Items filtered by date: Thursday, 13 May 2021

Tempotimor (Dili)-Eis Primeiru Ministru (PM) no atuál Sekretáriu Jerál Partidu FRETILIN, Marí Alkatiri hatete, Sentru Intergradu Jestaun Krize (SIJK) tenke koordena forsa seguransa no defeza atu aplika serka apertadu iha  Munisípiu Dili liuliu suku no Bairru sira.

Tempotimor (Dili)-Sentru Integradu Jestaun Krize (SIJK) rejistu tan kazu pozitivu Covid-19 durante oras 24 nia laran, kinta (13/05) hamutuk na'in-253.

Tempotimor (Dili)-Família Matebian Juga Gama, Abitu Gama informa, família koopera ona ho autoridade hodi kumpri nafatin regra Organizasaun Mundiál Saúde (OMS) no Ministériu Saúde (MS) hodi ba halot iha Semitériu públiku Bekussi, iha loron sesta (14/05).

Tempotimor (Dili)-Pasiénte Covid-19 hamutuk na’in-3 hakotu iis iha Izolamentu, iha loron 13 fulan-maiu tinan 2021.

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, Matebia na’in-3, iha na’in-2 halothane iis iha uma no ida iha sala Izolamentu Vera Cruz.

“Ohin (13/05) iha kazu obitu na'in-3, ida iha fatin izolamentu ba kazu moderadu ho grave iha vera cruz, na'in-2 seluk izolamentu iha uma”, dehan nia liuhusi komunikandu imprensa, kinta (13/05).

Matebian na'in-2 ne'e, ida iha Likisá, ida iha Kaikoli Dili, detetadu pozitivu iha loron hirak liu bá, maibé rekuza atu baixa iha Vera Cruz, no obriga-an hela de'it ka fila ba uma, no hakotu ona is.

"Ohin ekipa saúde konjunta simu informasaun katak, ida iha Likisa iis-kotu iha uma, ida iha Kaicoli, Dili, iis-kotu, iha dalan ba HNGV", dehan nia.

Aliende ne’e, matebian ida hakotu iis iha sala izolamentu Vera Cruz maizumenus tuku 16:00 otl. (*)

Tempotimor (Dili)-Antigu artista timoroan neebé koñesidu ho naran Juga Gama, iha loron kinta (13/05/2021), maizumenus tuku16:00, otl, hakotu ona iis iha izolamentu Vera Cruz, Kaikoli-Dili.

Tempotimor (Dili)-Komunidade Suku Lahane Osidentál, Postu Administrativu Vera Cruz, Munisípiu Dili, to'o agora seidauk simu apoiu umanitáriu husi governu.

Ho Implementasaun serka sanitáriu no dezastre naturál ne'ebé akontese iha loron 4 fulan-Abríl tinan 2021, halo komunidade iha Lahane Osidentál barak mak halerik ba hahán.

Apoiu ba vítima hirak ne'e foin mak oferese de'it husi organizasaun Noun Govermentál (ONG), igreja, partidu balun no Plan Internasionál, maibé prátikamente apoiu direta husi governu seidauk.

Reprezentante Xefe Suku Lahane Osidentál no Atuál Xefe aldeia Bela-Vista Romano Pereira informa, apoiu ne'ebé parte sira fó ne'e atubele tulun vítima sira tuir sira-nia kbi'it.

"Apoiu ba Vítima hirak ne'e foin hetan husi parte NGO-Jica, mak konsege fó tulun aihán, no iha parte igreja mós konsege fó, no Plan Internasionál inklui organizasaun seluk. Maibé Atu fó diretamente hodi temi dehan ne'e parte governu nian, até agora seidauk”, dehan nia iha Sede Suku Lahane Osidentál, kinta (13/05).

Maibé, apoiu umanitáriu ne'ebé ONG, Plan Internasionál, JICA, igreja, lider Partidu sira fó ba vítima sira ne'e ho jeralmente de'it, tuir kbi'it ne'ebé sira iha.

Apoi ne’e, la signifika katak fó enjerál ba komunidade sira maibé haree ba sira ne'ebé mak afeta teb-tebes.

Maske, iha situasaun ne'e, parte líder partidu politiku balun mós fó apoiu, nu’udar autoridade lakohi atu fó sai partidu ne'e nia naran.

Vítima sira ne'ebé afetadu inundasun iha Suku Osidentál hamutuk uma-kain 30-resin ne'ebé mak submete ona ba Sekretariu Estadu Protesaun Sivil (SEPS).

Enkuantu totál populasaun iha suku Lahane Osidentál hamutuk 1.436 ne'ebé kompostu husi aldeia 11. (*)

Tempotimor (Dili)-Grupu Liga Juventude Estudantil Patriótika (L-JEP) konsidera Estadu Timor-Leste (TL) tama ona iha Krize boot.

Tempotimor (DILI)-Komunidade sira iha suku Bekora, Postu Administrativu Cristo Rei, Munisípiu Dil kontra hela regra ba prevensaun Covid-19, tanba laiha distánsia sosial bainhiara simu sesta Bázika.

Tempotimor (Dili)-Komunidade sira iha aldeia Makabu’u, Suku Nahareka, Postu Administrativu Ossu, Munisípiu Vikeke hulan pasiénte ida ho distánsia kuaze kilometru 10 ba tratamentu saúde iha Sentru saúde Vikeke.

Tempotimor (Dili)-Organizasaun arte marsial husi Persaudaraan Setia Hati Terate (PSHT) lori apoiu nesesidade bázika ba vítima sira ne'ebé afetadu husi Dezastre Naturál (DN) iha Postu administrativu Laklo, Munisípiu Manatutu.