaun no Auditória, iha loron segunda (21/06), hahú realiza atividade auditóriu ba servisu Rádiu Televizaun Timor-Leste, empreza públika (RTTL.ep).

Published in Politika

Tempotimor (Dili)-Polísia Nasionál Timor-Leste (PNTL) liuhusi komandu Munisípiu Dili, aviza motorista transporte públiku sira atu renova dokumentu ne'ebé lakon ho mate iha Diresaun Nasionál Transporte Terrestre (DNTT) hafoin bele sirkula.

Published in Seguransa Defesa

Tempotimor (Dili)-Ministériu Negósiu Estranjeiru no Kooperasaun (MNEK), Adalzija Magno hatete, Governu liuhusi MNEK deseja reafirma hodi proteje no promove direitu umanu no fasilita interrese povu Mianmar.

Published in Politika

Tempotimor (Dili)-Ministru Edukasaun Juventude Desportu (MEJD), Armindo Maia hatete, Ministériu Edukasaun sei reativa aula prezinsial ba estudante sira iha fulan-jullu tinan 2021, tanba sei hein persentajen profesór sira simu vasina.

“Ita mós haree eskola sira ne'ebé persentajen profesór sira vasina barak ona entaun ita sei reativa, no horseik (21/06) foin reuniaun sei halo preparasaun, no ita espera iha meiados de Jullu eskola sira ne'ebé iha kondisaun bele reativa”, dehan Armindo Maia, iha Sentru Konvensaun Dili, tersa (22/06).

Maske nune’e eskola hothotu ne'e la'ós atu reativa, maibé ida-ida ba ba sira ne'ebé iha kondisaun ona atu bele reativa.

Tanba ne’e, husu ba estudante sira ho idade 18 ba leten, profesór nomós funsionáriu sira, inklui inan aman sira atu tuir vasina nune'e bele reativa filafali eskola ne'ebé taka tanba Covid-19.

"Hakarak apela ba mestre sira funsionáriu, alin oan estudante sira ne'ebé tinan 18 ba leten atu hothotu ba tuir vasina inklui mós inan aman atu nune'e ita bele loke filafali eskola sira ne'ebé durante ne'e ita taka tanba Covid-19, se ita hothotu ba tuir vasina mak ita sei loke ita-nia eskola lalais liu”, afirma nia.

Maibé sei esforsu hotu atubele fó kondisaun, nune'e eskola hothotu bele loke filafali, maibé husu nafatin ba hothotu atubele tuir vasina nune'e bele reativa lalais eskola.

Ba sira ne'ebé lakohi tuir vasina Ministériu sei foti medida tanba sirkular husi MEJD fó sai katak profesór no funsionáriu sira obrigatóriu.

"Sirkular sai tiha ona husi MEJD katak ba funsionáriu profesór sira ne'e obrigatóriu tenke tuir vasinasaun, maibé ba sira ne'ebé seidauk depois lai ba, maibé Ministériu sei foti medidas”, dehan nia. (*)

Published in Edukasaun & Kultura

Tempotimor (Dili)-Bankada apoiu governu nian iha Parlamentu Nasionál (PN) kontra pozisaun Timor-Leste hodi fó votu abstensaun ba kazu violasaun diretu umanu ne'ebé akontese iha nasaun Mianmar.

Published in Politika

Tempotimor (Dili)-Espoza Prezidente Repúblika Francisco Guterres 'Lú Olo', Cidalia Nobre Mauzinho Guterres, agradese tebes ba Cruz Vermelha de Timor-Leste (CVTL) ne’ebé apoiu komunidade ho lalais wainhira mosu dezastre naturál.

Published in Ekonomia
Page 2 of 3
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter