Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
Tempotimor (Dili)-Prezidente Repúblika (PR), José Ramos Horta ho ekipa Delegasaun ne'ebé mak ba hala'o vizita estadu durante semana-ida ba Repúblika Indonézia, iha loron segunda (25/07) ohin, to'o hikas ona iha Timor-Leste.
Tempotimor (Dili)-Atividade Operasionál ne'ebé ekipa inspetór Autoridade Inspesaun no Fiskalizasaun ba Atividade Ekonómika, Sanitária no Alimentar, I.P (AIFAESA, I.P) hala'o kada loron ba estabelesimentu Komersiál ne'ebé hala'o atividade negósiu iha Kapitál Díli.
Tempotimor (Dili)-Xefe Investigadór Polísia Sientífiku Investigasaun Kriminál (PSIK), Octavio da Costa Araújo hatete, iha loron seguunda (25/07) ohin dader, konsege kaptura sidadaun Timoroan ida ho inisiál MG ne’ebé deskonfia lori osan falsu ho montante rihun-$62 mai iha Timor-Leste (TL).
“Osan ho tahan $100.00 ne’ebé mak Suspeitu lori hamutuk tahan 62 no dadaun ne’e ita identifika ona tahan 17, no restu kolega sira espesialista ba dokumentu ka moedas falsu sira mak sei kontinua halo ezaminasaun ba osan restu ne’ebé mak iha Suspeitu nia liman”, dehan nia liuhisi Konferensia Imprensa iha PSIK, Kaikoli, segunda (25/07).
PSIK ne’ebé kaptura sidadaun Timoroan ne’e iha Banku Sentrál Timor-Leste oras tuku 9:300 otl.
“Atu informa ba ita-boot sira no ba públiku katak, ohin (25/07) purvolta 9:30 dadersan ita-nia ekipa servisu pikete prevensaun PSIK nian halo detensaun enfragrante delitu ba ita-nia sidadaun ida ho inisiál MG iha área Banku Sentrál, katak Suspeitu refere foin fila husi Inglaterra iha loron 21 fulan ida ne’e, suspeitu refere ita halo detensaun enfragrante delitu ba nia tanba suspeitu refere halo pasajen ba osan falsu ho valór osan $100.00”, dehan nia.
Antes PSIK identifika Suspeitu MG utiliza ona osan sira ne’e hodi hola nia motorizada.
“Hanesan medida preventiva hafoin ita halo identifikasaun ba Suspeitu ita identifika fatin balun ne’ebé mak Suspeitu halo ona sirkulasaun uza osan iha fatin refere, ita konsege ba ona iha parte balun ne’ebé Suspeitu ba loja balun ne’ebé mak ba maibé osan refere nia paradeiru agora iha Banku”, dehan nia.
Suspeitu MG dadaun ne’e PSIK detein durante oras 72 hafoin prosesa tuir lei justisa nian iha Timor-Leste. (*)
Tempotimor (Baukau)-Ministru Justisa (MJ), Tiago Amaral Sarmento fó orientasaun ba Diretór sira husi Diresaun Nasionál Terras Propriedade (DNTP) iha teritóriu nasionál atu regulariza arendamentu uma no rai estadu hodi hatama reseita ba kofre estadu.
Tempotimor (Dili)-Primeiru Ministru (PM), Taur Matan Ruak hamutuk ho Ministra Saúde, Odete Freitas Belo no Vise-Ministra Solidariedade Sosiál no Inkluzaun, Signi Verdial, inklui Parseirus Dezenvolvimentu sira ofisialmente lansa ona pagamentu ba programa Bolsa da Mãe-Jerasaun Foun (BDM-JF) iha Loron Nasionál Saúde ba dala VIII ne’ebé realiza iha Munisípiu Ainaro, iha sesta (22/07).
Tempitimor (Dili)-Primeira Vise Diretora Yayasan Hak, Filomena Barros, ejize Governu liuhusi Ministériu Turizmu no Komérsiu Industria (MTKI) atu selu tais hamutuk atustolu-resin (300-resin) ne'ebé Autoridade Nasionál ba Expo Dubai Timor-Leste (ANED-TL) rekolla husi komunidade, la konsege lori ba promove iha Expo-Dubai 2020.
Tempotimor (Dili)-Portavoz FALINTIL-Forsa Defeza Timor-Leste (F-FDTL), Kapitaun Enjeñaria José António Nunes da Costa hatete, atu komemora loron FALINTIL ba dala haatnulu-resin (47) ne'e membru no estrutura militár sei halo doasaun raan iha Hospital Nasionál Guidu Valadares (HNGV).
Tempotimor (Díli)-Sekretáriu Estadu Kooperativa (SEKOOP), Elizário Ferreira, asina termu kontratu ho kompaña tolu ne’ebé manán na’in ba re-tenderizasaun Fornesimentu Produtu Cesta Bázika-SECOOP ba tinan 2022 nian.
Tempotimor (Oekussi)-Prezidente Autoridade Rejiaun Administrativa Espesiál Oé-Cusse Ambeno (RAEOA), Arsénio Paixão Bano, deside apoiu orsamentu hodi hala'o konstrusaun edifísiu foun ba Unidade Polísia Fronteira (UPF) iha área Fatubesin, Postu Administrativu Oesilo, tanba durante ne'e laiha edifisiu propriu ruma ba UPF.
Tempotimor (Dili)-Autoridade Nasionál Agua no Saneamentu Institutu Públiku (ANAS-IP) update rezultadu peskiza fatin risku sira ba Ministru Obras Públikas (MOP), Abel Pires da Silva.
.