Print this page

Deskonfia Ajente F-FDTL Tiru Karau iha Bobonaro, MD: "Ha'u Hatún Ona Nota ba Jenerál Lere"

By February 17, 2021 858
Karau ne'ebe mate deskonfia vitima husi autoridade sira nia bala Karau ne'ebe mate deskonfia vitima husi autoridade sira nia bala Foto Facebook

Tempotimor (Dili) - Ministru Defeza (MD) Filomeno Paixão de Jesus, hatún ona nota ba Xefe Estadu Maiór F-FDTL kona-ba deskonfia membru forsa balun uza arma tiru komunidade nia karau iha munisípiu Bobonaro.

"Pozisaun governu muito klaru, prosesu disiplinadu, portantu kestaun ne'e, ha'u rasik hatún ona nota ba iha Xefe Estadu Maiór F-FDTL, Jenerál Lere Anan Timor," Filomeno Paixão de Jesus ko'alia hafoin enkontru ho Prezidente Repúblika, iha Palásiu Prezidensiál, Bairru- Pité, tersa (16/2).

Ministru Defeza Informa, oras ne'e Jenerál Lere Anan Timor hala'o hela prosesu ba sira-ne'e.

Molok ne'e informasaun espalla iha rede sosiál Facebook, akontesimentu ne'e iha Aldeia Maumali, Suku Ritabou, Postu Administrativu Maliana, Munisípiu Bobonaro, iha loron 14/2/2021, tuku 3:00 lokraik.

Asaun tiru komunidade nia Karau ne'ebe deskonfia involve autoridade sira ne'e akontese mos iha Manufahi no fatin seluk iha nasaun ne'e. (*)

Rate this item
(0 votes)
Last modified on Wednesday, 17 February 2021 09:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com