Tempo Timor

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

 

 JAKARTA – International Finance Corporation (IFC), hanesan organizasaun feton husi Banko Mundial, no membru husi Grupo Banko Mundial nian, ohin fo anunsiu kona ba planu atu servisu hamutuk ho Kaebauk Investimentu no Finansas (KIF), hanesan Institusaun finanseira laos-banko (non-bank) dahuluk iha Timor-Leste, hodi hahu ka sai hanesa pioneira ba servisu mobile banking iha Timor-Leste, ho objetivo atu kobre Timor oan nain 50,000 resin.

Porsentu 70 resin husi populasaun Timor-Leste hela iha area rurais, ne’ebe barak seidauk hetan asesu ba servisu finanseira baziku hanesan rai osan (saving), haruka, ou foti osan. IFC hanesan institusaun ida nee’be pioneira oportunidade ba servisu mobile banking iha merkadu emergentes iha mundu, agora dau-daun servisu hamutuk ho KIF atu hadi’ak asesu finanseira ba Timor oan sira ne’ebe laiha iha konta bankaria, atu nune’e bele ajuda aselera dezenvolvementu iha nasaun ida ne’e, iha Sudeste Asiatico.

Servisu hamutuk ida ne’e bele fo posibilidade ba KIF atu lansa operasaun ba servisu mobile nian no mos operasaun ba area ne’ebe laiha filialbanko nian iha ne’eba (branchless). KIF mos bele lansa konhesimentu ba “Kaebauk Osan”. “Kaebauk Osan” hanesan produto bankaria rai osan nian (saving) ho intensaun atu fornese servisu finanseira ba populasaun mukit sira iha area rurais no urbanas. Produto bankária ida ne’e sei fo atensaun liu ba feto sira no mos ba agroindustria Timor-Leste nian ne’ebe komesa desenvolve liu husi oportunidade finanseiru ba to’os nain 10,000 iha areal rurais.

Azam Khan, IFC nia Country Manager ba Indonesia, Malaysia no Timor-Leste hateten katak, “Liu husi apoi ba desenvolvementu servisu mobile banking no produtu agroindustria ne’ebe maka favorabel ba feto sira (women-friendly agribusiness), Timor-Leste bele hadi’ak nia diversifikasaun economia.” Azam mos hatutan tan katak, “Timor-Leste nia populasaun barak liu mak sei joven, porsentu 50 resin husi populasaun Timor-Leste nian ho idade 20 mai kra’ik – sira barak maka sei tama ba merkado servisu nian iha tinan hirak tuir mai. Projeitu ida ne’e oferese dalan ba Timor oan sira atu jere osan ho diak no bele sai mos hanesan odamatan ba servisu finanseiru seluk, ne’ebe ikus mai bele ajuda dezenvolve crescimentu economia iha rai ida ne’e.”

Populasaun besik porsentu 65 maka envolve iha agrikultura, no agrikultura sai hanesan fonte ida ne’ebe iha area rurais.

Angelo Soares, CEO KIF hateten katak, “KIF iha compromisso atu aselera inclusaun finanseira (financial inclusion) iha area remotas iha teritorio tomak hodi promove servisu lor-loron nian.” Sr. Angelo mos hatutan katak, “ami hatene populasaun iha area rurais hakarak hetan assesu ba produtu bankária rai osan nian no sira mos hakarak hetan asesu ho fasil ba servisu finanseiroc iha sira nia area.”

KIF lansa iha tinan 2001 atu fornese produtu finanseiro ba populasaun mukit sira iha area rurais no urbana, hodi nune bele hadi’ak sira nia kualidade moris no mos hodi haforsa feto sira. KIF hala’o operasaun iha filial (branches) besik 20 iha teritorio Timor-Leste tomak Numeru cliente creditu KIF nian hamutuk 12,462 ho portfolio ba creditu ida ne’ebe boot, hamutuk tokon15 dolar amerikano.

