Items filtered by date: Monday, 12 October 2020

Tempotimor (Dili)- Iha tempu badak, Polísia Nasionál Timor-leste (PNTL) sei destroi kanu-resin motor nian, ne'ebé antes ne'e prende no tau hamutuk iha Kuartel PNTL.

Published in Politika
Monday, 12 October 2020 17:00

Fila Husi Festa, Na'in 3 Mate

Tempotimor (Lautem)-Asidente trafegu ida ne'ebé akontese iha suku Lore munisípiu Lautem nian, rezulta na'in tolu mate fatin, tanba kondutór la kontrola kareta bainhira fila husi festa iha tempu kalan.

Tuir komandante PNTL Munisípiu Lautem, Superentendente Polísia António Rego Fernandes, kareta baskolante ne'e baku fila kuandu sidadaun sira ne'e fila husi festa ida iha Lore.

"Horikalan iha tuku 20:48 rona informasaun katak, kareta baskolante ida baku fila iha parte Lore segundu ninian, entaun asidente ne'e rezulta ema na'in tolu mate fatin, na'in tolu kanek todan no na'in ualu kanek kaman," dehan Komandante PNTL Munisípiu Lautem, Superentendente Polísia António Rego Fernandes, ba jornalista sira via telefone, Segunda (12/10).

Nia esplika, "fou-foun kondutór ho nia familia fila husi Lore parte sira-nia knua atu ba diresaun Tutuala nian, liuhusi tasi ibun, ba komemora ninia oan ida nia aniversáriu iha ne'ebá, entaun depois de aniversáriu mak sira fila husi Tutuala, mak mai hetan asidente iha dalan parte Lore segundu nian."

Entretantu, sira ne'ebé kanek, transporta ona ba Ospitál Referál Baukau, maibé kondutór ne'ebé nu'udar suspeitu iha hela prosesu investigasaun parte trafegu ninian.

"Matebian sira ne'e feto ida, mane rua, agora ida feto ne'e tama ona idade adultu tanba iha ona tinan 60, na'in rua seluk ne'e sei foinsa'e ka estudante, entaun entrega ona ba familia hodi halo serimónia funebre tuir kultura ne'ebá nian," nia dehan.

Kareta ne'ebé hetan asindente ne'e, ho numeru xapa matrikula A-51887, kareta ne'e sei iha fatin asidente, tanba monu sai husi dalan kuaze metru 20.

Entretantu iha fulan Outubru nia laran, PNTL Munisípiu Lautem rejista kazu asidente trafegu hamutuk 4, ne'ebé rezulta ema na'in haat mak mate. Kona-ba seguransa iha Munisípiu Lautem la'o di'ak, maibé tanba kondisaun estrada iha Lautem mak ladi'ak, entaun mosu asidente sira ne'e.(*)

Published in Lautem

Tempotimor (Dili)- Sidadaun sira ne'ebé utiliza transporte Kareta no Motor iha dalan públiku, kundu laiha karta kondusaun no dokumentus ne'e krime.

Published in Seguransa Defesa
Page 1 of 3

.