Tempotimor (Dili): Primeiru Ministru (PM) Taur Matan Ruak, simu ona karta husi Mari Alkatiri nu'udar Prezidente Autoridade RAEOA-ZEESM Timor-Leste. Karta ne'e, kona-ba mandatu Prezidente RAEOA-ZEESM ne'ebé sei remata iha 31 fulan ida ne'e. 

Tempotimor (Dili) – Xefe negosiador ba Fronteira Maritima, Kay Rala Xanana Gusmão lansa kontra atake hasoru propaganda Sekretariu Jeral partidu FRETILIN, Mari Alkatiri nia públikasaun iha plata forma media sosial (Facebook) ne’ebé konsidera diskusaun ba alterasaun pakote lejislasaun lubuk ida iha Parlamentu Nasionál nu’udar teatru boot ida.

Públikasaun ID Facebook Mari Alkatiri iha loron Tersa (16/07) katak nia sente triste tebes no konsidera esplikasaun Kay Rala Xanana Gusmão iha Parlamenu Nasionál nu’udar teatru ida.

“Ha’u tristi hare “teatro” ohin iha PN. Irmão XG, favor ida! Iha politika, demokrasia tenki loke dalan ba interaksaun. Abraço,” hakerek Mari Alkatiri iha nia Facebook, Tersa (16/07).

Status Alkatiri nian ne’e hetan komentariu 13, ema nain 37 mak share (fahe tutan), nain 12 Like Super, nain 8 hamnasa hahaek, nain 5 hakfodak, nain 5 triste no nain 176 mak like baibain.

“Lakohi diálogo? Hau fiar hau nia irmão XG la iha buat ida atu subar. Tanba ne' e hau la kompreende bainhira hase'es an husi interaksaun, husi diálogo onesto no nakloke,” afirma Alkatiri.

“Tempo Funu fo ezemplu diak. Simu Koronel Purwantu halo "kontaktu dame". Tanba sa agora taka dalan ba diálogo? Tristi tebes”.

Entretantu, diskusaun ba alterasaun lei ba assuntu tratadu tasi Timor tama ba loron daruak, Kuarta (17/07) iha tempo meudia nian, deputadu FRETILIN, Antonino Bianco hatete lider sira hamutuk iha prosesu halo akordu tasi Timor entre Timor – Leste ho Australia iha governu konstitusional dahuluk, maibé nia kestiona no husu katak akordu foun ba tratadu tasi Timor ne’e lahatene lider sira iha hotu laran ka la’e.

“Na’i ulun sira, lider istoriku uluk sira, ida uluk ne’e hotu – hotu rame – rame. Balun asina, balun hamrik iha kotuk. Agora halo oinsá? Ne’e mak ita tenke husu ba malu hodi ko’alia hatan ba malu ba interese ema hotu nian,” deklara deputadu Bianco iha Parlamentu Nasionál, Dili Kuarta (17/07).

Deputadu Bianco seidauk remata nia deklarasaun, hetan kedas atake kontra (counter attack) husi Xefe negosiador ba Fronteira Maritima, Kay Rala Xanana Gusmão katak nia sempre husu bebeik atu halo dialogu, maibé parte FRETILIN mak la hatudu politika laran di’ak nia.

“Dalaruma ita boot ezije atu lider sira tur hamutuk. Ha’u bolu ita boot sira, konvida ita boot sira atu ba CCD (Centro Convenção Dili) dehan katak ha’u halo pre-kampaña eleitoral. Imi halo tiha, imi halo tiha opozisaun hanesan ne’e ha’u mak tenke ba rei imi nia kidung. Deskulpa!,” deklara Xanana ho hirus tebes no hakilar lian maka’as.

“Ha’u laiha Facebook. Ema hatudu dehan ne’e halo teatru boot ida, ne’e buka oin. Ha’u nonok de’it. Agora ita boot mai temi bebeik, temi bebeik katak lider sira tenke hamutuk. Agora ha’u mak tenke ba hakruk? Deskulpa!”.

tempotimor.com (Dili) -  Atitude ne'ebé oras ne'e daudaun lider antigu sira halo la hatudu lisaun diak ba jerasaun foun sira hodi aprende buat ruma.

Tempotimor (Dili) -Falta loron de’it Dr. Mari Alkatiri hit ain husi Ambeno no lakon kadeira presidente Zona Especial Ekonomia Merkadu (ZEESM). Inisiativa balun mosu husi bloku Aliansa Mudansa ba Progresu (AMP) relasiona ho pozisaun Prezidente Autoridade Rejiaun Administrativa Espesial Oecussi-Ambeno (RAEOA).