IFC-hanesan organizasaun feton husi Banko Mundial no membru husi Grupo Banko Mundial nian–sai hanesan instituisaun dezenvolvimentu global ida ne’ebe boot liu, ne’ebe konsentra iha setor privado iha merkado emergentes sira. Ami servisu hamutuk ho empresa 2,000 resin iha mundu tomak. Ami utiliza ami nia capital, peritu, no ami nia influensia hodi kria merkado no oportunidade iha area sira ne’ebe difisil iha mundu. Iha Tinan Fiskal (TF) 2017, ami envia finansiamentu ba tempo naruk ida ne’ebe historiku ho montante osan billiaun 19.3 dolar amerikano ba nasaun dezenvolvimento sira., Ami utiliza poder setor privado nian hodi aselera prosesu hamenus pobreza/mukit no fahe prosperidade. Ba informasaun kle’an liu tan, visita www.ifc.org. 

 

KIF hahu nia servisu hanesan institusaun microfinancas konhesidu ho naran Tuba Rai Metin (TRM) iha tinan 2002, iha tempo restorasaun independensia. Iha tinan 2006-2007, iha tempo konfliktu civil nian, TRM konsege ultrapasa situasaun susar iha tempo difisil ida ne’e. Iha tinan 2016, TRM hetan lisensa ba ODTI dahuluk no tranforma ba KIF. Prosesu transformasaun KIF nian ne’e, hetan suporta husi IFC no UNCDF. Iha fulan Dezembru tinan 2017, KIF iha ona filial (branches) 20 iha teritorio Timor-Leste tomak ho funsionario hamutuk ema 277 no cliente hamutuk ema 12,462 (78% feto no 84% iha area rurais); ho capital tokon 3.5 dolar Amerikanu, portfolio creditu hamutuk tokon 15 dolar Amerikanu. KIF iha ona compromisso atu uamenta nia pontu/area/fatin asesu to’o 200 resin no atu serve cliente to’o 50,000 resin iha tinan 2020, liu husi operasaun bankária ne’ebe la liu husi filial KIF nian (ou konhesidu mos ho termus servisu mobile mobile banking). (pr)  



Comment

Eis Xefe Gabinete vise Ministru Transporte no Komunikasaun atual Vogal 2 APORTIL, Vitor Maia nia Kareta Estadu marka Rava Toyota koor Silver ho numeru matrikula 05.000 G TL oras ne'e para hela iha ofisina ida iha Dili laran. Foto Supplied. 

DILI – Kareta Estadu ida ho Númeru matriku 05.000 G hetan soke iha aldeia Taubauk, Suku Fatuborok, postu administrative Maubara, munisipiu Likisa iha fulan Agostu tinan 2016, oras ne’e abandonadu hela iha ofisina ida iha Dili laran, maibé bazeia ba desijaun Tribunal nian katak Tribunal desidi ona Vitor Maia hodi sosa kareta foun de'it. 

Bazeia ba informasaun balun ne’ebé Tempo Timor asesu katak, kareta ne’e uluk eis xefe gabinete Vise Ministru Transporte no Komunikasaun, Vitor Maia mak utiliza, hodi ikus mai hetan dezastre asidente trafiku iha loron Sabadu ida iha tinan 2016. 

Vitor Maia oras ne’e sai nu’udar Master of Ceremony (MC) ba atividade kampaña partidu FRETILIN nian iha rai laran. No desde kampaña abertura partidu FRETILIN iha Manatuto foin lalais, Vitor ko’alia maka’as tebes kona – bá governasaun tinan 10 ne’ebé koruptu.

“Maibé nia rasik kuaje tinan tolu ona to’o oras ne’e seidauk bele hadia kareta Estadu ne’ebé nia estraga iha Agostu tinan 2016,” hatete funsionáriu MOPTK ida.  

Entretantu, antes ne’e komandante Polisia Tranzitu munisipiu Likisa, Asistente Inspetor Trindade M. da Silva hatete, kona – ba kazu asitdente trafiku ne’ebe akontese iha Aldeia Taubauk, Suku Fatuborok, postu administrativu Maubara munisipiu Liquica iha loron Sabadu ida iha fulan Agostu 2016 iha horas tuku 7 kalan.

Eis Xefe Gabinete vise Ministru Transporte no Komunikasaun atual Vogal 2 APORTIL, Vitor Maia nia Kareta Estadu marka Rava Toyota koor Silver ho numeru matrikula 05.000 G TL oras ne'e para hela iha ofisina ida iha Dili laran. Foto Supplied. 

Komandante Trindade esplika kronolojia akontesementu ne’e katak, kareta mikrolet nian husi diresaun Liquica ba Loes no kareta Estadu nian husi direisaun Maliana nian ba Liquica. Bainhira mai to’o iha Aldeia Taubauk, Suku Fatuborok mak akontese asidente ne’e hodi rezulta ema nain rua (2) iha Mikrolet laran kanek todan no kareta mikrolet nia roda parte liman loos nian sai kleuk tiha no tohar. Kareta Estadu nian ho numeru matrikula 05.000 G mak roda oin husi parte liman loos nian mak estragus hodi la’o di’ak no kareta nia oin mos rahun. Nia prosesu ne’e, iha tempu ne’eba entre parte husi kareta Estadu no mikrolet ba hotu iha edifisiu polisia tranzitu Liquica kareta ida ne’ebe lori kareta Estadu ne’e mak sei hadia mirkoleta ne’e.

 “Maibe kareta mikroleta ne’e hadia tiha ona iha bengkel (ofisina), nain foti tiha ona, nain mak selu rasik no kareta Estadu to’o ohin loron nunka atu mai foti. Iha Novembru nia laran mak lojistika MOPTK nian foin mak mai hare kareta Estadu ne’e no promete katak sei mai foti kareta Estadu ne’e iha tempu badak,” Komandante Polisia Tranzitu munisipiu Likisa, Asistente Inspetor Trindade M. da Silva hatete.

 

Eis Xefe Gabinete vise Ministru Transporte no Komunikasaun atual Vogal 2 APORTIL, Vitor Maia nia Kareta Estadu marka Rava Toyota koor Silver ho numeru matrikula 05.000 G TL oras ne'e para hela iha ofisina ida iha Dili laran. Foto Supplied. 

“Hare ba kronolojia ne’ebe ami foti iha fatin akontesementu hatudu katak kareta Estadu ne’e mak sala, tanba okupa tiha kareta mikroleta nia dalan. Ami mos simu informasaun katak diretor Vitor Maia ba Maliana mos nia superior lahatene ida. Akordu kona – ba atu hadia kareta ne’e ami iha nomos kronolojia ba fatin akontesementu ne’e mos ami iha,” esplika komandante Trindade.

Nune’e mos Diretor Nasional Lojistika MOPTK, Januario Alves de Sousa Ribeiro antes ne’e katak, parte lojistika MOPTK nian ba identifika kareta ne’e iha polisia tranzitu Likisa iha Novembru nia laran, maibé prosesu atu halo manutensaun ne’e la’os MOPTK, maibé Autoriedade Portuariu Timor – Leste (APORTIL) mak tenke hadia, tanba kareta ne’e maske rejistadu nu’udar patrimoniu MOPTK nian, maibe entrega ba APORTIL mak uja hafoin APORTIL ne’e nakfilak a’an ba instituisaun autonoma ida iha fulan hirak ba kotuk. 

“Kareta ne’e ami entrega tiha ona ba vogal 2 senhor Vitor Maia iha APORTIL nian. Parese polisia halo ona prosesu investigasaun. Ami koordena ona ho APORTIL mak atu ba dada kareta ne’e, maibé sira dehan osan seidauk iha hodi halo manutensaun ba kareta ne’e,” hatete diretor Januario.

Kareta ne'e uluk para iha edifisiu polisia munisipiu Likisa. 

“Ami ba identifika de’it. Kareta Rava koor Silver ne’e rejistadu iha patrominiu vise ministru nian. Ami entrega ba sira, kuandu a’at ruma sira (APORTIL) mak tenke responsabiliza. Atu hadia ka ladia ne’e APORTIL nia responsabilidade, tanba kareta ne’e entrega tiha ona ba sira ofisialmente,” nia hatete.

“Tuir informasaun ne’ebe ami hetan katak, iha tempu ne’eba nia la’os hala’o serbisu Estadu nian mak hetan soke, maibe hala’o atividade privadu mak hodi hetan dezastre ne’e. Ami simu informasaun katak nia ba iha Likisa iha Sabadu ida iha fulan Agostu liuba”. 

Entretantu, antes ne’e Vitor Maia esplika katak kareta mikrolet mak soke nia, no iha tempu ne’eba nia hala’o hela serbisu Estadu nian iha portu Mahatam, Oe – Kusi Ambeno, maibé nia maluk ida ne’ebé sira nain rua hamutuk iha kareta laran konfesa katak iha tempu ne’eba sir aba partisipa festa familia ida iha Bobonaro (Maliana). 

Maibé, tuir informasaun ikus ne'ebé Tempo Timor asesu katak Tibunal desidi ona Vitor Maia hodi selu kotu de'it kareta ne'e. (Oki)  

Comment

  

DILI – Diretora ezekutivu Konsellu Imprensa (KI), Ana "Shandy" Sequeira hatete, governu atual halo diskriminasaun ba jornalista sira ne’ebé hala’o serbisu iha media públiku no privadu sira, tanba realidade hatudu katak, governu permite de’it jornalista sira iha media públiku mak iha direitu atu vota iha fatin ne’ebé de’it, maibé jornalista sira hosi media privadu sira tenke ba vota tuir jeografia resensiamentu eleitoral.

Nia hatutan, iha fatin barak politika nain sira, liliu governante sira sempre deklara katak, papel media ne'e importante tebes, maibé iha prátika governu la fó atensaun.

“Tanba realidade hatudu katak governu fó prioriedade liubá jornalista balun hodi livre vota iha fatin ne’ebé de'it, maibé jornalista balun la’e,” nia hato’o preokupasaun ne’e iha semináriu nasionál ho tempa Papel Media Iha Prosesu Eleisaun Timor – Leste ne’ebé organiza hosi Timor – Leste Press Union (TLPU) iha Sentru Kultural Indonézia, Merkadu Lama, Dili, Segunda (09/04).

Hatan kona – bá kestaun ne’e, Sekretadu Estadu Konsellu Ministrus no Komunikasaun Sosial, Matias Boavida katak, nia simu duni karta ida hosi Konsellu Imprensa atu oinsá bele trata assuntu ne’e, no primeiru – ministru mós hatun kedas despaisu ida ba ministériu administrasaun estatal hodi ko’alia ho Komisaun Nasionál ba Eeleisaun (KNE) no Sekretariadu Tekniku Administrasaun Eleitoral (STAE) ba assuntu ne’e rasik.

“Maibé, governu labele halo buat ida, tanba ho impasse politika ne’ebé iha,” justifika Boavida.

Iha fatin hanesan, Inspetor Jeral KNE, Olavio da Costa hatete, antes ne’e KNE iha kompetensia atu halo regulamentu sira kona – ba eleisaun nian, maibé oras ne’e governu mak responsabiliza hotu.

“Eleisaun uluk liuba KNE iha kompetensia, maibé foin lalais iha tinan 2017, governu foti tiha. Governu mak halo hotu ona,” esplika Olavio.

“Ami nia kompetensia ba ida ne’e la iha tiha ona. KNE nunka involve iha prosesu regulamentu sira, ami la’ós atu fase liman, maibé ida ne’e mak realidade,” nia justifika.

Entretantu, reprezentante STAE hatete katak, lei regula de’it funsionariu públiku sira ne’ebeé hala’o serbisu iha loron eleisaun hodi livre vota iha fatin ne’ebé de’it.

“Tanba lei asesgura de’it funsionariu publiku”.   

Comment

.