Hanesan publiku hatene, pozisaun Prezidente Autoridade RAEO ne'ebé daudauk ne'e "okupa" husi Mari Alkatiri sei remata iha fulan Juñu ne'e nia rohan.

Ho nune’e, AMP hahú hanoin atu propoin, eis Prezidente da Republika no Primeiru Ministru, Kay Rala Xanana Gusmão hodi okupa kargu Prezidente Autoridade RAEO hafoin mandatu husi Alkatiri remata.

"Ami nia preferensia maka Maun Bo'ot Xanana mak troka Alkatiri, " dehan pesoal prinsipal ida husi partidu ida iha AMP ninia laran, husu Tempotimor labele mensiona ninia naran.

Tuir fonte konfirmadu husi parte AMP ne'ebé koñese prosesu ne'e hatete, razaun AMP nomeia Xanana relasiona mós ho pozisaun Xanana ne'ebé daudauk ne'e nu'udar Reprezenta Espesial Governu Timor Leste ba Asuntu Negosiasaun Fronteira Maritima no Rai-maran.

Bainhira Xanana kaer RAEO, fonte ne'e dehan, sei fó posibilidade di'ak liu atu rezolve kestaun fronteira rai-maran iha Oekusse ho Indonezia no so eis comandante en xefe das FALINTIL ne’e maka iha kbi’it hodi hadi’a liu tan oekusse.

Relasiona ho informasaun ne'e, tempotimor.com halo konfirmasaun ba Primeiru Ministru Taur Matan Ruak.

PM Taur ho koko nega hodi dehan seidauk simu informasaun refere husi bloku AMP. Maske nune'e Taur deklara la kontra inisativa hotu-hotu ne'ebé di'ak hodi kontribui ba dezenvolvimentu Timor Leste.

“Informasaun ha'u seidauk hatene. Imi jornalista sira mak ba foti iha ne'ebé ha'u la hatene, mais inisativu hotu-hotu ne'e di'ak par ajuda dezenvolve Timor ne'e. Ha'u hanesan Primeiru Ministru, ha'u la kontra ho apoiu inisativa hotu-hotu ”, dehan PM Taur iha palásiu Prezidensiál Bairu-Pite, Segunda (10/06/2019).

Bainhira jornalista husu kona-ba karik governu iha ona figura rasik atu troka Alkatiri, PM Taur dala ida tan ho diplomatikamente hatete, governu seidauk iha figura hodi troka Alkatiri iha RAEOA.

Tuir informasaun ne'ebe Tempotimor.com obtein iha tempo badak governu sei hakotu lia iha konsello dos Ministru hodi fo sai lider preferensial hodi troka prezidente ZEESM atual.

Tempo Timor (DILI) – Political differences and rivalries between the CNRT party and the FREILIN party are still ongoing, the proof is the former war commander and liberation hero of Timor-Leste has not participated in the inauguration of the Rota do Sandalo international airport in Ousi - Kusi Ambeno last week.

Tempotimor (Dili) Aeroportu Internasional Rote do Sândalo di’ak liu kompara ho aeroportu internasional Nicolau Lobato Komoro. Prezidente Repúblika Francisco Guterres Lu Olo deklara kestaun ne’e bainhira inaugural Aeroportu Internasionál Rote do Sândalo Oekusse.

Konferensia bloku Aliansa Mudansa ba Progresu ne’ebé hala’o sein partisipasaun husi Prezidente AMP Kay Rala Xanana Gusmão hasai ona rezolusaun balun. Pontu ida iha rezolusaun ne’e mak la fó tan kargu ba Sekretariu Jeral FRETILIN Mari Alkatiri iha Oekusse.

Tempotimor (Dili) – The Central Government is still holding the budget to ZEESM so that it has not transferred / sent the fiscal 2019 budget amounting to $ 76 Million to the Especial Administrative Region of Oecuse Ambeno (RAEOA) Special Zones of Social Market Economy (ZEESM) because last year's the budget was still $ 28 million.

Tempotimor (Dili) - Prosesu konstrusaun ba Ro Haksolok atinze ona porsentu 70, signifika hela porsentu 30 deit prosesu ne'e sei remata. Maibé atu finaliza governu Timor Leste presiza tan hasai osan adisional hamutuk millaun $14 resin.

Tempotimor (Dili); Governu sei deskute no buka hela figura foun hodi truka Atual Prezidente Rejiaun Administrativa Espesial Oekusi-Ambenu (RAEOA), Mari Alkatiri.

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks